សុខចិត្ត​ទទួល​ពង​មាន់​ស្អុយ ព្រោះ​ដឹង​ខ្លួន ថា​បាន​«ក្បត់»

ជនជាតិអូស្ត្រាលីមួយរូប បានឈរនៅតាមដងផ្លូវ ជាមួយផ្លាកមួយ ដើម្បីធ្វើការពិន័យខ្លួនឯង ដែលបាន«ក្បត់» សង្សារបស់ខ្លួន។ ក្នុងចំណោម អ្នកដំណើរទាំងអស់ មាននារីមួយក្រុម មិនបានអត់អោន ឲ្យបុរសនេះទេ។
សកម្មភាពធ្វើទោសទណ្ឌ ទៅលើបុរសជាសង្សា ដែលទទួលកំហុស «ក្បត់សង្សា»។
Loading...
  • ដោយ: ដារី អត្ថបទ ៖ ដាវី ([email protected]) - ភ្នំពេញ ថ្ងៃទី ០១ ឧសភា ២០១៥
  • កែប្រែចុងក្រោយ: May 02, 2015
  • ប្រធានបទ: ជីវិតស្នេហ៍
  • អត្ថបទ: មានបញ្ហា?
  • មតិ-យោបល់

ដើម្បីឲ្យ បុរសជាសង្សា រួមរស់ជាមួយគ្នា ទទួលទោស ដឹងពីកំហុសរបស់ខ្លួន ដែលបានក្បត់នាងនោះ ស្ត្រីជាតិ​អូស្ត្រាលី​ម្នាក់ បានបញ្ជាឲ្យបុរស ជាគូស្នេហ៍របស់ខ្លួន ឲ្យទូលប្រអប់ទឹកដោះគោ នៅពាក់ផ្លាកក្រដាស់ នៅនឹងខ្លួន ហើយឈរនៅ​តាមផ្លូវ។

ផ្លាកជាក្រដាសនោះ បានសរសេរថា៖ «ខ្ញុំបានកុហក សង្សារបស់ខ្ញុំ។ ខ្ញុំបានរំលាយពាក្យសម្ដី របស់ខ្ញុំ។ ខ្ញុំជាមនុស្ស​ផ្លែល្វា។ ប្រសិនបើមាននរណាម្នាក់ ធ្លាប់ធ្វើឲ្យអ្នករងគ្រោះ ... សូមមេត្តាជេរប្រទេចខ្ញុំមកចុះ។»

គេហទំព័រ «9news.com» បានរាយការណ៍ថា នៅពីមុខ ស្ថានីយរថភ្លើង ញ៉ូថោន (Newtown) ដែលសម្បូរទៅ​ដោយ​មនុស្សនោះ ស្ត្រីជាច្រើននាក់ ដែលដូចជាចង់សប្បាយ មិនបានទុកឲ្យឱកាសនេះ កន្លងផុតទៅឡើយ។ លោក ជេម ប្រេនសុន (James Branson) អ្នកកាសែតមួយរូប ដែលដើរកាត់តាមនោះ ក៏ឆ្លៀតថតជាវីដេអូ ឃើញមានមនុស្ស​ស្រី​បួន​នាក់ កំពុងគប់ពងមាន់ និងទឹកដោះគោស្អុយ ដាក់បុរសដែលកំពុងរងទណ្ឌកម្ម ក្រោមការសើចសប្បាយ ពីនាង​ជា​សង្សា ដែលឈរនៅក្បែរ។

ដោយទ្រាំឈរមើល តទៅទៀតមិនបាន អ្នកកាសែតបានចូលអន្តរាគមន៍ ដោយសារតែអ្នក ដែលចោលពងមាន់ និងទឹក​ដោះគោស្អុយ ទាំងនោះ ហាក់ដូចជាធ្វើជ្រុលពេក។ លោក ប្រេនសុន បានសួរទៅអ្នកទាំងអស់នោះ ក្រែងលោពួកគេ​កំពុង​បង្កើត​ឈុតឆាក បន្លំភ្នែក។ ប៉ុន្តែលោក បានដឹងភ្លាមថា បុរសជាសង្សាកំពុងក្លាយខ្លួន ជាជនរងគ្រោះហើយ ក្នុងពេល​នេះ។

លោក ជេម ប្រេនសុន បាននិយាយរៀបរាប់ថា៖ «ដំបូងខ្ញុំគ្រាន់តែសើចប៉ុណ្ណោះ ព្រោះខ្ញុំគិតថា វាជារឿងគួរឲ្យចង់សើច។ តែបន្ទាប់មក ខ្ញុំគិតថា ចុះបើរឿងបែបនេះ កើតឡើងចំពោះស្ត្រីវិញ... វាអាចនឹងកើតរឿងដ៏អាក្រក់ ដែលខ្ញុំត្រូវមាន​វិប្បដិសារី អស់មួយជីវិត ប្រសិនជាខ្ញុំនៅតែឈរមើល។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...