រក​ឃើញ​គោ​ដែល​បាត់​ហើយ តែ​សល់​តែ​សាច់​ខ្លះ និង​ឆ្អឹង​ពោះ

ករណីដែលម្ចាស់គោ បានបាត់គោហើយ រកឃើញនៅសល់តែសាច់ និងឆ្អឹងនេះ មិនមែនជាលើកទីមួយទេ នៅកម្ពុជា។ ករណីនេះ បានបង្ករឲ្យមាន ការភ្ញាក់ផ្អើលទៀតហើយ នៅឯស្រុកស្អាងខេត្តកណ្តាល ដែលបានកាប់ប្រលះ សាច់គោចំនួនបីក្បាល យ៉ាង​អណោច​អធម ទាំងម្ចាស់មិនបានដឹង។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី២២ មេសា ២០១៥
  • កែប្រែចុងក្រោយ: April 23, 2015
  • ប្រធានបទ: លួចគោ
  • អត្ថបទ: មានបញ្ហា?
  • មតិ-យោបល់

សកម្មភាពលួចគោនេះ បានកើតឡើងជាថ្មីទៀត កាលពីវេលាម៉ោង០២ រំលងអធ្រាត ថ្ងៃទី២២ ខែមេសា ឆ្នាំ២០១៥ នៅ​ចំណុចទួល ពេជ្រសង្វារ ភូមិកំពង់ទ្រា ឃុំស្អាងភ្នំ ស្រុកស្អាង ខេត្តកណ្តាល បានបណ្តាលឲ្យសត្វគោ ចំនួនបីក្បាល បាន​ស្លាប់ ដោយជនមិនស្គាល់មុខ បានលួចយកទៅកាប់ នៅឆ្ងាយពីផ្ទះម្ចាស់គោ។ គោដែលបានស្លាប់យ៉ាង​អាណោច​អធម​នេះ មានម្ចាស់ពីរនាក់ ម្នាក់ឈ្មោះលោក ទិត សុង អាយុ ៦០ ឆ្នាំជាកសិករ ម្នាក់ទៀតឈ្មោះលោក អេម ឈន មុខរបរ​កសិករ ហើយ​អ្នកទាំងពីរ ជាអ្នកភូមិទ្រា ដូចគ្នា។

កសិករ ម្ចាស់សត្វគោ ដែលត្រូវបានគេលួច យកទៅកាប់សាច់នោះ បានរៀបរាប់ថា លោកបានបាត់គោ ពីក្រោលតាំង ពីម៉ោង៦ល្ងាច ថ្ងៃទី២១ មកម្លេះ រហូតមកដល់ម៉ោង០២ រំលងអធ្រាត ថ្ងៃទី២២ ទើបប្រទះឃើញគោ របស់គាត់នៅ​កន្លែង​កើតហេតុ ដែលមានវត្ថុតាង មួយចំនួននៅជាមួយ ក្នុងនោះមាន កាំបិតចំនួន៦ និងពូថៅ១ ដែលនៅជាប់ជាមួយ កំណាត់​សាច់​គោ​ខ្លះ ដែលគេបានវះយក សាច់ភ្លៅជើងមុខ ជើងក្រោយអស់។

សមត្ថកិច្ចនៅទីនោះ បានឲ្យដឹងថា គោដែលត្រូវបានគេលួចនោះ ទាំងអស់បីក្បាល ញីពីរក្បាល ក្នុងនោះផើម០១ក្បាល និងឈ្មោលមួយក្បាល។ ករណីដ៏សាហាវនេះ ត្រូវបានសមត្ថកិច្ចនគរបាល នៅស្រុកស្អាង កំពុងធ្វើការស៊ើបអង្កេត ស្រាវ​ជ្រាវរកមុខជនដៃដល់ ដើម្បីចាត់វិធានការតាមច្បាប់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...