ព្រលានយន្ដហោះ ក្រុង ឌូសលដ័ហ្វ (Dusseldorf) នេះ ជាព្រលានយន្ដហោះទិសដៅ របស់យន្ដហោះ អ៊ែរប៊ូស A320 ដែលបានធ្លាក់ កាលពីថ្ងៃទី២៤ ខែមីនា ឆ្នាំ២០១៥ ក្នុងប្រទេសបារាំង បន្ទាប់ពីយន្ដហោះនេះ បានហោះចេញពីក្រុង​បាសឺឡូន ប្រទេសអស្ប៉ាញ បានជាងមួយម៉ោង។

អ្នកស៊ើបអង្កេត បានសង្ស័យថា ជំនួយការបើកបរយន្ដហោះ មានបំណងបង្ហោះយន្ដហោះនេះ ទៅបុកភ្នំ ក្រោយពី​មេបញ្ជាការ​របស់ខ្លួន បាននិយាយពីក្រិត្យក្រម ក្នុងការចុះចតនៅព្រលានយន្ដហោះ នៃទីក្រុងភាគលិច របស់​ប្រទេស​អាល្លឺម៉ង់ មួយនេះ។

​វីដេអូនេះ បង្ហាញយ៉ាងច្បាស់ថា ស្ថានភាពខ្យល់បក់ នៅក្នុងតំបន់នោះ ជាពិសេស ទៅលើតំបន់ព្រលានយន្ដហោះ មាន​សភាពខ្លាំងក្លាណាស់ បង្កឲ្យយន្ដហោះពិបាកក្នុងការចុះចត។ ហើយវា ក៏អាចជាអំណះអំណាងមួយ របស់មេបញ្ជាការ​បើកបរ យន្ដហោះ អ៊ែរប៊ូស A320 ក្នុងការនិយាយ ជាមួយជំនួយការខ្លួន នៅពលយន្ដហោះបានងើបខ្លួន ពីក្រុង បាសឺឡូន នៅបន្តិចមក។

សូមពិនិត្យមើលក្នុងវីដេអូនេះ យន្ដហោះមួយចំនួនបានដាក់ជើងចុះ ជិតដល់ដីហើយ តែត្រូវហោះងើបឡើងទៅលើ​វិញ។ ខ្លះបានចុះចត ជាសន្សឹមៗ ប៉ុន្តែជ្រុលទៅឆ្វេងទៅស្ដាំ.... ស្រៀវឆ្អឺងខ្នងណាស់ ប្រសិនបើនិយាយពីអ្នកជិះ នៅខាង​ក្នុង​វិញ៕