ប៊ំប៊ី (Bambi) ជាឈ្មោះរបស់សត្វឆ្មារញី សម្បុរសស្គុសមួយក្បាល ដែលបានឆ្លងកាត់ នូវដំណើរផ្សងព្រេង ដ៏ពិបាកមួយ នៅក្នុងជីវិតរបស់វា៖ នោះគឺគ្មានគ្រួសារណាមួយ យកវាទៅចិញ្ចឹមទេ ដោយសារតែសត្វនេះ ថ្លង់ពីកំណើត។ ដោយ​សារ​តែធម្មជាតិបែបនេះ និងដោយមានក្ដីអាណិតមេត្តាផង ទើបជំរុញឲ្យស្ត្រី អតីតសាស្ត្រាចារ្យមួយរូប អ្នកស្រី គីម ស៊ីលវ៉ា (Kim Silva) ដែលរស់នៅក្នុងរដ្ឋ ខូណិទិកខាត់ (Connecticut សហរដ្ឋអាមេរិក) បានយកសត្វឆ្មារនេះ មក​ចិញ្ចឹម។

អ្នកស្រីសាស្ត្រាចារ្យ ដែលធ្លាប់បង្ហាត់ ខាងកាយវិការ របស់មនុស្សគថ្លង់ម្នាក់នេះ ក៏ជាអ្នកស្ដាប់អ្វីមិនឮដូចគ្នា។ ប៉ុន្តែ​អ្នកស្រី ជាមនុស្សចូលចិត្តសត្វឆ្មារ។ នៅក្នុងផ្ទះ អ្នកស្រីមានសត្វឆ្មារនេះ ចំនួនពីរក្បាលរួចហើយ។ចំពោះ ប៊ំប៊ី អ្នកស្រី​បាននិយាយថា អ្នកស្រីអាចបង្ហាត់កាយវិការមនុស្ស គថ្លង់ ឲ្យទៅឆ្មារទាំងនោះបាន។ អ្នកស្រីបានថ្លែងឡើងថា៖ «នៅ​ពេលខ្ញុំនឹកកូនចៅ ខ្ញុំបានយកការនឹកនោះ មកប្រលែងលេង ជាមួយឆ្មារ ហើយក៏បានបង្ហាត់បង្ហាញ ដោយដឹង​ពី​កាយ​វិការ គថ្លង់ នេះដែរ»។

ប៉ុន្តែការប្ដេជ្ញាចិត្តរបស់អ្នកស្រី ស៊ីលវ៉ា មិនជាស្រួលប៉ុន្មានឡើយ៖ ព្រោះបើសិនជាគេ អាចបង្រៀនកាយវិការនេះ ទៅ​សត្វឆ្កែ ដែលមានខួក្បាល រីកចំរើនជាងនោះបាន តែបើនិយាយពីសត្វឆ្មារ ដែលអាចយល់ពីកាយវិការនេះវិញ គឺពិត​ជាកម្រណាស់។ អ្នកស្រីនិយាយថា៖ «អ្នកខ្លះថែមទាំងគិតថា ជារឿងដែលមិនអាចទៅរួចនោះទៀតផង»។ អ្នកស្រី​បាន​រំលឹក ពីបទពិសោធន៍ ដែលអ្នកស្រីធ្លាប់បង្រៀន កូនស្រីរបស់អ្នកស្រី ឲ្យចេះពីកាយវិការនេះ តាំងពីនៅតូចៗ ព្រោះ​ដោយ​សារអ្នកស្រីមានវិធី ដើម្បីអាចឲ្យកូនសិស្ស ឆាប់ចាប់បាន។

ដោយសារតែហេតុនេះ ទើបប៊ំប៊ី និងឆ្មារពីរក្បាលទៀត បានចេះដឹងនៅក្នុងតែរយៈពេលប៉ុន្មានសប្ដាហ៍ប៉ុណ្ណោះ ពី​កាយ​វិការ គថ្លង់ ជាកាយវិការប្រចាំថ្ងៃ ដូចទៅ មក ទៅ ឈប់ អង្គុយ នៅឲ្យស្ងៀម ចាប់ដៃមួយ ដេកទៅ លេងអានេះ ឬ រាំ ជាដើម។

សូមទស្សនាវីដេអូ (ខាងលើ) ហើយអាចកោត សរសើរសត្វឆ្មារទាំងនេះ តាមការយល់ឃើញរបស់លោកអ្នក៕