សេចក្ដីប្រកាសព័ត៌មាន របស់ក្រុមហ៊ុន Beeline ដែលបានបង្ហោះ នៅលើទំព័រហ្វេសប៊ុក របស់ខ្លួន នៅរសៀលថ្ងៃទី១៩ ខែមីនា បានឱ្យដឹងថា កាលពីថ្ងៃទី១១ ខែមីនា ក្រុមហ៊ុន Sotelco LTD. ដែលជាក្រុមហ៊ុន ផ្ដល់សេវាទូរស័ព្ទ Beeline បាន​សម្រេច លើកិច្ចព្រមព្រៀងមួយ ក្នុងការផ្ទេរអាជ្ញាប័ណ្ណ និងទ្រព្យសម្បត្តិមួយចំនួន ទៅឱ្យក្រុមហ៊ុន Viettel (Cambodia) Pte. Ltd. ដែលជាក្រុមហ៊ុនផ្ដល់សេវាទូរស័ព្ទ Metfone ។

សេចក្តីប្រកាសនេះ បានបន្តថា ចំពោះអ្នកប្រើប្រាស់ប្រព័ន្ធ Beeline ទាំងអស់ នឹងត្រូវផ្ទេរទៅប្រើប្រាស់ បណ្ដាញ​ប្រព័ន្ធ​របស់ Metfoneវីញ ចាប់ពីថ្ងៃទី២៤ ខែមីនាតទៅ ដោយរក្សាទុកលេខ នៅដដែល ។

សេចក្តីប្រកាសដដែល បានបញ្ជាក់ថា ក្រុមហ៊ុន Sotelco នឹងបញ្ចប់កុងត្រា និងឈប់ផ្ដល់សេវា ដល់អតិថិជនរបស់ខ្លួន តែនៅបន្តដោះស្រាយបញ្ហានានា ដែលបានកើតមានមុនការផ្ទេរ ទៅប្រើប្រព័ន្ធរបស់ក្រុមហ៊ុន Metfone។ ទឹកប្រាក់​គោល នៅក្នុងគណនី នឹងត្រូវបានរក្សាទុក តែទឹកប្រាក់បន្ថែម នឹងត្រូវបានកាត់ចោល៕

នេះជាសេចក្ដីប្រកាសព័ត៌មាន សរសេរជាភាសាអង់គ្លេស៖