ផ្ទុះ​សេខ្សែរ​ភ្លើង​ឆេះ​ផ្ទះ​ទាំង​ព្រឹក នៅ​ជិត​ផ្សារ​ថ្មី

អគ្គីភ័យ បានបង្ករការភ្ញាក់ផ្អើល ទាំងព្រឹក ដល់អ្នករស់នៅម្តុំផ្សារថ្មី បន្ទាប់ពីផ្ទះល្វែងមួយខ្នង នៅជាន់ទីពីរ បានឆាបឆេះ។ ហេតុការណ៍​អគ្គិភ័យ​នេះ ត្រូវបានពន្លត់ទៅវិញ ដោយសុវត្តិភាព មិនបង្ករការឆាបឆេះ ឲ្យប៉ះពាល់ ដល់ផ្ទះជិតខាងនោះទេ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី១១ មិនា ២០១៥
  • កែប្រែចុងក្រោយ: March 11, 2015
  • ប្រធានបទ: គ្រោះអគ្គិ
  • អត្ថបទ: មានបញ្ហា?
  • មតិ-យោបល់

នៅវេលាម៉ោង៧ និង៣០នាទី ព្រឹកថ្ងៃទ១១ ខែមិនា ឆ្នាំ២០១៥នេះ មានហេតុការណ៍ភ័យផ្អែមមាត់មួយ បានកើតឡើង បង្ក​ឲ្យខូចខាតផ្ទះល្វែងមួយជាន់។ ផ្ទះដែលបានឆេះខូចខាតនោះ ស្ថិតក្នុងក្រុម ទី១២ ភូមិទី៣ សង្កាត់ផ្សារថ្មីទី៣ ខណ្ឌ​ដូនពេញ រាជធានីភ្នំពេញ ដែលមានម្ចាស់ផ្ទះឈ្មោះ អ្នកស្រី វ៉ាន់ កនិកា ជាអាជីវករលក់ហូលផាម៉ួង នៅផ្សារទួលទំពូង។ អគ្គីភ័យឆាបឆេះ ដ៏សន្ធោសន្ធៅ ត្រូវបានពន្លត់ទៅវិញ ដោយប្រើប្រាស់រថយន្តពន្លត់អគ្គីភ័យ អស់ចំនួន៥គ្រឿង និង​ប្រើ​ពេល អស់ប្រមាណជា១ម៉ោង។

ប្រភពព័ត៍មាន បានឲ្យដឹងថា ផ្ទះលេខ៦៣ ដែលឆាបឆេះនោះ មិនមានអ្នកស្នាក់នៅទេ គ្រាន់តែជាកន្លែង សម្រាប់ស្តុក​ឥវ៉ាន់ក្រណាត់ លក់ប៉ុណ្ណោះ ព្រោះផ្ទះឆេះនេះ ជាជាន់ទីពីរ ចំណែកឯម្ចាស់ផ្ទះ ស្នាក់នៅជាន់ផ្ទាល់ដី។ គ្រោះអគ្គីភ័យនេះ បានឆាបយកឥវ៉ាន់ ដែលនៅក្នុងផ្ទះនោះ អស់មួយចំនួនធំ តែមិនមានអ្នករបួស ឬស្លាប់ដោយសារហេតុការណ៍នេះទេ។

ប្រពភព័ត៍មានបានបន្តថា ដំបូងឡើយ មានកាពិបាក ក្នុងការជួយសង្គ្រោះផ្ទះនេះណាស់ ដោសារតែនៅជាន់លើ ចំណែក​ឡានទឹកប្រាំគ្រឿង ដំបូងសុទ្ធតែគ្មានជណ្តើរ។ ភ្លាមៗនោះ ឡានទឹកមានជណ្តើរ បានមកដល់ ហើយបានធ្វើសកម្មភាព​ពន្លត់បានសម្រេច នៅម៉ោង៨ និង៣០នាទី។ ប្រភពបានបញ្ជាក់ទៀតថា ម្ចាស់ផ្ទះមិនបានផ្តល់ទិន្នន័យណាមួយ ពីការ​ខូច​ខាត​ទេ ព្រោះនៅមានភាពតក់ស្លុតខ្លាំង។

តាមការបញ្ជាក់ របស់របស់ចៅសង្កាត់ផ្សារថ្មីទី៣អ្នកស្រី ប៊ុន ធីតា បានឲ្យទស្សនាវដ្តីមនោរម្យ.អាំងហ្វូដឹងថា គាត់នៅ​មិន​ទាន់បាន ទទួលទិន្នន័យច្បាស់លាស់ ពីការខូចខាតនោះនៅឡើយ។ តែអ្នកស្រីបានប្រាប់ថា មូលហេតុដែលឆាបឆេះនេះ បណ្តាលមកពីរការផ្ទុះសេខ្សែរភ្លើង។ អ្នកស្រីចៅសង្កាត់បន្តថា ដំបូងមានឡានទឹកចំនួន៧គ្រឿង មកសង្គ្រោះ តែប្រើអស់​តែ៥គ្រឿង ក៏ពន្លត់បានជាស្ថាពរ ក្នុងនោះឡានមានជណ្តើរមួយគ្រឿង ឡានអត់ជណ្តើរ៤គ្រឿង។

អ្នកស្រី ប៊ុន ធីតា បានលើកឡើងជាចុងក្រោយថា គាត់សូមផ្តែផ្តាំដល់ពលរដ្ឋ ដែលរស់នៅក្នុងរាជធានីភ្នំពេញ ក៏ដូចជា​នៅតាមបណ្តាខេត្តមេត្តា បង្កើនការប្រុងប្រយ័ត ឲ្យបានខ្ពស់ជាងមុន។ ទោះជាការប្រើប្រាស់ភ្លើងដោយផ្ទាល់ ឬដោយ​អគ្គិសនីនោះទេ តែវានឹងមានហនិភ័យខ្ពស់ណាស់ ប្រសិនជាមិនបានប្រុងប្រយ័ត្ន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...