សត្វគោចំលែកកើតមកមានតែជើងពីរ ល្បីមានបារមី (vdo)
- ដោយ: ក. វិច្ចនី អត្ថបទ និងយកការណ៍៖ ក. វិច្ចនី ([email protected]) - ភ្នំពេញ ថ្ងៃទី២៩ មករា ២០១៤
- កែប្រែចុងក្រោយ: January 30, 2015
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
សត្វគោ ទើបតែកើតបានជាងមួយសប្តាហ៍ ប៉ុន្តែអាចយល់ដឹងពីអ្វី ដែលមនុស្សនិយាយគ្នាបាន។ ហើយអ្វីដែលធ្វើឲ្យមានការភ្ញាក់ផ្អើលទៀតនោះ គឺបើសិនជាមានអ្នកណាម្នាក់ យកកាមេរ៉ាទៅថតវា ដោយមិនសុំអនុញ្ញាតពីវា នោះប្រាកដជាថតមិនជាប់នោះទេ។ សត្វគោចំលែកនេះ បានកើតនៅ ផ្ទះរបស់ប្រជាពលរដ្ឋមួយក្នុង ភូមិទ័ពម្រាក់ ឃុំព្រះខែ ស្រុកបរសេដ្ឋ ខេត្តកំពង់ស្ពឺ។
យុវជន ហៃ គឹមហាន សិស្សថ្នាក់ទី ១២ រៀននៅវិទ្យាល័យវត្តកក់ ដែលស្ថិតនៅជិតភូមិដែលមានកើតសត្វគោចំលែកនេះ បានប្រាប់ទស្សនាវដ្តីមនោរម្យ.អាំងហ្វូថា ខ្លួនបានជិះឆ្លងកាត់ភូមិនេះរាល់ថ្ងៃ ហើយបានលឺអ្នកភូមិថា សត្វគោចំលែកដែលកើតមក មានតែជើងខាងក្រោយពីរ យើងថតវាមិនជាប់នោះទេ។ លឺដូច្នេះ យុវជនរូបនេះបាននាំគ្នាទៅមើល ដើម្បីសាកល្បងថតរូបឲ្យអស់មន្ទិលសង្ស័យ។
គឹម ហាន និយាយទៀតថា នៅពេលដែលខ្លួនបានទាញទូរស័ព្ទទៅថតរូបគោនោះ ស្រាប់តែទូរស័ព្ទរបស់គេឡើងក្តៅ ហើយមិនមានជាប់រូបគោនោះមែន។ បន្ទាប់ពី គឹម ហាន បានសុំអនុញ្ញាតគោនោះរួច ទើបថតចេញជារូបថត និងវីដេអូបាន។
គោនេះ មិនត្រឹមតែថតរូបមិនជាប់នោះទេ ប៉ុន្តែប្រសិនបើមានអ្នកណាម្នាក់ មកនិយាយម៉ាក់ងាយវានោះ ប្រាកដជាមានគ្រោះថ្នាក់អ្វីមួយ ជាមិនខាននៅពេលក្រោយ។ គឹម ហាន បានបញ្ជាក់ប្រាប់ទៀតថា កាលពីប៉ុន្មានថ្ងៃមុន មានបុសម្នាក់នៅភូមិទ័ពម្រាក់នោះដែរ បានទៅមើលគោដែលកើតមកមានជើងពីរនេះ ហើយបានបន្លឺពាក្យថា «យកវាទៅកាប់ស៊ីម៉ងទៅ»។ ក្រោយពីបុរសនោះបានពោលពាក្យដូច្នេះរួច ស្រាប់តែនៅពេលទៅដល់ផ្ទះវិញ បុរសនោះត្រូវរលាកទឹកក្តៅពេញមុខតែម្តង។ ហើយបើមានអ្នកណាមកនិយាយថា អាណិតកូនគោនេះណាស់ គោនោះហាក់យល់ពីសម្តីមនុស្សអញ្ចឹង ដោយវាបានបង្ហូទឹកភ្នែក ដូចជាចង់ឲ្យមនុស្សរាល់គ្នាយល់ពីអារម្មណ៍របស់វា ដែលកើតមកមានរូបខុសគេ គឺមានជើងតែពីរ។
សព្វថ្ងៃគោនេះដើរមិនរួចនោះទេ ហើម្ចាស់របស់វាដាក់ឲ្យដេកនៅជាប់នឹងកន្ទេល និងបំបៅដោយទឹកដោះគោឲ្យវាដូចជាទារកដែរ ព្រោះបានឃាំង មិនឲ្យមេរបស់វា មកនៅជិតទេ ព្រោះខ្លាចរបស់វា ជល់ស្លាប់។
ជារឿយៗ អ្នកភូមិជិតៗនោះ តែងតែទៅបន់ស្រន់សុំក្តីសុខ និងបន់ឲ្យជំងឺមួយចំនួនជាសះផងដែរ ដោយទុកសត្វគោដែលមានជើងពីរនោះ ជាសត្វគោមានបុណ្យបារមី ជួយប្រោសសត្វលោក។ អ្នកមកបន់ស្រន់ទាំងនោះ ក៍បានចូលជាបច្ច័យ សំរាប់ឲ្យម្ចាស់គោទិញទឹកដោះគោ ទុកបំបៅវាដែរ ព្រោះម្ចាសគោគាត់មានជីវភាពលំបាកខ្លាំង មិនអាចមានលទ្ធភាពទិញទឹកដោះគោ ឲ្យគោ«មានបារមី»មួយនេះ បៅគ្រប់គ្រាន់នោះទេ៕
ខាងក្រោមនេះ ជាវីដេអូដែល គឹម ហាន ថតយកទិដ្ឋភាព សត្វគោចំលែកដោយផ្ទាល់៖