កម្ពុជា៖ សកម្មជន​ដី​ធ្លី​បឹងកក់ ទេព វណ្ណី នឹង​ទទួល​ពាន​រង្វាន់

អ្នកស្រី ទេព វណ្ណី ជាស្រ្តីមួយរូប ក្នុងចំណោមស្រ្តីជាច្រើនផ្សេងទៀត ដែលបានធ្វើការតស៊ូប្រយុទ្ធ ប្រឆាំងនឹងការចាប់​បណ្ដេញចេញពីដីធ្លី ដែលកើតឡើងនៅលើទីតាំងបឹងកក់ កណ្ដាលទីក្រុងភ្នំពេញ ក្នុងគម្រោងដ៏ធំមួយរបស់រដ្ឋាភិបាល និងក្រុមហ៊ុនឯកជន ដើម្បីអភិវឌ្ឍន៍តំបន់នោះ ទៅជាទីក្រុងរណបមួយ។ អ្នកស្រីនឹងធ្វើដំណើរទៅទីក្រុងវ៉ាស៊ីនតោន សហរដ្ឋអាមេរិក នៅអំឡុងខែមេសាឆ្នាំ២០១៣ខាងមុខ ដើម្បី ទទួលពានរង្វាន់មួយ ពីអង្គការ ដៃ​គូ​ពិ​ភព​លោក​ក្នុង​ការ​បញ្ចេញ​មតិ (វីតាល់ វ៉ស្ស គ្លោប៊ល ផាន័រស្សីប -​ Vital Voices Global Partnership) ដែលជាពានរង្វាន់ សំរាប់ការលើក​ទឹកចិត្ត ចំពោះការតស៊ូប្រយុទ្ធដោយអហឹង្សា នៃស្ត្រីទាំងឡាយក្នុងពិភពលោក។
Loading...
  • ដោយ: កេសរ កូល
  • កែប្រែចុងក្រោយ: November 06, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

សកម្មជនមិនចេះនឿយហត់ ជាស្ត្រី ដែលតស៊ូប្រយុទ្ធប្រឆាំង នឹងការបណ្ដេញចេញពីដីធ្លីដោយបង្ខំ អ្នកស្រី ទេព វណ្ណី នឹង​ទទួលពានរង្វាន់ពីអង្គការអន្តរជាតិមួយ នៅសហរដ្ឋអាមេរិក។


អ្នកស្រី ទេព វណ្ណី។ រូបថត MAGNUM/John Vink

អ្នកស្រី ទេព វណ្ណី ជាស្រ្តីមួយរូប ក្នុងចំណោមស្រ្តីជាច្រើនផ្សេងទៀត ដែលបានធ្វើការតស៊ូប្រយុទ្ធ ប្រឆាំងនឹងការចាប់​បណ្ដេញចេញពីដីធ្លី ដែលកើតឡើងនៅលើទីតាំងបឹងកក់ កណ្ដាលទីក្រុងភ្នំពេញ ក្នុងគម្រោងដ៏ធំមួយរបស់រដ្ឋាភិបាល និងក្រុមហ៊ុនឯកជន ដើម្បីអភិវឌ្ឍន៍តំបន់នោះ ទៅជាទីក្រុងរណបមួយ។ កាសែតក្នុងស្រុក ភ្នំពេញប៉ុស្ដិ៍ បានរាយការណ៍​កាលពីថ្ងៃទី០៥វិច្ឆិការនេះថា អ្នកស្រីនឹងធ្វើដំណើរទៅទីក្រុងវ៉ាស៊ីនតោន សហរដ្ឋអាមេរិក នៅអំឡុងខែមេសាឆ្នាំ២០១៣​ខាងមុខ ដើម្បី ទទួលពានរង្វាន់មួយ ពីអង្គការ ដៃ​គូ​ពិ​ភព​លោក​ក្នុង​ការ​បញ្ចេញ​មតិ (វីតាល់ វ៉ស្ស គ្លោប៊ល ផាន័រស្សីប -​ Vital Voices Global Partnership) ដែលជាពានរង្វាន់ សំរាប់ការលើក​ទឹកចិត្ត ចំពោះការតស៊ូប្រយុទ្ធដោយអហឹង្សា នៃ​ស្ត្រីទាំងឡាយក្នុងពិភពលោក។ កាលពីថ្ងៃទី២៧មិថុនាកន្លងទៅ អ្នកស្រី ទេព វណ្ណី ត្រូវបានគេដោះលែងពីពន្ធនាគារ ជាមួយនឹងស្រ្តីសកម្មជន ១២នាក់ទៀត បន្ទាប់ពីពួកអ្នកស្រី​ ត្រូវបានគេចាប់​ឃុំ​អស់រយះពេលមួយខែ និង៣ថ្ងៃ ដោយ​សារ​តែបានធ្វើបាតុកម្ម ប្រឆាំងនឹងការបណ្ដេញចេញពីដីធ្លីនេះ។

ផ្ទុយពីការគម្រាមកំហែង និងការធ្វើទុក្ខបុកម្នេញ រហូតចាប់ដាក់ពន្ធនាគារនេះក៏ដោយ ក៏អ្នកស្រី មិនដែលបោះបង់​ចោល​នូវការតស៊ូប្រយុទ្ធ ដើម្បីបុព្វហេតុអស់ទាំងនេះ ប្រកបដោយក្ដីសង្ឃឹម នៃការទទួលដឹងលឺ ពីសហគមន៍អន្តរជាតិ។ ជាមួយ​នឹងពានរង្វាន់នេះ អ្នកស្រីបានបញ្ចេញក្ដីរំភើបយ៉ាងដូច្នេះថា «ខ្ញុំសង្ឃឹមថា រង្វាន់នេះ នឹងជួយដល់ការងាររបស់ខ្ញុំ។ (...) ខ្ញុំ​មានការប្រាកដក្នុងចិត្តថា ពានរង្វាន់នេះនឹង ផ្ដល់អោយខ្ញុំនូវទឹកចិត្ត ក្នុងបុព្វហេតុដើម្បីសហគមន៍របស់ខ្ញុំ និងសហគមន៍​ដទៃៗទៀត ដែលកំពុងរងគ្រោះនៅកម្ពុជា។»

អង្គការ​​ដៃ​គូ​ពិ​ភព​លោក ​ក្នុង​ការ​បញ្ចេញ​មតិ​ (Vital Voices Global Partnership) ជា​អង្គ​ការ​អន្តរ​ជាតិ​មួយ បង្កើត​ឡើង​កាល​ពី​ឆ្នាំ ១៩៩៧ សម្រាប់​ផ្តួច​ផ្តើម​គំនិត​ដើម្បី​លទ្ធិ​ប្រ​ជា​ធិប​តេយ្យ ដោយមានលោក​ស្រី ហ៊ីលឡារី​ គ្លីន​តុន​ ​(Hillary Clinton) បច្ចុប្បន្នរដ្ឋ​មន្ត្រី​ការ​បរទេស​សហ​រដ្ឋ​អា​ម៉េ​រិក ​ជា​ស្ថាបនិក​រួមនៃអង្គការ​នេះ​ផង​។ សូមបញ្ជាក់ថា ការដោះលែង​ពួកអ្នកស្រីទាំង ដប់បីនាក់ ពីពន្ធនាគារ អាចធ្វើទៅបានសម្រេចគឺដោយសារតែ មានការទាមទារមិនចេះឈប់ឈរ ពីក្រុម​បណ្ដាអ្នកគាំទ្រ ដោយក្នុងនោះមានលោកស្រី ហ៊ីលឡារី​ គ្លីន​តុន បានចូលរួមដែរ។ អ្នកស្រី ទេព វណ្ណី បានបន្ថែមថា «ខ្ញុំ​ចង់ថ្លែងអំណរគុណ លោកស្រីហ៊ីលឡារី​ គ្លីន​តុន ដែលបានជួយដល់សហគមន៍ របស់ពួកយើង។ រាល់ការលើកទឹកចិត្ត​ទាំងអស់នេះ បង្ហាញថា ការទាមទាររបស់យើង មានភាពស្របច្បាប់។»

ញាតិមួយ ដែលបានបង្កើតឡើងដោយ អង្គការលើកលែងទោសអន្តរជាតិ (Amnesty International) បាននឹងកំពុង​ចរាចរណ៍ នៅតាមបណ្ដាញអាំងទើណែត ក្នុងគោលបំណងទាមទារទៅ រដ្ឋាភិបាលរបស់លោកនាយករដ្ឋមន្ត្រីហ៊ុន​សែន អោយបញ្ឈប់នូវការបណ្ដេញចេញដោយបង្ខំ នៅកម្ពុជា។ ញាតិទាមទារនោះ ចង់អោយមានហត្ថលេខាគាំទ្រ អោយបាន​យ៉ាង​តិច ១០ ០០០ហត្ថលេខា។ ខាងក្រោមនេះ ជាខ្សែវីដេអូខ្លីមួយ ដែលផលិតដោយ អង្គការលើកលែងទោសអន្ដរជាតិ ដែល​និយាយពីបុព្វហេតុក្នុងការតស៊ូទាមទាររបស់អ្នកស្រី ទេព វណ្ណី៖

---------------------------------------------------
ដោយ ៖ កេសរកូល - ភ្នំពេញ ថ្ងៃទី០៥ ខែវិច្ឆិកា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...