ស៊ឹម ថៃណា ស្និតស្នាលប្លែកជាមួយ យុត្ថារ៉ា ឆានី
- ដោយ: ប្រាថ្នា អត្ថបទ និងយកការណ៍៖ ប្រាថ្នា ([email protected]) - ភ្នំពេញ ថ្ងៃទី៣១ ធ្នូ ២០១៤
- កែប្រែចុងក្រោយ: December 31, 2014
- ប្រធានបទ: តារា
- អត្ថបទ: មានបញ្ហា?
- មតិ-យោបល់
-
នេះជាលើកទីមួយហើយ បន្ទាប់ពីលោក យុត្ថារ៉ា ឆានី បានលែងលះជាមួយតារាសម្ដែង និងបង្ហាញម៉ូត រាងខ្ពស់ស្រលះអ្នកនាង ចន ច័ន្ទលក្ខណា ដែលគេបានឃើញលោកស្និតស្នាលជាមួយនារីដ៏ទៃ។ ដំណឹងដែលបានបែកធ្លាយ និងកំពុងល្បីសុះសាយ នៅក្នុងបណ្តាញទំនាក់ទំនងសង្គមហ្វេសប៊ុកនោះ បានបង្ហាញឲ្យឃើញថា លោក យុត្ថារ៉ា ឆានី និងកញ្ញា ស៊ឹម ថៃណា តែងតែទៅណាមកណា ជាមួយគ្នាថែមទៀតផង។
តាមរយៈរូបថត ដែលត្រូវបានបង្ហោះជាសាធារណៈ និងចែកចាយគ្នាយ៉ាងព្រោងព្រាត នៅលើបណ្តាញសង្គមហ្វេសប៊ុក លោក យុត្ថារ៉ា ឆានី និងកញ្ញា ស៊ឹម ថៃណា ម្ចាស់បទ«បេះដូងឆ្កួត» ត្រូវបានមើលឃើញប្រៀបដូចជាគូរស្នេហ៍ដ៏ផ្អែមល្ហែមមួយគូរ ដែលកំពុងប្រលោមនែបណិតគ្នា។ ពួកគេអង្គុយញ៉ាំបាយជាមួយគ្នា យ៉ាងកៀកកិតគ្នា ស្អិតល្មួត ដែលខុសប្លែកពីពាក្យថា«មិត្តភក្តិ» និង«មិត្តរួមអាជីព»។
បន្ទាប់ពីរូបភាពជិតជិតរបស់អ្នកទាំងពីរ ដែលបានបែកធ្លាយនៅលើបណ្តាញសង្គមហ្វេសប៊ុក បានបង្កឲ្យមានចម្ងល់ពីទស្សនិកជនជាច្រើន ឆ្ងល់ឡើងថា តារាទាំងពីរដួងនេះមានទំនាក់ទំនង ផ្អែមល្ហែម ស្និតស្នាលជាមួយគ្នាតាំងពីពេលណា? ហើយថាតើទំនាក់ទំនងនេះ នឹងបន្តបានយូអង្វែងរហូតដល់ពេលណា?
យ៉ាងណាចម្ងល់មួយនេះ មិនទាន់ត្រូវបានអតីតស្វាមីអ្នកនាង ចន ច័ន្ទលក្ខណា និងតារាចម្រៀងកញ្ញា ស៊ឹម ថៃណា ចេញមុខស្រាយនៅឡើយ។ ប៉ុន្តែមានទស្សជិកម្នាក់អះអាងនៅក្នុងប្រអប់បញ្ចេញមតិថា៖ «ពត៌មាននេះខុសហើយ រូបនេះថតកាល៤ឆ្នាំមុន គឺក្នុងរឿងប្រពន្ធភ្លេចប្តីភ្លាត់»។ បើអញ្ចឹងទៅវិញទេ ទំនងជាមកពីរូបនេះទេដឹង បានជាអតីតប្ដីប្រពន្ធស្រឡាញ់គ្នារហូតមានកូន លោក យុត្ថារ៉ា ឆានី និងអ្នកនាង ចន ច័ន្ទលក្ខណា ឈានទៅដល់ការលែងលះគ្នា?