CNRP បណ្ដេញ ឡាក់ សុភាព តែ​មិន​ប្ដឹង​ទៅ​តុលាការ​ទេ

ប្រធានគណៈកម្មាធិការវិន័យ នៃគណបក្សសង្គ្រោះជាតិ បានថ្លែងអះអាងថា គណបក្សលោក ក៏ដូចជាគណកម្មការវិន័យ បានសម្រេចបញ្ចប់សមាជិកភាពរបស់អ្នកស្រី ឡាក់ សុភាព ពីគណបក្សសង្គ្រោះជាតិចាប់ពីថ្ងៃនេះតទៅ តែ​មិន​បាន​ប្ដឹង​អ្នក​ស្រី​ឡើង​តុលាការ​នោះ​ទេ។
Loading...
  • ដោយ: អ៊ុម វ៉ារី អត្ថបទ និងយកការណ៍៖ អ៊ុម វ៉ារី ([email protected]) - ភ្នំពេញ ថ្ងៃទី៣០ ធ្នូ ២០១៤
  • កែប្រែចុងក្រោយ: December 30, 2014
  • ប្រធានបទ: នយោបាយ
  • អត្ថបទ: មានបញ្ហា?
  • មតិ-យោបល់

បើទោះ​ជា​លិខិត​បណ្ដេញអ្នកស្រី ឡាក់ សុភាព បាន​ចេញ​ផ្សាយ​ជា​ផ្លូវការ​ នៅ​ថ្ងៃ​ទី៣០ ខែធ្នូនេះក៏​ដោយ ក៏​ប្រធាន​គណៈកម្មា​ធិការ​វិន័យ របស់​គណបក្ស​សង្គ្រោះ​ជាតិ លោក អ៊ូ ច័ន្ទឫទ្ធិ ក្នុង​កិច្ច​សម្ភាស​ជា​មួយ​​ទស្សនាវដ្តី​មនោរម្យ.អាំងហ្វូ បាន​លើក​ឡើង​ថា នឹង​ផ្តល់​ឱកាស​សម្រាប់​​អ្នកស្រី ឡាក់ សុភាព បើ​អ្នកស្រី​​មិន​​បាន​ថ្លែង​ដូច​ការ​ចោទ​ប្រកាន់​របស់​សារព៏ត៌មាន​ទាំង​នោះ អ្នកស្រី​អាច​ឆ្លើយ​តប​ទៅ​អ្នក​សារព័ត៌មាន​វិញ​ថា មិន​បាន​​និយាយ​យ៉ាង​ដូច្នេះ​ទេ។

កាលពី​ថ្ងៃ​ទី​២៩ ខែ​ធ្នូ ឆ្នាំ​២០១៤ ម្សិល​ម៉ិញ​នេះ គណកម្មការ​វិន័យ​នៃ​គណបក្ស​សង្គ្រោះ​ជាតិ បាន​កោះ​អញ្ជើញ​អ្នកស្រី ឡាក់ សុភាព ដើម្បី​ឆ្លើយ​បំភ្លឺ​ជុំ​វិញ​ព័ត៌មាន ដែល​អ្នកស្រី​បាន​ឆ្លើយ​ចំពោះ​មុខ​អ្នក​​សារព័ត៌មាន​​នោះ។ ក្នុង​កិច្ច​ប្រជុំ​ផ្ទៃ​ក្នុង​គណបក្ស​សង្គ្រោះ​ជាតិ តាម​ការ​ស្រង់​សំដី ដោយ​ប្រធាន​គណកម្មការ​វិន័យ​បន្ត​ថា ជាមួយ​​នឹង​ការ​បដិសេធ​នូវ​ការ​ចោទ​ប្រកាន់​ទាំង​នោះ អ្នកស្រី​ក៏​មិន​ព្រម​សហការ​​ក្នុង​ការ​បំភ្លឺ​ចំពោះ​អ្នក​​សារព័ត៌មាន​ឡើង​វិញ នូវ​អ្វី​ដែល​អ្នក​សារព័ត៌មាន​បាន​ចុះ​ផ្សាយ​នោះ​ឡើយ។

ក្នុងនាមលោកជាប្រធានក្រុមប្រឹក្សាវិន័យ និងតំណាងឲ្យគណបក្សសង្គ្រោះជាតិ លោក អ៊ូ ច័ន្ទឫទ្ធិ បន្តថា ក្នុង​ថ្ងៃទី៣០ ខែធ្នូនេះ នឹងធ្វើការដាក់ពីន័យក្នុងក្រមខណ្ឌគណបក្សសង្គ្រោះជាតិ ដោយមិនគិតគូដល់​បញ្ហា​បរិហាកេរ្តិ៍ តាមផ្លូវតុលាការនោះឡើយ។ លោកបន្តថា លោកបានសម្រេច បញ្ចប់សមាជិកភាពអ្នកស្រី ឡាក់ សុភាព ពីសមាជិកគណកម្មការនាយកគណបក្សសង្គ្រោះជាតិចាប់ពីថ្ងៃនេះតទៅ។

សូមបញ្ជាក់ថា ជំនួយការផ្ទាល់លោក កឹម សុខា អ្នកស្រី ឡាក់ សុភាព បានផ្តល់បទសម្ភាសជាមួយ​ទស្សនាវដ្តី​មនោរម្យ.អាំងហ្វូ កាលពីថ្ងៃទី២៧ ខែធ្នូនេះ នៅក្នុងពីធីជួបជុំថ្នាក់ជាតិលើកទីមួយនៃបណ្តាញសង្គមខ្មែរដើម្បី​ខ្មែរ ដែលរៀបចំឡើងដោយលោក កែម ឡី ដោយអ្នកស្រីបានលើកឡើងថា សកម្មជននៃគណបក្ស​សិទ្ធិ​មនុស្ស និងគណបក្សសម រង្ស៊ី ទាំងក្រៅ និងក្នុងប្រទេសមិនត្រូវគ្នា ឬស៊ីចង្វាក់ឡើយ ហើយនៅក្នុងគណបក្ស មានការ​រើស​អើងចំពោះអ្នកជាប់(ឆ្នោត) និងអ្នកមិនជាប់ នាំឲ្យមានការ«ផុយស្រួយ»ដែលឈាន ទៅដល់ការ​បែកបាក់​គ្នា អាចនឹងរលាយបាត់រូបទៀតផង។

អ្នកស្រីបានបញ្ជាក់ថា៖ «សំខាន់រលាយគណបក្សវាមិនអីទេអស់លោក។ រលាយអី? រលាយជាតិ ជាតិខ្មែរទាំង​មូល រលាយដោយសាមេដឹកនាំ។ (...) គណកម្មការវិន័យ(គណបក្សសង្គ្រោះជាតិ)គេហៅខ្ញុំចូលទៅទៀត កន្លង​មក​ពីថ្ងៃទី៤(ខែធ្នូ)។ ថ្ងៃទី៥ លោក កឹម សុខា ប្រជុំគណកម្មការនាយកបាញ់ពីរឿងលុយ ៣០-៤០ លាន (ដុល្លា) ដែល សម រង្ស៊ី ទទួលយក។ ឥឡូវបាន២០លាន ចឹងមានន័យថា២០លាន ដែលជាចំណែកមួយ​ដែល ខ្ញុំមិន​ចូលរួមនូវសង្គម ដែលមានមេដឹកនាំពុកលរលួយបែបនេះទេ។»

ទស្សនាវដ្តីមនោរម្យ.អាំងហ្វូមិនអាចទំនាក់ទំនងជាមួយអ្នកស្រី ឡាក់សុភាព បានទេក្នុងព្រឹកថ្ងៃទី៣០ ខែធ្នូ ឆ្នាំ​២០១៤នេះ ដោយទូរស័ព្ទលោកស្រីមិនអាចភ្ជាប់ទំនាក់ទំនងបាន ហើយទំនងជាអ្នកស្រីបានចាកចេញ ទៅ​ក្រៅ​ប្រទេសបាត់ទៅហើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...