ព្រះសង្ឃ កែវ សុម៉ាលី៖ ការកោះហៅរបស់តុលាការ ជានិតិវិធីធ្វើតាមច្បាប់
- ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី ២៣ ធ្នូ ២០១៤
- កែប្រែចុងក្រោយ: December 24, 2014
- ប្រធានបទ: យុត្តិធម៌
- អត្ថបទ: មានបញ្ហា?
- មតិ-យោបល់
-
ព្រះរាជអាជ្ញាចេញដីការ កោះនិមន្តព្រះតេជគុណ កែវ សុម៉ាលី មកសាកសួរ គឺធ្វើទៅតាមពាក្យបណ្តឹង ហើយវាជានិតិវិធីរបស់ច្បាប់ ដែលមិនអាចកំណត់ថា បុគ្គលណាជាបុគ្គលណាមួយនោះឡើយ ព្រោះព្រះសង្ឃក៍ស្ថិតនៅក្រោមការគ្រប់គ្រងរបស់ច្បាប់ដែរ។ ដូច្នេះ តុលាការត្រូវតែកោះហៅព្រះសង្ឃ មកបំភ្លឺដូចជាជនដទៃទៀត។ នេះជាសង្ឃដីការរបស់ព្រះតេជគុណ កែវ សុម៉ាលី ថ្លែងទៅកាន់ក្រុមអ្នកយកព័ត៌មាន បន្ទាប់ពីបាននិមន្តចេញពីក្នុងតុលាការមកវិញ។
ការកោះនិមន្តព្រះសង្ឃ ឲ្យចូលទៅបំភ្លឺក្នុងតុលាការនេះ បានរងការរិះគន់ និងការក្ដៅក្រហាយយ៉ាងខ្លាំង ពីសំណាក់អ្នកគាំទ្រព្រះសង្ឃ កែវ សុម៉ាលី ដោយពួកគេយល់ថា ដីការកោះរបស់តុលាការ ជាការម៉ាក់ងាយដល់ព្រះពុទ្ធសាសានា និងខុសធម៌វិន័យរបស់ព្រះសង្ឃ។ លោក អំ សំអាត មន្ត្រីគ្រប់គ្រងបច្ចេកទេស នៃការិយាល័យស៊ើបអង្កេតរបស់អង្គការ លីកាដូ បានថ្លែងថា នៅពេលដែលកោះនិមន្តព្រះសង្ឃ ដែលជាទីសក្ការៈរបស់ពុទ្ធបរិស័ទ មកបំភ្លឺរឿងក្តីនៅក្នុងតុលាការ ទាំងមិនទាន់ផ្សឹក ឫទំាងស្បង់ចីវរដូច្នេះ វាមិនសមហេតុផលនោះទេ។
ប៉ុន្តែសម្រាប់ព្រះសង្ឃ កែវ សុម៉ាលី អង្គឯងវិញ បានទទួលស្គាល់ថា វាជានិតិវិធីរបស់ច្បាប់ ដែលត្រូវអនុវត្តទៅលើគ្រប់បុគ្គល នៅក្នុងប្រទេសមួយដែលមានច្បាប់។ ទាក់ទងការសាកសួររបស់តុលាការ ព្រះតេជគុណ កែវ សុម៉ាលី បានបដិសេធ ចំពោះការចោទប្រកាន់របស់ព្រះតេជគុណ ឡុង ឆេងហ៊ី ដែលថាព្រះសង្ឃ កែវ សុម៉ាលី ជាអ្នកបានបង្ករហឹង្សាទៅព្រះសង្ឃ ឡុង ឆេងហ៊ី។ ព្រះសង្ឃ សុម៉ាលី បានបញ្ជាក់ទៀតថា គឺព្រះតេជគុណ ឡុងឆេងហ៊ី ទេដែលជាអ្នកបង្កររបួសស្នាម នៅលើថ្ពាល់ខាងឆ្វេងរបស់ព្រះអង្គ។
បើតាមព្រះតេជគុណ កែវ សុម៉ាលី ដដែល បានឲ្យដឹងទៀតថា តុលាការនៅមិនទាន់ប្រកាសសម្រេច ថាយ៉ាងណានៅឡើយ ដោយរងចាំការសាកសួរសាក្សី របស់ព្រះតេជគុណ កែវ សុម៉ាលី បន្តទៀតសិន៕