ប៉ែន សុផានី ទទួល​ស្គាល់​ចំណង​ស្នេហ៍​បែក​បាក់​ជា​មួយ ម៉ារ៉ា ប៊ុណា្ណ

ស្នេហាខុសវ័យរវាង តារាសម្តែងជើងចាស់ដ៏ល្បីឈ្មោះ អ្នកនាង ប៉ែន សុផានី និងតារាចម្រៀងលោក ម៉ារ៉ា ប៊ុណា្ណ បាន​មក​ដល់​ផ្លូវ​បំបែកហើយ។ ចំណងស្នេហ៍អូសបន្លាយ អស់រយៈពេលមួយឆ្នាំ ដែលឈានដល់ផ្លូវបំបែកនេះ ក៏​មាន​ការ​ទទួល​ស្គាល់​ពី​សាមី​ខ្លួន​ផង​ដែរ។
Loading...
  • ដោយ: ប្រាថ្នា អត្ថបទ៖ ប្រាថ្នា ([email protected]) - ភ្នំពេញ ថ្ងៃទី១៦ ធ្នូ ២០១៤
  • កែប្រែចុងក្រោយ: December 18, 2014
  • ប្រធានបទ: តារា
  • អត្ថបទ: មានបញ្ហា?
  • មតិ-យោបល់

កន្លងមក ចំណង​ស្នេហ៍​បែក​បាក់ របស់​គូរ​ស្នេហ៍​ខុស​វ័យ​មួយ​នេះ ត្រូវ​បាន​ទម្លាយ​ចេញ ប៉ុន្តែ​មិន​ត្រូវ​បាន​អ្នក​ទាំង​ពីរ ចេញ​មុខ​បង្ហាញ​ជា​សាធារណៈ និង​ទទួល​ស្គាល់​នោះ​ទេ។ ទើប​តែ​ពេល​នេះ ក្នុង​កម្មវិធី​វេទិកា «តុ​បំភ្លឺ» កាល​ពី​យប់​ថ្ងៃ​ទី​១៤ ខែ​ធ្នូ របស់​ស្ថានីយ​ទូរទស្សន៍​ម៉ាយធីវី អ្នក​នាង ប៉ែន សុផានី បាន​សារភាព​ជា​សាធារណៈ​ថា ចំណង​ស្នេហា​ចុង​ក្រោយ​របស់​អ្នកនាង ជា​មួយ​បុរស​«ម្នាក់​នោះ» ដែល​មាន​វ័យ​ខុស​ពី​អ្នក​នាង ត្រូវ​បាន​ដើរ​ដល់​ផ្លូវ​បំបែក​ហើយ។

ទន្ទឹមគ្នានឹងការ​ទទួល​ស្គាល់ ស្នេហា​បែក​បាក់​នេះ អ្នក​នាង ប៉ែន សុផានី បាន​លើក​ឡើង​ថា មូលហេតុ​នៃ​ការ​បែក​បាក់​នេះ គឺ​ដោយ​សារ​តែ​ការ​រស់​នៅ​មិន​ចុះ​សម្រុង​នឹង​គ្នា ការ​អន់​ចិត្ត​នឹង​គ្នា ទើប​បណ្តាល​ឱ្យ​ចំណង​ស្នេហា​របស់​អ្នក​នាង ឈាន​ដល់​ផ្លូវ​បំបែក មិន​មាន​អ្នកណា​ក្បត់​អ្នកណា​នោះ​ទេ។

សង្សាចុងក្រោយរបស់អ្នកមេម៉ាយរូបស្រស់ ប៉ែន សុផានី ត្រូវគេដឹងស្ទើតែទូទាំងប្រទេសគឺ អ្នកចម្រៀង​ស្រអែម​ស្រស់ ខ្ពស់ស្រឡះ លោកម៉ារ៉ា ប៊ុណ្ណា ដែលគេតែងតែឃើញជាញឹកញាប់ បណ្តើរគ្នាឱ្យត្រសង ដូច​លលកញីឈ្មោល ក្នុងសភាពដ៏ផ្អែមត្រជាក់ប្រៀបបានស្នេហ៍វ័យក្មេង ស្ទើរគ្រប់កម្មវិធី ទាំងក្នុង និងក្រៅ​សិល្បៈ។

ស្នេហាធ្លាប់តែស្គាល់រសជាតិផ្អែមល្ហែម និងទំនាក់ទំនងស្អិតដូចតុកកែ របស់អ្នកនាង ប៉ែន សុផានី និង​លោក មារ៉ា ប៊ុណ្ណា បានបែកបាក់ទៅហើយ ប៉ុន្តែអ្នកនាងបញ្ជាក់ថា ស្នេហាចុងក្រោយដែលបានបែកបាក់​នេះ នឹង​មិនអាចត្រលប់ថយក្រោយ ហើយអ្នកនាងមិនមានការខូចចិត្តអ្វីឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...