រដ្ឋាភិបាល​បង្ហាញ ពី​ផែនការ​យុទ្ធសាស្រ្ត​«នារី​រតនៈ»​ទី​៤

ផែនការយុទ្ធសាស្រ្តនារីរតនៈទី ៤ និងឯកសារប៉ាន់ប្រមាណ អំពីយេនឌ័រ ត្រូវបានរដ្ឋាភិបាល លើកយកមកពិភាក្សា ដើម្បីធ្វើការវាយតម្លៃ នៅក្នុងវេទិការមួយនាព្រឹកថ្ងៃទី១៧ ខែធ្នូ កន្លងមកនេះ។
Loading...
  • ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ១៧ ធ្នូ ២០១៤
  • កែប្រែចុងក្រោយ: December 18, 2014
  • ប្រធានបទ: សិទ្ធិស្ត្រី
  • អត្ថបទ: មានបញ្ហា?
  • មតិ-យោបល់

ផែនការយុទ្ធសាស្រ្ត«នារីរតនៈ»ទី ៤ឆ្នាំ ២០១៤ - ២០១៨ និង​ឯកសារ​ប៉ាន់​ប្រមាណ អំពី​យេនឌ័រ​ឆ្នាំ ២០១៤ ជា​ឯកសារ​ដែល​បាន​បង្កើត​ឡើង ដើម្បី​លើក​កម្ពស់​សមភាព​យេនឌ័រ និង​មាន​សារៈប្រយោជន៍​យ៉ាង​ខ្លាំង។ ឯកសារ​នេះ បាន​បង្កើត​នូវ​លក្ខខ័ណ្ឌ​សមធម៌​ដ៍​ប្រសើរ​ចំពោះ​ស្ត្រី ឲ្យ​មាន​ការ​ទទួល​ស្គាល់​សមភាព​រវាង​បុរស និង​ស្ត្រី ក្នុង​គ្រប់​ទិដ្ឋភាព​នៃ​វិស័យ​នយោបាយ សេដ្ឋកិច្ច សង្គមកិច្ច ព្រម​ទាំង​ទទួល​បាន​សិទ្ធិ និង​សេរីភាព​ពេញ​លេញ ក្នុង​តម្លៃ​ជា​មនុស្ស​ជាតិ និង​ជា​ពលរដ្ឋ​របស់​ប្រទេស ដើម្បី​ចូលរួម​ចំណែក ដោយ​ស្មើភា​ព និង​ក្នុង​ភាព​ជា​ដៃ​គូរ​មិន​អាច​ខ្វះ​បាន ជា​មួយ​បុរស​ក្នុង​ការ​អភិវឌ្ឍន៍​ប្រទេស​ជាតិ។

គោល​នយោបាយ ស្តី​ពី​ការ​ប៉ាន់ប្​រមាណ​យេនឌ័រ​នៅ​កម្ពុជា​នេះ មាន​ចំនួន ១០​ជំពូក ដែល​ទាក់ទង​ទៅ​នឹង​ការ​ព​ន្យល់ឲ្យ​ជ្រួត​ជ្រាប​ នូវ​យេនឌ័រ ទៅ​សាធារណៈ​ជន​ជា​ដើម។

លោកស្រី ឃឹម ចំរើន រដ្ឋលេខាធិការក្រសួងកិច្ចការនារីបានថ្លែងថា ការបង្កើតគោលនយោបាយនេះឡើង ដោយសារមើលឃើញ ពីផលលំបាករបស់ស្ត្រីភាគច្រើន ដែលត្រូវធ្វើការងារ នៅក្នុងវិស័យសាធារណៈផង និងវិស័យនយោបាយផង ហើយត្រូវត្រឡប់មកផ្ទះវិញ ស្ត្រីនៅតែបំពេញការងារក្នុងផ្ទះដដែល។ នេះ ជា​បន្ទុក​មួយដ៍ធ្ងន់ធ្ងរសំរាប់ស្ត្រី។ លោកស្រីបានលើកឡើងថា សកម្មភាពទាំងនេះ ជាបញ្ហាដែលនាំឲ្យ​តួនាទីយេនឌ័រ​មិនអាចផ្លាស់ប្តូរបាន ប៉ុន្តែលោកស្រីបាននិយាយថាយេនឌ័រ ទាំងបុរសទាំងស្ត្រីគឺមានតួនាទីដូចគ្នា។

ទាក់ទងនឹងគោលនយោបាយ ស្តីពីយេនឌ័រនេះ លោកស្រី ម៉ែន សំអន ឧបនាយករដ្ឋមន្ត្រីប្រចាំការ និងជា​រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា បានថ្លែងថា កម្ពុជានៅតែមានបញ្ហា​អំពើរហឹង្សា​ក្នុង​គ្រួសារ ការរំលោភសេពសន្ថវៈ អំពើជួញដូរ និងអំពើធ្វើអាជីវកម្មផ្លូវភេទលើស្ត្រីនិងកុមារ បញ្ហាគ្រឿងញៀន និងភាពក្រីក្រជាដើម នៅតែជាកង្វល់ចំពោះមុខរបស់ប្រជាជននៅឡើយ។ បញ្ហាទាំងអស់នេះ ទាមទារឲ្យ​រដ្ឋាភិបាលបន្តយកចិត្តទុកដាក់ ខិតខំប្រឹងប្រែងពុះពារជំនះ និងដោះស្រាយស្វាហាប់ ក្លាហាន និងកាន់តែ​មាន​ប្រសិទ្ធភាពថែមទៀត ដើម្បីឲ្យប្រជាជន ជាពិសេសស្ត្រីកម្ពុជាដែលមានចំនួនរហូតដល់ ៥២ភាគរយនៃ​ប្រជាជនសរុប អាចមានកាឡានុវត្តភាពពេញលេញ សម្រាប់រួមចំណែកនៅក្នុងការអភិវឌ្ឍន៍សេដ្ឋកិច្ចសង្គម។

លោកស្រីបានថ្លែងបន្ថែមទៀតថា លោកស្រីមានការកោតសរសើ ទៅស្ថាប័នពាក់ព័ន្ធដែលបានចូលរួមគាំទ្រ នឹងបង្កើតគោលនយោបាយនេះឡើង ហើយលោកស្រីបានផ្តល់ ជាអនុសាសន៍ជាច្រើនចំណុចបន្ថែមទៀត ដើម្បីឲ្យគោលនយោបាយខាងលើនេះ ប្រែក្លាយទៅជាសកម្មភាពជាក់ស្តែង ដើម្បីសង្គមកម្ពុជាសម្រេចបាន នូវការអភិវឌ្ឍន៍ប្រកបដោយចីរភាព៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...