អ៊ំ សំអាត៖ ធនាគារ ANZ Royal បានចូលរួមរំលោភសិទ្ធិមនុស្ស
- ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ១៦ ធ្នូ ២០១៤
- កែប្រែចុងក្រោយ: December 17, 2014
- ប្រធានបទ: ដីធ្លី
- អត្ថបទ: មានបញ្ហា?
- មតិ-យោបល់
-
លោក អំ សំអាត មន្ត្រីគ្រប់គ្រងបច្ចេកទេស នៃការស៊ើបអង្កេតរបស់អង្គការ លីកាដូ បានថ្លែងប្រាប់អ្នកសារព័ត៌មានថា ធនាគា ANZ Royal បានចូលរួមចំណែករំលោភសិទ្ធិមនុស្ស ជាមួយក្រុមហ៊ុន កំពង់ស្ពឺ ស៊ូហ្គើរ ព្រោះធនាគានេះ បានសហការផ្តល់ប្រាក់កម្ចី ទៅឲ្យក្រុមហ៊ុនធ្វើវិនយោគ នៅលើដីប្រជាពលរដ្ឋ ដែលកំពុងតែអាស្រ័យផល។ លោក អំ សំអាត បាននិយាយថា ប្រសិនបើធនាគារមិនផ្តល់ប្រាក់កម្ចីនេះទេ ក្រុមហ៊ុនក៍មិនអាចអនុវត្តការវិនិយោគបានដែរ។
ការថ្លែងរបស់លោក អំ សំអាត បានធ្វើឡើង បន្ទាប់ពីប្រជាពលរដ្ឋ ជាច្រើនគ្រួសារមកពីខេត្តកំពង់ស្ពឺ បានធ្វើបាតុកម្មតវ៉ាស្វែងរកដំណោះស្រាយ នៅមុខធនាគារកាលពីថ្ងៃទី១៦ ខែធ្នូ ឆ្នាំ២០១៤នេះ។
បើទោះជាក្រុមហ៊ុនកំពង់ស្ពឺ ស៊ូហ្គើរ លែងជាអតិថិជនក៍ដោយ...
ធនាគាមួយនេះ បានផ្តល់បា្រក់កម្ចី នៅពេលដែក្រុមហ៊ុនបានយកប្រាក់នេះ ទៅសាសង់រោងចក្រផលិតស្ករអំពៅ នៅលើតំបន់ដែលជាដីរបស់ប្រជាពលរដ្ឋ។ ដូច្នេះធនាគារ ត្រូវមានកាតព្វកិច្ចទទួលខុសត្រូវលើបញ្ហានេះ បើទោះជាបច្ចុប្បន្នក្រុមហ៊ុន កំពង់ស្ពឺ ស៊ូហ្គើរ ឈប់ជាអតិថិជនរបស់ខ្លួនក៍ដោយ។ នេះបើតាមការបញ្ជាក់ របស់លោក អំ សំអាត។
ទាក់ទងនឹងបញ្ហានេះ តំណាងធនាគារមួយនេះ ធ្លាប់បានចេញមុខមកដោះស្រាយ ប្រាប់ពលរដ្ឋ ស្រុកថ្ពង និងស្រុកឱរ៉ាល កន្លងមកថា ធនាគាមិនអាចផ្តល់សំណងជូនពួកគាត់បានទេ ព្រោះថាធនាគារបានឈប់ផ្តល់ប្រាក់កម្ចី ទៅឲ្យក្រុមហ៊ុនខាងលើនេះទៀតហើយ។
ការធ្វើការវិនិយោគ របស់ក្រុមហ៊ុនស្ករអំពៅនេះ ត្រូវបានពលរដ្ឋម្ចាស់ដី និងមន្ត្រីឃ្លាំមើលផ្នែកសិទ្ធិមនុស្ស ចោទប្រកាន់ថា បានរំលោភយកដីស្រែចំការរ បស់ពលរដ្ឋនៅលើតំបន់នោះ ជាង ៨០០គ្រួសារ ដែលមានទំហំដីសរុប ៩ពាន់ហិកតា។ ក្រុមហ៊ុននេះ ស្ថិតក្រោមការគ្រប់គ្រងតែមួយ របស់ក្រុមហ៊ុនភ្នំពេញស៊ូហ្គើរ របស់លោក លី យ៉ុងផាត់ ឧកញ៉ាដ៏មានអំណាច និងជាសមាជិកព្រឹទ្ធសភា មកពីគណបក្សប្រជាជនកម្ពុជា។ លោក លី យ៉ុងផាត់ បានទទួលសិទ្ធិអនុញ្ញាតពីរដ្ឋាភិបាលកម្ពុជា លើការអភិវឌ្ឍដីសម្បទានសេដ្ឋកិច្ចដាំអំពៅចំនួន ៩ពាន់ហិកតានេះ នៅស្រុកថ្ពង ក្នុងខេត្តកំពង់ស្ពឺ ចាប់តាំងពីឆ្នាំ២០១០មក។ បច្ចុប្បន្ន ក្រុមហ៊ុននេះមានផ្ទៃដីសរុបចំនួន ២ម៉ឺន ៣ពាន់ហិកតារ ដែលជាទំហំលើសពីរដ្ឋាភិបាលអនុញ្ញាត។
មិនអាចសុំការបកស្រាយ ពីក្រុមហ៊ុន កំពង់ស្ពឺ ស៊ូហ្គើរ បានទេ នៅក្នុងពេលនេះ៕