វ៉ាង ស្រីណូ ប្រកាស​ចូល​រោង​ការ បញ្ចប់​ពាក្យ​ចចាម​អារាម

ទន្ទឹមនឹងលេចលឺពាក្យចចាមអារាម ដ៏ក្តៅកគុគមួយថា តារា សម្តែងសាច់សខ្ចី កញ្ញាវ៉ាង ស្រីណូ មានស្នេហាលួចលាក់ ជាមួយមន្រ្តីអ្នកមានអំណាចម្នាក់ ភ្លាមៗនេះ នាងបានចេញមុខប្រកាសថា នឹងត្រៀមចូលរោងការឆាប់ៗនេះ ជា​មួយ​បុរស​អាណិកជនខ្មែរ រស់នៅអាមេរិក។
Loading...
  • ដោយ: ប្រាថ្នា ដោយ ប្រាថ្នា (ទំនាក់ទំនង៖ [email protected] ) - ភ្នំពេញ ថ្ងៃទី៣១ តុលា ២០១៤
  • កែប្រែចុងក្រោយ: November 01, 2014
  • ប្រធានបទ: តារា
  • អត្ថបទ: មានបញ្ហា?
  • មតិ-យោបល់

តារាសម្តែងស្រី និយម​ស្លៀក​ពាក់​ស៊ិចស៊ី បញ្ចេញ​ដើម​ទ្រូង​ដ៏​ទ្រលុក​ទ្រលន់ កញ្ញា វ៉ាង ស្រីណូ ទើប​តែ​ប្រកាស​វិល​ចូល​សិល្បៈ​វិញ កាល​ពី​ពេល​កន្លង​មក​នេះ ព្រម​ជា​មួយ​ពាក្យ​ចចាម​អារាម​ថា នាង​បាន​បង្កាត់​ភ្លើង​ស្នេហ៍ ជា​មួយ​មន្រ្តី​ផ្កាយ​បី​ម្នាក់​នោះ ស្រាប់​តែ​ថ្មីៗ​នេះ នាង​បាន​ប្រកាស​ក្តែងៗ​ថា កំពុង​តែ​ត្រៀម​ខ្លួន ចូល​រោង​ការ ជា​មួយ​បុរស​ម្នាក់ ដែល​នាង​អះអាង​ថា ជា​គូរ​ដណ្តឹង​អាណិកជន​ខ្មែរ រស់​នៅ​អាមេរិក។

តាមរយៈទំព័រហ្វេសប៊ុក របស់​តារា​សម្តែង​រូប​នេះ បាន​ពន្លេច​សារ​មួយ​ខ្លី ដែល​មាន​ន័យ​ថា ទាក់​ទង​នឹង​ព័ត៌មាន​លេច​ឮ​កន្លង​មក​នោះ កញ្ញា​បាន​ចេញ​មុខ​បក​ស្រាយ​រួច​រាល់​ហើយ។ អម​ជា​មួយ​រូបភាព នៃ​បទ​សម្ភាសន៍​របស់​នាង ជា​មួយ​ទស្សនាវដ្ដី​ក្នុង​ស្រុក​មួយ តារា​សម្តែង​ស្រី ដែល​រុំ​ព័ទ្ធ​ដោយ​រឿង​អាស្រូវ​រូប​នេះ បាន​សរសេរ​បន្ត នៅ​លើ​ជញ្ជាំង​ហ្វេសប៊ុក​របស់​ខ្លួន​ទៀត​ថា៖ «តាម​រយៈព័ត៌មាន​នេះ ខ្ញុំ​សង្ឃឹម​ថា បង​ប្អូន​ទាំង​អស់ ឈប់​យល់​ច្រឡំ​ទៀត ព្រោះ​វា​ជា​ដើម​ចម ដែល​ធ្វើ​ឲ្យ​ទំនាក់​ទំនង​របស់​ពួក​យើង (ខ្ញុំ​និង​គាត់) អាច​មាន​បញ្ហា ហើយ​ចុង​ក្រោយ គឺ​ពួក​យើង​នឹង​រៀបការ ដើម្បី​បញ្ចប់​មន្ទិល​ឲ្យ​ជ្រះ​ស្រឡះ»។

ស្រង់សម្តីដោយទស្សនាវដ្ដីក្នុងស្រុកមួយនេះ កញ្ញា វ៉ាង ស្រីណូ បានបញ្ជាក់ថា នាងមានគម្រោង​ទៅរស់​នៅ​អាមេរិកតាមស្វាមី ក្រោយពេលរៀបការរួច ព្រោះនេះជាបំនងប្រាថ្នារបស់នាង។ តារាដើមមូលក្លំរូបនេះ​បាន​បន្ត​ឲ្យដឹងថា ស្វាមីរបស់នាងមានមុខជំនួញ ជាច្រើននៅអាមេរិក ដែលត្រូវការនាង ទៅជួយមើលការខុសត្រូវ។ រីឯ​ការវិលចូលសិល្បៈ ដែលនាងធ្លាប់ប្រកាសកន្លងមកនោះ មិនមែនជាការពិតនោះទេ។

បើទោះជា វ៉ាង ស្រីណូ បានប្រកាសច្បាស់ថា នាងត្រៀមខ្លួនចូលរោងការ ជាមួយបុរសម្នាក់ ដែលជាអណិកជន​ខ្មែរ-​អាមេរិកក៏ដោយ ប៉ុន្តែរហូតមកដល់ពេលនេះ អត្តសញ្ញាណរបស់បុរស អណិកជនខ្មែរម្នាក់នោះ មិនទាន់​ត្រូវ​បានស្គាល់នៅឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...