តឹក វណ្ណារ៉ា៖ បញ្ហា​ប្រឈម​របស់​កម្ពុជា នៅ​ពេល​សមាហរណកម្ម​អាស៊ាន (vdo)

ក្នុងសមាហរណកម្មអាស៊ានខាងមុខនេះ សម្រាប់កិច្ចអភិវឌ្ឍន៍នៅកម្ពុជា ទោះបញ្ហាមួយចំនួនធំ មាន​ភាព​ប្រសើរ​ហើយ​ក៏​ដោយ តែក៏នៅមានបញ្ហាប្រឈមធំៗ ផ្សេងទៀត ដែលត្រូវធ្វើការដោះស្រាយ។ នេះបើតាមការលើកឡើង របស់​នាយក​ប្រតិបត្តិ​អង្គការ វេទិកានៃអង្គការមិនមែនរដ្ឋាភិបាលស្តីពីកម្ពុជា។
នាយកប្រតិបត្តិអង្គការ វេទិកានៃអង្គការមិនមែនរដ្ឋាភិបាល ស្តីពីកម្ពុជា លោក តឹក វណ្ណារ៉ា។ (រូបថត monoROOM.info/ S. Tith)
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី៣០ តុលា ២០១៤
  • កែប្រែចុងក្រោយ: October 30, 2014
  • ប្រធានបទ: អាស៊ាន
  • អត្ថបទ: មានបញ្ហា?
  • មតិ-យោបល់

នាយកប្រតិបត្តិអង្គការ វេទិកា​នៃ​អង្គការ​មិន​មែន​រដ្ឋាភិបាល ស្តី​ពី​កម្ពុជា លោក តឹក វណ្ណារ៉ា បាន​បង្ហាញ​នូវ​កិច្ចការ​ស្រាវជ្រាវ នៃ​ក្រុម​ការងារ​លោក ពាក់​ព័ន្ធ​នឹង​ផែនការ​យុទ្ធសាស្រ្ត​អភិវឌ្ឍន៍​ជាតិ និង​យុទ្ធសាស្រ្ត​សហប្រតិបត្តិ ការ​អភិវឌ្ឍន៍ និង​ភាព​ជា​ដៃ​គូរ ឆ្នាំ​២០១៤​-២០១៨ ត្រូវ​ធ្វើការ​ផ្សព្វផ្សាយ ជា​សាធារណៈ​បាន​ដល់​យុវជន សិស្ស និស្សិត និង​ប្រជា​ពលរដ្ឋ ដើម្បី​ត្រៀម​ខ្លួន ក្នុង​ការ​ចូលរួម និង​ស្វែង​យល់ ដើម្បី​អនាគត​របស់​ពួក​គេ ក្នុង​សមាហរណកម្ម​អាស៊ាន។

ក្រោយការស្រាវជ្រាវ​ក្នុង​ពេល​កន្លង​មក លោក តឹក វណ្ណារ៉ា បាន​បង្ហាញ​ក្នុង​សិក្ខា​សាលា​ព្រឹក​ថ្ងៃ​ទី៣០ ខែ​តុលា នៅ​មជ្ឈមណ្ឌល​សហ​ប្រតិបត្តិការ​ជប៉ុន ពី​បញ្ហា​ប្រឈម​មួយ​ចំនួន ដូច​ជា​កម្ពុជា​នឹង​ទទួល​បាន​ប្រាក់​ចំណូល មធ្យម​កំរិត​ខ្ពស់​ក្នុង​ឆ្នាំ​២០៣០។ ជំនួយ​ឥត​ចំណង នឹង​ត្រូវ​ផ្លាស់​ប្តូរ​មក​ជា​ជំនួយ​ហិរញ្ញបទាន​វិញ។ ការ​ប្រលង​ប្រជែង​នៃ​លំហូរ​ចេញ និង​លំហូរ​ចូល​ទាំង​កម្លាំង​ពលករ និង​ថវិកា ព្រម​ទាំង​ធន​ធាន​មនុស្ស និង​ការ​ទាក់​ទាញ​វិនិយោគ​ទុន សម្រាប់​កម្ពុជា​នៅ​មាន​លក្ខណៈ​ខ្សោយ​នៅ​ឡើយ។

សូមស្តាប់កិច្ចសម្ភាសន៍លោក តឹក វណ្ណារ៉ា ពីបញ្ហាសមាហរណកម្មអាស៊ាន ជាមួយអ្នកសារព័ត៌ ដូច​ខាង​ក្រោម។

គួរបញ្ជាក់ដែរថា សិក្ខាសាលានេះ មានការចូលរួមពីអង្គការជាតិ និងអន្តរជាតិ ស្ថាប័ន និងក្រសួងពាក់ព័ន្ធ​របស់​រដ្ឋាភិបាល យុវជន សិស្ស និស្សិតជាដើម។ ប្រយោជន៍នៃសិក្ខាសាលានេះ គឺការផ្លាស់ប្តូរយោបល់​របស់​សង្គម​ស៊ីវិល និងរដ្ឋាភិបាល ជាមួយនឹងការទាញយកចំណេះដឹងសម្រាប់សិស្ស និសិ្សតក្នងការ​ត្រៀម​ខ្លួន​ជា​មុន ដើម្បីចូលរួមក្នុងសមាហរណកម្មអាស៊ាននាពេលខាងមុខ។

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...