ចង់ដើរជុំវិញប្រទេស៖ ឲ្យរួមរ័ក១យប់ បើបុរសនោះឲ្យផ្ទះស្នាក់
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី២៨ តុលា ២០១៤
- កែប្រែចុងក្រោយ: October 29, 2014
- ប្រធានបទ: ហួសចិត្ត
- អត្ថបទ: មានបញ្ហា?
- មតិ-យោបល់
-
នាងកញ្ញា ជូ ប៉េង អាយុ១៩ឆ្នាំ ដែលរស់នៅក្នុងក្រុងសៀងហៃ ផ្នែកខាងកើតនៃប្រទេសចិន បានស្គាល់សឹងតែទាំងអស់ហើយ នូវតំបន់ភាគខាងលិចនៃមាតុភូមិរបស់នាង។ តែដោយសារតែនាងមានបំណង ចង់ស្គាល់តំបន់ផ្សេងទៀត ដែលនៅសេសសល់នោះ នាងកញ្ញាដ៏ស្រស់ប្រិមប្រិយ បានធ្វើការផ្សព្វផ្សាយនៅលើបណ្ដាញសង្គម វ៉ៃបូ (Weibo) របស់ចិន នូវសារមួយដ៏គួរឲ្យញាប់ញ័រ ក្នុងឱរ៉ា។
និស្សិតស្រី បានសរសេរថា នាងកំពុងស្វែងរកគូរស្នេហ៍បណ្ដោះអាសន្ន នៅគ្រប់ទីក្រុងណាក៏ដោយ ដែលនាងទៅដល់ ហើយថានាងនឹងរួមរ័កជាមួយគូរស្នេហ៍នោះមួយយប់ ប្រសិនបុរសកំពូលស្នេហ៍«មួយទាល់»នេះ ឲ្យផ្ទះនាងស្នាក់នៅ។ ប៉ុន្តែមិនមែននរណាៗ ក៏នាងយល់ព្រមនោះទេ ព្រោះគូរស្នេហ៍បណ្ដោះអាសន្ន ចាំបាច់ត្រូវមានរូបរាងសង្ហា មានប្រាក់ និងមានកំពស់យ៉ាងហោច១,៧៥ម៉ែត្រ។
សាររបស់នាង បានបែកភាយពាសពេញទាំងប្រទេសចិន តែបានរងត្រឡប់មកវិញ នូវការរិះគន់យ៉ាងខ្លាំងក្លា។ នេះបើតាមការពន្យល់ របស់សារព័ត៌មាន International Business Times។ ក្រុមមនុស្សដែលបានឃើញសារនេះហើយ បានហៅនារីមុខមូលពងក្រពើនេះ ថាជា«ស្រីលក់ខ្លួនយ៉ាងអស់សាច់»។ ប៉ុន្តែ ជូ ប៉េង បានបកស្រាយវិញថា៖ «ខ្ញុំមិនមានអ្វីត្រូវខ្មាសទេ។ វាដូចជាវិធីសាស្ត្រ នៃការឈប់ហៅរថយន្ដសុំជិះ តាមថ្នល់អញ្ចឹង។ ជាថ្នូរនឹងសន្ដានចិត្ត របស់អ្នកដែលឲ្យខ្ញុំស្នាក់នៅ អ្នកនោះអាចរួមរ័កពេញមួយយប់ជាមួយខ្ញុំ ដោយការពេញចិត្តពេញថ្លើមរពីខ្ញុំុ។ មិនត្រឹមតែប៉ុណ្ណឹង ពួកគេច្បាស់ជានឹងមានមោទនភាព ព្រោះបាននៅជាមួយស្រីស្អាតមួយរូប។»
អ្នកណាខ្លះ ចង់ដាក់ពាក្យលមើល៍ ប្រសិនបើនាងចង់មកស្គាល់ប្រទេសកម្ពុជា?