គ្រួសារ​និយម​កាន់​តំណែង​ក្នុង​មន្ទីរ​រដ្ឋ​សភា ត្រូវ​បាន​បើក​កកាយ

អនុប្រធានគណៈកម្មការទី២ នៃរដ្ឋសភា លោក ស៊ុន ឆ័យ និងជាតំណាងរាស្រ្តមណ្ឌលភ្នំពេញ បានចេញលិខិតមួយ ជំរាបជូនអគ្គលេខាធិការរដ្ឋសភា ក្នុងការផ្តល់ឯកសារនានាដែលពាក់ព័ន្ធ រួមទាំង បញ្ជីបុគ្គលរបស់អគ្គលេខាធិការដ្ឋាន នៃរដ្ឋសភាទាំងអស់ ជាមួយនិងការពន្យល់ ពីការគ្រប់គ្រង និងការចំណាយនានា។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២២ តុលា ២០១៤
  • កែប្រែចុងក្រោយ: October 22, 2014
  • ប្រធានបទ: បក្ខពួក
  • អត្ថបទ: មានបញ្ហា?
  • មតិ-យោបល់

ក្នុងលិខិត​ចុះ​ថ្ងៃ​ទី២១ ខែ​តុលា​នេះ លោក ស៊ុន ឆ័យ អនុ​ប្រធាន​គណៈ​កម្មការ​ទី​២ នៃ​រដ្ឋ​សភា បាន​ជម្រុញ​ឲ្យ​លោក ឡេង ប៉េងឡុង ក្នុង​តួនាទី បច្ចុប្បន្ន​ជា​អគ្គ​លេខា​ធិការ​រដ្ឋ​សភា ធ្វើ​ការ​បក​ស្រាយ និង​ពន្យល់​ពី​ការ​គ្រប់​គ្រង​បុគ្គលិក និង​ការ​ចំណាយ​មិន​ត្រឹម​ត្រូវ នា​ពេល​កន្លង​មក ។

អនុប្រធានគណៈកម្មការទី២ នៃ​រដ្ឋ​សភា មកពី​គណបក្ស​សង្គ្រោះ​ជាតិ​រូប​នេះ បាន​បញ្ជាក់​ក្នុង​លិខិត​ថា មាន​ការ​តែង​តាំង​គ្រួសារ​និយម ដែល​មាន​លក្ខណៈ​ជា​ប្រព័ន្ធ។ ហើយ​ក្រុម​គ្រួសារ​និយម​នេះ រួម​មាន​ដូច​ជា​ប្អូន​ប្រុស​បង្កើត កូន​បង្កើត កូន​ប្រសារ ក្មួយ និង​អតីត​ប្អូន​ថ្លៃ​ជា​ដើម ។

លោកបានសរសេរយ៉ាងដូច្នេះថា៖ «លោក មិត្ត ការ៉េន ដែលសព្វថ្ងៃមានតួនាទី ជាអគ្គលេខាធិការរង​នៃ​រដ្ឋ​សភា ដែលធ្លាប់មានតួនាទី ជាអគ្គនាយករដ្ឋបាល និងហិរញ្ញវត្ថុ បានយកឥទ្ធិពលរបស់ខ្លួនតែងតាំង ក្រុម​គ្រួសារ​ខ្លួនជាច្រើននាក់ ឲ្យបំរើការក្នុងរដ្ឋសភា និងមានតួនាទីសំខាន់ៗ។»

ការតែងតាំង តាមបែបក្រុមគ្រួសារនិយម របស់លោក មិត្ត ការ៉េន នេះ បានធ្វើឲ្យខាតនូវបង់ថវិការរដ្ឋសភា​ជា​ច្រើន។ លោក សុន ឆ័យ បានចាត់ទុកទង្វើខាងលើ ថាជាអំពើពុករលួយមួយ ដែលមានលក្ខណៈ ជា​ប្រព័ន្ធ និងទ្រង់ទ្រាយធំ។

អនុប្រធាន គណៈកម្មការទី២ នៃរដ្ឋសភាលោក សុន ឆ័យ បានស្នើថា បើករណីខាងលើជាការពិត លោក​ទាមទារឲ្យមានការពិនិត្យ និងតាមដានស្រាវជ្រាវ និងស៊ើបអង្កេតដោយឯករាជ្យ លើមន្រ្តីពាក់ព័ន្ធ​និង​បុគ្គលិក ទាំងពេញសិទ្ធិ និងជាប់កិច្ចសន្យា ជាមួយការចោទប្រកាន់តាមផ្លូវច្បាប់ ព្រមទាំងតម្រូវ​ឲ្យធ្វើការ​ផ្អាក ឬព្យួរតួនាទី ជនទាំងនោះជាបន្ទាន់ ។

ទស្សនាវដ្តីមនោរម្យ.អាំងហ្វូ នៅមិនទាន់ស្វែងរកការបកស្រាយ និងការបញ្ជាក់ពីលោក ឡេង ប៉េងឡុង អគ្គលេខាធិការដ្ឋាននៃរដ្ឋសភា ពិសេសលោក មិត្ត ការ៉េន ដែលជាអគ្គលេខាធិការដ្ឋានរង នៃរដ្ឋសភា ចំពោះ​ការចោទប្រកាន់ខាងលើបាននៅឡើយ ក្នុងថ្ងៃនេះ។

យ៉ាងណាក៏ដោយករណីខាងលើ តាមទស្សនៈរបស់លោក អ៊ឹង ម៉េងលី ប្រជាពលរដ្ឋរស់នៅភ្នំពេញ បាន​គាំទ្រ​ទៅលើចំណាត់ការនៃលិខិតខាងលើ។ លោកបានចាត់ទុកថា នេះជាវប្បធម៌ស្រុកខ្មែរ ការយក​តួនាទី​ខ្លួន ធ្វើជាខែលសំរាប់តម្លើងតួនាទី បុណ្យស័ក្ដិឲ្យតែសាច់ញាតិខ្លួនឯងប៉ុណ្ណោះ។ លោក អ៊ឹង ម៉េងលី បាន​ស្នើ ដល់ថ្នាក់ដឹកនាំទាំងអស់ថា៖ «កុំយកវប្បធម៌ខាងលើ មកអនុវត្ត។ បើកន្លងមកយកអនុវត្ត គួរឈប់ទៅ។ បញ្ញវ័ន្តបច្ចុប្បន្ននេះ គាត់មានសមត្ថភាព ធ្វើការដឹកនាំប្រទស។ ឈប់យកកំង្អែលបក្សពួកនិយម មកអនុវត្ត ដល់ពេលវេលាទីផ្សារសេរីហើយ។»

សូមអានលំអិត នូវសេចក្ដីក្នុងលិខិតនេះ ដូចខាងក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...