ខ្មោចលង? ទទួលសារពីលេខទូរស័ព្ទរបស់ជីដូន ដែលស្លាប់តាំងពីបីឆ្នាំមុន
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី១៧ តុលា ២០១៤
- កែប្រែចុងក្រោយ: October 17, 2014
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
«ទូរស័ព្ទរបស់អ្នកមានសារថ្មីមួយ មិនទាន់អាន» នេះជាអ្វីដែលនាង សេរី អ៊ីម័សុន (Sheri Emerson) លើកទូរស័ព្ទដៃរបស់នាង មកមើលដំបូង ប៉ុន្តែវាបានធ្វើឲ្យនាងភ្ញាក់ក្រញ៉ាង ព្រោះអ្នកដែលផ្ញើរសារនោះមកនាង ជាជីដូនរបស់នាង អ្នកស្រី ឡេស្លី អ៊ីម័សុន ដែលបានស្លាប់តាំងពី៣ឆ្នាំមុន។
គ្រួសារ អ៊ីម័សុន បានសម្រេចចិត្តបញ្ចុះអ្នកស្រី ឡេស្លី ជាមួយនឹងទូរស័ព្ទដៃ ដើម្បីជានិមិត្តរូបនៃការនឹករលឹក ជាពិសេសរំលឹកឡើងវិញ នៅពេលដែលអ្នកស្រីនៅមានជីវិត ហើយពួកគេតែងផ្ញើរទូរសារមកអ្នកស្រី ដើម្បីសួរសុខទុក្ខ និងបន្លប់ការឈឺចាប់ ដែលបង្កឡើងពីជំងឺរបស់អ្នកស្រី។
ប៉ុន្តែពីម្សិលម្ងៃម៉ិញ នាង សេរី អ៊ីម័សុន បានសាកល្បងផ្ញើរសារតូចមួយ ទៅជីដូននាង ស្រាប់តែនាងទទួលបានចម្លើយមកវិញ៖ «យាយថែរក្សាចៅជានិច្ច។ ចៅនឹងសម្រេចនូវអ្វីដែលចៅចង់បាន អ្វីៗមានដំណើរការល្អណាស់។» មួយសន្ទុះក្រោយមក មានសារមួយទៀតបានមកដល់ដែរ៖ «យាយថែរក្សាចៅជានិច្ច។ អ្វីៗនឹងអាចដោះស្រាយបាន។ ខំប្រឹងឡើង។»
តាមពិតទៅ ក្រុមហ៊ុនសេវាទូរស័ព្ទ បានលក់លេខទូរស័ព្ទរបស់ អ្នកស្រី ឡេស្លី អ៊ីម័សុន ទៅឲ្យអតិថិជនម្នាក់ទៀតរួចទៅហើយ។ ចំណែកនាង សេរី វិញ បានថ្លែងប្រាប់សារព័ត៌មានអង់គ្លេស Dailymai ថា៖ «ខ្ញុំសឹងតែធ្លាក់ខ្លួនឈឺ នៅពេលបានអានសារខាងលើនេះ។ ខ្ញុំតក់ស្លុតណាស់ ហើយមិនដឹងត្រូវគិតពីអីទេ។»
ប៉ុន្តែនាងបានផ្ញើរសារទៅសួរវិញ តើអ្នកណាដែលចង់លលេងជាមួយនាងនោះ នាងទទួលបានចម្លើយសារជាថ្មី បង្ហាញថាខ្លួនជាអ្នកបួស ដ៏គួរឲ្យភ័យខ្លាចម្នាក់ ... រហូតដល់ទីបំផុត ម្នាក់នោះបានធ្វើការសុំទោសនាង ពីការលេងសើចនេះ៕
------------------------------------
វីដេអូខាងក្រោមនេះ បង្ហាញពីទីលានកប់សពមួយ ដែលត្រូវបានបោះបង់ចោល៖