ហ្វីហ្វី បង្អួតស្នាមសាក់
- ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី១២ តុលា ២០១៤
- កែប្រែចុងក្រោយ: October 14, 2014
- ប្រធានបទ: តារា
- អត្ថបទ: មានបញ្ហា?
- មតិ-យោបល់
-
តាមពិតទៅ គេមិនដឹងថា ស្នាមសាក់ដែលតារាបង្ហាញម៉ូដ និងជាពិធីការិនី នាង ហ្វីហ្វី បានបង្ហោះនៅលើបណ្តាញទំនាក់ទំនងសង្គមហ្វេសប៊ុករបស់នាង ជាការពិតឬយ៉ាងណានោះទេ។ ប៉ុន្តែតាមរយៈការឆ្លើយតបសំនួររបស់ប្រិយមិត្តរបស់នាងនៅក្នុងប្រអប់បញ្ចេញមតិនោះ តារាសម្តែងល្បីឈ្មោះខាងស៊ិចស៊ីរូបនេះ បានបញ្ជាក់ថានោះគឺជាការពិត។
នៅក្នុងទំព័រហ្វេសប៊ុករបស់ហ្វីហ្វី មុននេះបន្តិច គេបានប្រទះឃើញ នាងបញ្ចេញរូបថត មួយសន្លឹកដែលបញ្ចេញស្នាមសាក់នៅលើខ្នង អមនឹងវាចារដែលសរសេរថា៖ «ដោយតែវាមួយគត់ ឥលូវយ៉ាប់ហើយ (Doy ta vea 1 kot lov yab huy) !»។
ចំពោះការបញ្ចេញស្នាមសាក់នេះ មានទស្សនិកជនចំនួន បានសម្តែងអារម្មណ៍មិនពេញចិត្ត ប៉ុន្តែក៏មានទស្សនិកជនមួយចំនួន សរសើរមិនដាច់ពីមាត់ផងដែរ និងមានប្រិយមិត្តមួយចំនួនទៀតបានចោទសួរថា តើនេះអាចជាចេតនា របស់ ហ្វីហ្វី ដើម្បីទាញការចាប់ អារម្មណ៍ពីមហាជនឬយ៉ាងណា?
ជុំវិញការបញ្ចេញស្នាមសាក់ដ៏ស្រស់ស្អាតនេះ ទស្សនាវដ្ដីមនោរម្យ.អាំងហ្វូមិនអាចទំនាក់ទំនង សុំការបញ្ជាក់ពីតារាស្រីសាច់សខ្ចីដូចបណ្តូលចេករូបនេះបានទេ ដើម្បីស្រាយចម្ងល់របស់ទស្សនិកជនថា ស្នាមសាក់នេះជាការពិតឬយ៉ាងណានោះ? ហើយតើនាងសាក់ ក្នុងគោលបំណងអ្វី?
កញ្ញា ហ្វីហ្វី គឺជាតារាសម្តែងពន្លកថ្មី ដែលទើបនឹងបោះជំហាន ចូលប្រឡូកក្នុងវិថីសិល្បៈ បានប្រហែល ជាងរយៈពេល ជិត១ឆ្នាំតែប៉ុណ្ណោះ ។ ប៉ុន្តែនាងបានធ្វើឱ្យ ទស្សនិកជនដាក់ ការចាប់អារម្មណ៍លើនាងយ៉ាងខ្លាំង បន្ទាប់ពីនាងចូលចិត្តបង្អួត ភាពស៊ិចស៊ីរបស់នាង ជាពិសេសនោះគឺទ្រូងដ៏មូលក្លំដូចប៉េងប៉ោងសប់ និងការសម្តែងដ៏ប៉ិនប្រសព្វរបស់នាង។ ប៉ុន្តែទោះជាយ៉ាងការសម្ញែងដើមទ្រូង របស់កញ្ញាហ្វីហ្វី ក៏តែងតែរងនូវការរិះគន់ ពីទស្សនិកជនផងដែរ៕
