តើ​នាឡិកា វ័ធ្ច របស់​អ័បផល មាន​រូប​រាង​បែប​ណា? មាន​វីដេអូ​បង្ហាញ​ជូន!

ចង់ដឹងថា តើនាឡិកាដែលមានបច្ចេកវិទ្យាទំនើប និងជាផលិតផលថ្មីរបស់ក្រុមហ៊ុន អ័បផល មានលក្ខណៈបែបណា? ខាងក្រោមនេះ ជាអ្វីដែលទស្សនាវដ្ដីសូមជម្រាបជូន ពីអ័បផល វ័ធ្ច (Apple Watch) ដែលតាមគម្រោង នឹងចេញ​លក់​នៅ​ដើម​ឆ្នាំ​២០១៥ខាងមុខ ក្នុងតម្លៃចាប់ពី៣៤៩ដុល្លារឡើង។
Loading...
  • ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី០៩ កញ្ញា ២០១៤
  • កែប្រែចុងក្រោយ: September 10, 2014
  • ប្រធានបទ: បច្ចេកវិទ្យា
  • អត្ថបទ: មានបញ្ហា?
  • មតិ-យោបល់

សូមកុំហៅនាឡិកាចេញថ្មីនេះ ថាជាអាយវ័ធ្ច (iWatch) តែត្រូវហៅឈ្មោះផ្លូវការរបស់វា ថា«អ័បផលវ័ធ្ច (Apple Watch)»។ បំពាក់ដោយអេក្រង់នៃបច្ចេកវិទ្យា រ៉ឺទីណា (Retina) និងរុំស្រោបដោយកែវសាហ្វៀ (Sapphire) ដែលធន់នឹងភាពប៉ះទង្គិចនោះ ផលិតផលចេញថ្មី អ័បផលវ័ធ្ច មានពីរប្រភេទ ដែលយើង​មើល​ឃើញ​​ពីខាង​ក្រៅ ថាវាខុសគ្នាត្រឹមតែកម្រាស់ប៉ុណ្ណោះ៖ ប្រភេទទីមួយ ៣៨ មីលីម៉ែត្រ និងប្រភេទទីពីរ ៤២​មីលីម៉ែត្រ។

នាឡិកាទំនើប ដែលទើបនឹងប្រកាសចេញ ដោយក្រុមហ៊ុនបច្ចេកវិទ្យាដ៏ល្បីនេះ មានបំពាក់ដោយ​ឧបករណ៍ និងសម្ភារៈពិសេសថ្មីៗជាច្រើន ក្នុងនោះរួមមាន ប្រព័ន្ធវាស់ចង្វាក់ដើររបស់បេះដូង ប្រព័ន្ធទូទាត់ទំនិញ​ជំនួស​​ឲ្យប័ណ្ណឥណទាន នឹងអាចប្រើទាក់ទងជាមួយទូរស័ព្ទអាយហ្វូន ៦ ដែលទើបនឹងចេញថ្មីដូចគ្នា។ ជា​មួយនឹងខ្សែនាឡិកា ដែលអាចធ្វើការផ្លាស់ប្ដូរបាន ដល់ទៅជាង៥០ប្រភេទនោះ នាឡិកានេះ​មានថ្មបង្កប់​ជាប់នៅក្នុងតួរបស់វា អាចប្រើបានរយៈពេលពេញមួយថ្ងៃ (?) ហើយបើត្រូវការបញ្ចូល គេគ្រាន់តែដាក់ពីលើ​ឆ្នាំង​សាកប៉ុណ្ណោះ (នៅពេលយប់)។

ដោយមានមោទនភាពខ្លាំងមកជាមួយផង នាយកប្រតិបត្តិអ័បផលលោក ធីម ខុក (Tim Cook) បាន​ប្រកាស​ថា ផលិតផលថ្មី ដូចយ៉ាង អ័បផលវ័ធ្ច នេះ ជាផលិតផលយ៉ាងពិសេសមួយ ដែលក្រុមហ៊ុនមិនដែល​បាន​បង្ហាញពីមុនមកទេ។

តែគួរឲ្យស្ដាយ ដែលនាឡិកានេះ នៅមិនទាន់ត្រូវបានបញ្ជាក់ឲ្យច្បាស់ ថាតើ​គេ​អាច​ប្រើវាបានក្នុង​រយៈ​ពេល​ប៉ុន្មាន ជាពិសេសវានៅមិនទាន់ធន់ នឹងទឹកបានជម្រៅជ្រៅ ដូចនាឡិកាធម្មតានោះឡើយ។ ហើយ​សម្រាប់​មនុស្សដែលមានទម្លាប់ប្រើដៃឆ្វេង ក៏ប្រហែលជាពិបាកដែរ ដោយសារតែប៊ូតុងសម្រាប់ចុច មាន​នៅ​តែខាង​ស្ដាំទាំងអស់។ ផលិតផលថ្មីពិសេសនេះ នឹងដាក់មកក្នុងទីផ្សារ នៅដើមឆ្នាំ២០១៥ខាងមុខនេះ ក្នុង​តម្លៃ​ចាប់​ពី៣៤៩ដុល្លារ ឡើងទៅ ដោយអាស្រ័យទៅលើ រូបរាងខាងក្រៅ និងការបំពាក់អង្គផ្ទុករបស់វា៕

សូមទស្សនាវីដេអូ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...