ដុត​កូន​ឆ្មារ​ទាំង​រស់៖ ផ្អើល​ពិភព​អ៊ិនធើណែត តែ​ហ្វេសប៊ុក​ធ្វើ​មិន​ដឹង! (vdo)

វីដេអូស្រោចសាំងដុតឆ្មារទាំងរស់ បានបង្កឲ្យផ្ទុះភាពក្ដៅក្រហាយ ពាសពេញបណ្ដាញអ៊ិនធើណែត ជាពិសេសនៅអ៊ឺរ៉ុប។ តែសម្រាប់បណ្ដាញសង្គម ទីកន្លែងដែលវីដេអូនេះ បានផ្សាយដំបូងគេ បែរជាមិនបានរវល់ បណ្ដាលឲ្យវីដេអូនេះ បន្ត​នៅ​លើ​បណ្ដាញ​របស់​ខ្លួន​ទៀត ទោះជាមានអ្នកប្រើប្រាស់ បានរាយការណ៍ពីវីដេអូក៏ដោយ។
Loading...
  • ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី០៩ កញ្ញា ២០១៤
  • កែប្រែចុងក្រោយ: September 09, 2014
  • ប្រធានបទ: ហិង្សាលើសត្វ
  • អត្ថបទ: មានបញ្ហា?
  • មតិ-យោបល់

នៅក្នុងវីដេអូខាងក្រោម (ហាមក្មេងក្រោមអាយុ១២ឆ្នាំ ឬមនុស្សដែលមានអារម្មណ៍ខ្សោយទស្សនា) គេនឹង​ឃើញ​កូនឆ្មារមួយក្បាលត្រូវបានក្រុមមនុស្ស ចាក់ស្រោចប្រេងសាំងពីលើ រួចបន្ទាប់មកដុតទាំងរស់។ អ្នក​ទស្សនា​វីដេអូនេះ រាប់សិបម៉ឺននាក់ជាពិសេស នៅក្នុងប្រទេសអង់គ្លេស បានសម្ដែងការក្ដៅក្រហាយ ដោយ​បានចាត់​ទុកថា នេះជាអំពើព្រៃផ្សៃបំផុតមួយ។ អ្នកប្រើប្រាស់បណ្ដាញសង្គមជាច្រើន ថែមទាំងបាន​រាយការណ៍​ពី​វីដេអូនេះ ទៅហ្វេសប៊ុក ដើម្បីសុំឲ្យដកវីដេអូនេះចេញទៀតផង។

វីដេអូនេះ ដែលពិបាកនឹងទ្រាំទស្សនា បានជំរុញឲ្យអ្នកប្រើប្រាស់បណ្ដាញសង្គមជាច្រើននាក់ ធ្វើប្រតិកម្ម។ បុរសម្នាក់បានបញ្ចេញវាចាថា៖ «ខ្ញុំបានសម្រេចចិត្ត ចុចមើលវីដេអូនេះ។ តែគួរឲ្យស្អប់ខ្ពើមណាស់។ ខ្ញុំបាន​រាយការណ៍វាទៅហ្វេសប៊ុក។» តែសម្រាប់បណ្ដាញសង្គម បានឆ្លើយមកវិញថា៖ «វីដេអូនេះ មិនបានខុស​នឹងលក្ខន្តិក របស់ហ្វេសប៊ុកឡើយ»។

តំណាងមួយរូបរបស់ហ្វេសប៊ុក បានឆ្លើយប្រាប់សារព័ត៌មានអង់គ្លេស MailOnline ថា វីដេអូនេះ ស្របតាម​លក្ខន្តិក របស់បណ្ដាញសង្គម ដោយបាននិយាយថា៖ «មនុស្សជាច្រើននាក់ ដែលនៅលើបណ្ដាញសង្គម​របស់យើង បានចែកផ្សាយបទពិសោធន៍ ពីអ្វីដែលកើតឡើងនៅក្នុងលោក និងអ្វីៗដែលបានកើតឡើងនៅ​ជុំ​វិញខ្លួនរបស់គេ។ ហើយករណីនេះ វាអាចធ្វើឲ្យមានការចែករំលែក នូវអ្វីដែលមនុស្សផ្សេងទៀត យល់ឃើញ​ថា រន្ធត់ញាប់ញ័រ។» តែតំណាងរូបនោះបានបញ្ជាក់ទៀតថា៖ «ប្រសិនបើវីដេអូនេះ ត្រូវបានចុះផ្សាយ​ជាមួយ​ពាក្យសម្ដីសរសេរ ដោយមានរើសអើង យើងអាចនឹងលប់វាចេញ»។

យ៉ាងណាក៏ដោយ ក៏វីដេអូនេះ មិនត្រូវបានឃើញ​មាន នៅលើហ្វេសបុកតទៅទៀតឡើយ ហើយគណនី​ដែល​បានចុះផ្សាយវីដេអូនេះ ក៏ត្រូវបានបិទចោលដែរ។ នេះទំនងជាប្រតិកម្ម ពីបណ្ដាអ្នកប្រើប្រាស់ផ្សេងទៀត ដែលបង្កើតចំហេះក្ដៅក្រហាយពេញព្រោងព្រាត បង្ខំឲ្យហ្វេសប៊ុកត្រូវតែចាត់វិធានការ។

មិនមែនជាលើកទីមួយទេ ដែលហ្វេសប៊ុកតែងបណ្ដោយ ឲ្យវីដេអូរន្ធត់សាហាវញ៉ាប់ញ័រជាច្រើន ត្រូវ​បាន​ចុះ​ផ្សាយ និងមានដំណើរការនៅលើបណ្ដាញរបស់ខ្លួន។ វីដេអូមួយទៀត បង្ហាញពីការសម្លាប់មនុស្ស​រស់​ទាំង​មូលមួយរូប ដោយការកាត់ករ (ទំនងជានៅក្នុងប្រទេសម៉ិចស៊ិក)  ត្រូវបានចុះផ្សាយក្នុង​បណ្ដាញ​សង្គម កាលពីខែតុលាកន្លងទៅ ហើយបង្កឲ្យការក្ដៅក្រហាយម្ដងហើយ នៅពេលនោះ ដោយសារតែ​ហ្វេសប៊ុក បានបដិសេធមិនដកចេញនូវវីដេអូនេះ។ រីឯអ្នកប្រើប្រាស់បណ្ដាញសង្គម នៅក្នុងប្រទេសកម្ពុជាជាច្រើន ក៏បានចុះផ្សាយជាញឹកញាប់ដែរ នូវរូបភាពអាក្រក់ៗ ដូចយ៉ាងគ្រោះថ្នាក់ចរាចរណ៍ មនុស្សស្លាប់ដេក​ស្ដូក​ស្ដឹង ដាច់ក្បាល ដាច់ដៃឬជើង... តែវីដេអូទាំងនោះ នៅតែមានជីវិតរហូតដល់សព្វថ្ងៃ។

ហ្វេសប៊ុក ធ្លាប់បានចេញសេចក្ដីប្រកាសព័ត៌មានមួយ​ ថាខ្លួននឹងពិនិត្យឡើងវិញ ពីលក្ខន្តិក និងបែបផែន​នៃ​ការរាយការណ៍ទាំងឡាយ ទាក់ទងនឹងទិន្និន័យហិង្សា។ ក្រុមហ៊ុនបណ្ដាញសង្គមយក្ស របស់​អាមេរិក​មួយ​នេះ បានសរសេរឲ្យដឹងទៀតថា៖ «យើងបានចាត់ទុកទិន្និន័យទាំងនោះ ទៅក្នុងប្រភេទ"ហិង្សាដែលមិន​សម​ប្រកប និងគ្មានការទទួលខុសត្រូវ"»៕

វីដេអូខាងក្រោម ហាមក្មេងអាយុ១២ឆ្នាំ ឬមនុស្សដែលមានអារម្មណ៍ខ្សោយទស្សនា៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...