តារាទូរទស្សន៍ដើមទ្រូងបាន អាយុ៣៣ឆ្នាំរូបនេះ មិនមែនជាជនរងគ្រោះ នឹងការចូលទៅលួចទិន្នន័យ នៃ​ពួក​​«ចោរអ៊ិនធើណែត» នូវរូបថតឯកជនជាច្រើនសន្លឹក ដូចតារហូលីវូដជាច្រើននោះទេ។ ប៉ុន្តែពេលនេះ នាង គីម កាដាសៀន (Kim Kardashian) បានធ្វើឲ្យអ្នកផង និយាយពីនាងមិនដាច់ឡើយ ពីរូបរាងស៊ិចស៊ី​របស់នាង ជាពិសេសនៅលើបណ្ដាញសង្គម។ នោះគឺដោយសារតែនាង បានជ្រើសរើសទស្សនាវដ្ដី GQ ដ៏ធំមួយរបស់អង់គ្លេស ដើម្បីថតនិងផ្សាយនូវរូបថតស្រាត របស់នាង។

ធ្លាប់ជាប់ឈ្មោះជា «ស្ត្រីប្រចាំឆ្នាំ» ដោយទស្សនាវដ្ដីដ៏ល្បីមួយ នៅអាមេរិក នាង គីម បានសំដិលខ្លួននៅ​ពី​លើគ្រែ ដើម្បីឲ្យអ្នកជំនាញថតរូបរបស់ទស្សនាវដ្ដី ផ្ដិតយកទិដ្ឋភាពនៃរូបរាងដ៏ស៊ិចស៊ីរបស់នាង ដោយគ្រាន់​តែមានអ្វី មកបិតបាំងបន្តិចបន្តួចប៉ុណ្ណោះ។

តាមមើលទំនង អ្នកវាយប្រហារតាមអ៊ិនធើណែត មិនចាំបាច់ដើរទៅរកលួចរូបស្រាតរបស់នាងទេ ព្រោះ​ឥឡូវនេះ រូបស្រាតរបស់នាង បានដាក់ឲ្យគេឯងឃើញជាសារធារណៈរួចហើយ៕