ពីនេះពីនោះ - ប៉ុន្តែបើពាក់អាវនេះ ចេញដើរតាមថ្នល់ អ្នកត្រូវមានអ្នកការពារឲ្យច្រើន តាមហែហម មិនសូវ​ខុស​គ្នា​ប៉ុន្មាន ពីមហាសេដ្ឋីជាតិឥណ្ឌាម្នាក់នេះ នៅក្នុងវីដេអូនោះទេ។ លោក ប៉ានកាជ ប៉ារ៉ាខ (Pankaj Parakh) អ្នកមាន​ទ្រព្យសម្បត្តិដ៏ហូរហៀរ ក្នុងក្រុងប៊ុមបៃ ពីវិស័យកាត់ដេរក្នុងប្រទេសឥណ្ឌា បានថ្លែង​ឡើង​ដូច​វា​ហីថា៖ «ខ្ញុំចង់ពាក់​នៅនឹងខ្លួន នូវអ្វីមួយដែលពិសេស ដើម្បីអរគុណព្រះជាម្ចាស់ ដែលផ្ដល់ភាព​ជោគជ័យ​ឲ្យខ្ញុំ»។

មិនខុសពីការលើកឡើងខាងលើនេះទេ ព្រោះព្រះអាទិទេពក្នុងសាសនា ហិណ្ឌូ ពិតជាអត់ទ្រាំ​មិន​សរសើរ​មិន​បាន នៅពេលបានទតអាវ«មាស» ដែលមានតម្លៃមិនតិចជាង ២សែនដុល្លារនេះ។ មហាសេដ្ឋីបានថ្លែង​ទៀត​ថា «ខ្ញុំតែង​តែមានអារម្មណ៍រំភើបខ្លាំងណាស់ ជាមួយមាស តាំងពីខ្ញុំមានអាយុ៥ឆ្នាំមកម្លេះ។ អំឡុងពេលនេះ ចំណង់​ចំណូលចិត្ត​នេះ បានក្លាយជារឿង ដែលអត់មិនបានក្នុងជីវិតរបស់ខ្ញុំ។ ដូច្នេះ វាពិតហើយ ដែលខ្ញុំ​ត្រូវ​ពិនិត្យ​មើល​ថា តើខ្ញុំអាចធ្វើអ្វី​បាន សម្រាប់បុណ្យខួបកំណើត៤៥ឆ្នាំរបស់ខ្ញុំ។»។

ដើម្បីផលិតចេញនូវអាវនេះបាន គេត្រូវការយ៉ាងហោច នូវពេលវេលា៣២០០ម៉ោង របស់ជាងមាស​ចំនួន​២០​នាក់។ ដោយទំនងជាមិនសូវសប្បាយចិត្ត នឹងការបង់ពន្ធ ដែលមានចំនួនច្រើនជ្រុលនោះ លោក ប៉ានកាជ ប៉ារ៉ាខ បាន​និយាយទៀតថា៖​ «អាវនេះ បានប្រើប្រាស់ប្រាក់កាស របស់ក្រុមហ៊ុនរបស់ខ្ញុំ។ វាអាចត្រូវ​បាន​សំអាត និងរៀបចំ​ព្យួរ​ទុក នៅក្នុងទូយ៉ាងស្រួល។ បើវាខូច ឬរហែក វានឹងអាចជួលជុលបានវិញភ្លាមៗ»។

យ៉ាងណាក៏ដោយ លោកនិយាយថា បើទោះជាគ្មានអាវនេះ ក៏លោកតែងមានជាប់នឹងខ្លួន នូវគ្រឿង​អលង្កា​ជា​មាស ក្នុងទម្ងន់យ៉ាងហោច២ទៅ៣គីឡូក្រាមដែរ។ «ខ្ញុំទទួលស្គាល់ថា ត្រូវតែមាន​ភាពក្លាហាន ទើបអាច​ពាក់​វា​បាន» លោក​មហាសេដ្ឋី បាននិយាយបន្ថែមតាមបែបកំប្លែង «ក្លាហាន និងម្យ៉ាងទៀត ត្រូវមានកាំភ្លើង​រ៉វុលវ៉ែ​មួយ ដាក់តាមជាមួយ ដូចខ្ញុំនៅពេលចេញដើរតាមផ្លូវ»៕

ទស្សនាវីដេអូរបស់មហាសេដ្ឋី អាវមាស៖