បាតុកម្ម​ប្រឆាំង​សម្ដី​របស់​មន្ត្រី​យួន​លើក​ថ្ងៃ ទៅ​ថ្ងៃ​២១ ខែ​កក្កដាវិញ

គម្រោងធ្វើបាតុកម្មជាថ្មី នៅថ្ងៃទី១៦ ខែកក្កដា ឆ្នាំ២០១៤ មុខស្ថានទូតប្រទេសវៀតណាម នឹងត្រូវលើកពេល​យក​ទៅធ្វើនៅថ្ងៃទី២១ ខែកក្កដា ឆ្នាំ២០១៤ ព្រោះមានបញ្ហាផ្នែកបច្ចេកទេសរដ្ឋបាល។ នេះបើតាម សេចក្តី​ប្រកាស​ព័ត៌មាន​របស់ សហព័ន្ធនិស្សិតបញ្ញាវ័ន្តកម្ពុជា ដែលមានលោក ម៉ៅ ពិសេស ជាប្រធាន ចេញផ្សាយឲ្យដឹង​នៅថ្ងៃ​ទី១១ ខែកក្កដា ឆ្នាំ២០១៤ នេះ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី១១ កក្កដា ២០១៤
  • កែប្រែចុងក្រោយ: July 11, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់


លោក ម៉ៅ ពិសេស (ពាក់អាវស កណ្ដាល) ប្រធានសហព័ន្ធនិស្សិតបញ្ញវ័ន្តកម្ពុជា ឈរលើចិញ្ចើមផ្លូវ មុខក្រសួង​ដែនដីនគរូបនីយកម្ម។ (រូបថត MONOROOM.info/ O. Vary)

បាតុកម្ម - ការប្រកាសផ្គើនជាថ្មីថា នឹងមិនសុំទោសចំពោះពលរដ្ឋខ្មែរកម្ពុជារបស់លោក ត្រឹង វ៉ាន់ថុង មន្រ្តីអ្នកនាំ​ពាក្សស្ថានទូតវៀតណាម ប្រចាំប្រទេសកម្ពុជា គឺជាមូលហេតុចម្បង នាំឲ្យសហព័ន្ធនិស្សិតបញ្ញាវ័ន្តកម្ពុជា និងភាគី​ពាក់ព័ន្ធផ្សេងទៀតចាំបាច់ ត្រូវធ្វើបាតុកម្មជាថ្មី ដើម្បីទាមទារឲ្យ មានការទទួលស្គាល់ការពិតប្រវត្តិសាស្រ្ត។ នេះជា​គោលជំហរ របស់សហព័ន្ធនិស្សិតបញ្ញាវ័ន្តកម្ពុជា ដែលបានអះអាងថា សកម្មភាពរបស់ក្រុមខ្លួន មិនពាក់ព័ន្ធ​នឹង​នយោបាយឡើយ។

បន្ទាប់ពីសហព័ន្ធនិស្សិតបញ្ញាវ័ន្តកម្ពុជា និងអ្នកពាក់ព័ន្ធផ្សេងទៀត ចូលរួមធ្វើបាតុកម្មមុខស្ថានទូតវៀតណាម ប្រចាំ​ប្រទេសកម្ពុជា នៅថ្ងៃទី០៨ ខែកក្កដា ឆ្នាំ២០១៤ ហើយត្រូវកម្លាំសមត្ថកិច្ចរដ្ឋាភិបាលកម្ពុជា វាយបំបែកឲ្យ​រត់​ខ្ចាត់​ខ្ចាយនោះមក លោក​ ត្រឹង វ៉ាន់ថុង មន្រ្តីអ្នកនាំពាក្យស្ថានទូត ប្រទេសវៀតណាមប្រចាំប្រទេសកម្ពុជា បាន​អះអាង​ជាថ្មីថា លោកនឹងមិនសុំទោស ហើយក៏មិនទទួលស្គាល់ តាមការទាមទាររបស់ក្រុមបាតុករកម្ពុជានោះដែរ។

ពោល គឺអ្នកនាំពាក្សស្ថានទូតវៀតណាម ប្រចាំប្រទេសកម្ពុជារូបនេះ នៅតែប្រកាន់ជំហរថា ទឹកដីកម្ពុជាក្រោម មិន​មែនបារាំងកាត់ឲ្យប្រទេសវៀតណាមទេ តែទឹកដីនោះ (កម្ពុជាក្រោម) ជារបស់ប្រទេសវៀតណាម តាំងពីដើម​រៀង​មក។ លើសពីនេះ លោក ត្រឹង វ៉ាន់ថុង បានចាត់ទុកសកម្មភាព របស់ក្រុមបាតុករកម្ពុជា ថាបានល្មើសបំពាន ទាំង​ច្បាប់ប្រទេសកម្ពុជា និងច្បាប់អន្តរជាតិ។

ចំពោះគម្រោងការធ្វើបាតុកម្មដោយអហិង្សាជាថ្មី ដើម្បីទាមទារឲ្យប្រទេសវៀតណាម ទទួលស្គាល់ប្រវត្តិសាស្រ្តពិត ត្រូវបានសហព័ន្ធនិស្សិតបញ្ញាវ័ន្តកម្ពុជា ពន្យល់ថាពលរដ្ឋខ្មែរកម្ពុជាក្រោម មិនអាចទទួលយកបាន នូវការប្រមាថ​របស់រដ្ឋាភិបាលប្រទេសវៀតណាម មកលើពលរដ្ឋខ្មែរកម្ពុជាក្រោមបានទេ ហើយថារដ្ឋាភិបាលកម្ពុជា ក៏មិនត្រូវ​ព្រងើយ​កន្តើយផងដែរ។

ក្រោយពីរារាំង និងវាយបង្រ្កាបលើក្រុមបាតុករកម្ពុជានៅថ្ងៃទី០៨ ខែកក្កដា ឆ្នាំ២០១៤ រដ្ឋាភិបាលកម្ពុជា តាមរយៈ​អ្នកនាំពាក្យ ក្រសួងការបរទេសកម្ពុជាលោក កុយ គួង ក្រៅពីបានព្រមានក្រុមបាតុករកម្ពុជា ពីសកម្មភាព​ល្មើស​ច្បាប់ជាតិ និងអន្តរជាតិនោះ អ្នកនាំពាក្យដដែលនេះ ក៏បានសង្កត់ធ្ងន់ដែរថា៖ «ប្រទេសវៀតណាម មិនអាចក្រឡៃ​ប្រវត្តិសាស្រ្តពិតបានទេ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...