បក្ស​ទាំង​ពីរ​ប្រជែង​គ្នា ទាញ​ប្រជាប្រិយ​ភាព​ពី​ពលករ​«រង​គ្រោះ»​ខ្មែរ

ត្រឹមហេតុផលកាតព្វកិច្ច និងមនុស្សធម៌មិនគ្រប់គ្រាន់នោះទេ តែក៏ត្រូវមានហេតុផលនយោបាយ នៅពីក្រោយផង​ដែរ ដើម្បីអាចជំរុញឲ្យ គណបក្សប្រជាជនកម្ពុជា និងគណបក្សសង្រ្គោះជាតិ ធ្វើពលីកម្មដុតដៃដុតជើង ជ្រោមជ្រែង​ដល់ពលករខ្មែរចំណាកស្រុក ដែលត្រូវរបបយោធាថៃចាប់បញ្ជូនមកវិញ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី១៩ មិថុនា ២០១៤
  • កែប្រែចុងក្រោយ: June 19, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ត្រឹមហេតុផលកាតព្វកិច្ច និងមនុស្សធម៌មិនគ្រប់គ្រាន់នោះទេ តែក៏ត្រូវមានហេតុផលនយោបាយ នៅពីក្រោយផង​ដែរ ដើម្បីអាចជំរុញឲ្យ គណបក្សប្រជាជនកម្ពុជា និងគណបក្សសង្រ្គោះជាតិ ធ្វើពលីកម្មដុតដៃដុតជើង ជ្រោមជ្រែង​ដល់ពលករខ្មែរចំណាកស្រុក ដែលត្រូវរបបយោធាថៃចាប់បញ្ជូនមកវិញ។


ពលករកម្ពុជា ដែលត្រូវបានគេដឹកដាក់ក្នុងរថយន្ដទ្រុង បញ្ជូនមកកម្ពុជាវិញ។ (រូបថត សហការី)

នយោបាយ - បន្ទាប់ពីបានរិះគន់ធ្ងន់ៗ ថាវិបត្តិពលករដ៏រជើបរំជួលនេះ មានឬសគល់ពីអសមត្ថភាព ក្រោម​ការ​ដឹក​នាំរបស់រដ្ឋាភិបាលគណបក្សប្រជាជនកម្ពុជាមក នៅថ្ងៃទី១៩ ខែមិថុនា ឆ្នាំ២០១៤ នេះ គណៈប្រតិភូគណបក្ស​សង្រ្គោះជាតិ ដែលដឹកនាំដោយលោក កឹម សុខា អនុប្រធានគណបក្ស កំពុងតែដឹកនាំបេក្ខជនតំណាងរាស្រ្ត និង​សមាជិកព្រឹទ្ធសភា របស់ខ្លួន ទៅកាន់ច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ដើម្បីត្រួតពិនិត្យ​ស្ថានភាព​ពលករខ្មែរ និងធ្វើសកម្មភាពមនុស្សធម៌ចំពោះពួកគ។

អនុប្រធានទី១គណៈកម្មការវិន័យ របស់គណបក្សសង្រ្គោះជាតិ លោក ហូរ វ៉ាន់ បានថ្លែងប្រាប់ទស្សនាវដ្តី​មនោរម្យ.អាំងហ្វូ នៅថ្ងៃទី១៩ ខែមិថុនា ឆ្នាំ២០១៤ នេះថា គណបក្សសង្រ្គោះជាតិកំពុងប្រើប្រាស់ឲ្យអស់ពីលទ្ធភាព នូវមូលនិធិរបស់គណបក្ស និងការចូលរួមវិភាគទាន ពីសំណាក់សប្បុរសជន ដើម្បីចូលរួមចែករំលែក​ការលំបាក​របស់ពលករខ្មែរ ច្រើនម៉ឺននាក់ ដែលកំពុងប្រឈមការលំបាកនៅចំពោះមុខ។

លោក ហូរ វ៉ាន់ បន្តថាគណបក្សប្រជាជនកម្ពុជា មិនត្រូវដាក់បន្ទុកធ្ងន់ធ្ងរមកលើកគណបក្សសង្រ្គោះជាតិ ចំពោះ​វិបត្តិពលករបានទេ ព្រោះគណបក្សសង្រ្គោះជាតិ ជាគណបក្សជំទាស់ ដែលមិនមានសមត្ថកិច្ចគ្រប់​គ្រង​ការងារ​រដ្ឋាភិបាល។ មន្រ្តីរបស់គណបក្សជំទាស់ដដែលនេះ បញ្ជាក់ថា៖ «យើងបានគិតគូរ ជាមនុស្សធម៌តាមលទ្ធភាព។ យើងមិនកាន់រដ្ឋាភិបាល តែយើងធ្វើឲ្យអស់ពីលទ្ធភាពរបស់យើង។»

រីឯរដ្ឋាភិបាលកម្ពុជាវិញ បានអះអាងថា រហូតមកដល់ពេលនេះ រដ្ឋាភិបាលបានចំណាយថវិការ​យ៉ាងហោច​ណាស់​ជាង៥លានដុល្លារអាមេរិក ដើម្បីដោះស្រាយបញ្ហា ដំណើរ នៃការវិលត្រលប់របស់ពលករខ្មែរ​យ៉ាងច្រើន​សន្ធឹក​សន្ធាប់​នេះ។ ចំពោះមុខការវិលត្រឡប់របស់ពលករខ្មែរ ជិតពីរសែននាក់ ដែលត្រូវរបបយោធាថៃថ្មី ចាប់បញ្ជូនមក​កម្ពុជា​វិញយ៉ាង​ តក់ក្រហល់នេះ មន្រ្តីជាន់ខ្ពស់របស់រដ្ឋាភិបាលមួយចំនួន បើទោះជាបានទទូចឲ្យភាគីខ្មែរពាក់ព័ន្ធ គម្បីឯកភាពគ្នាដោះស្រាយបញ្ហាចំពោះមុខក៏ដោយ ក៏មន្រ្តីទាំងនោះ បានឆ្លៀតឱកាសវាយ​បក​មកលើ​គណបក្ស​សង្រ្គោះជាតិ ខ្លះៗផងដែរ។

អ្នកតំណាងរាស្ត្រមណ្ឌលបន្ទាយមានជ័យ របស់គណបក្សប្រជាជនកម្ពុជា លោក កែ គឹមយ៉ាន នៅថ្ងៃម្សិលមិញនេះ បានអះអាងចំពោះមុខពលករខ្មែរ នៅច្រកប៉ោយប៉ែត ខេត្តបន្ទាយមានជ័យថា រដ្ឋាភិបាលកំពុងតែយក​ចិត្តទុក​ដាក់​ខ្ពស់ ចំពោះការព្រួយបារម្ភរបស់ពលករ ទាំងពេលបច្ចុប្បន្ន និងអនាគត។

មុនមួយថ្ងៃ នៃដំណើរបស់អនុប្រធានគណបក្សជំទាស់លោក កឹម សុខ ទៅកាន់ច្រកប៉ោយប៉ែត ខេត្តបន្ទាយមានជ័យ លោក កែ គឹមយ៉ាន អ្នកតំណាងរាស្ត្រមណ្ឌលបន្ទាយមានជ័យរបស់គណបក្សប្រជាជនកម្ពុជា បានព្រលយពាក្យ​ចំពោះ​មុខពលករខ្មែរថា៖ «ខ្ញុំសុំថា បើគាត់មកឈ្លោះគ្នា កុំស្វាគមន៍គាត់ ស្វាគមន៍តែអ្នកជួយទៅបានហើយ។ កន្លង​មកឯងធ្វើល្អសោះ គាត់(បក្សសង្រ្គោះជាតិ) ទៅជាស្រែក ហើយថាខ្លួនឯងជួយពលករ តែមកដល់ បែរជាមក​បង្អាប់​រដ្ឋាភិបាលទៅវិញ៕»

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...