ស៊ុយ សែម ចូល​បំភ្លឺ​ក្នុង​រដ្ឋសភា រឿង​សេសាន​ក្រោម​២

ជាលើកដំបូងហើយ ដែលរដ្ឋសភាជាតិកម្ពុជាអាណត្តិទីប្រាំ ដែលមានតែតំណាងរាស្ត្រ ពីគណបក្សប្រជាជន​កម្ពុជា​នេះ បានកោះហៅរដ្ឋមន្រ្តីក្រសួងរ៉ែ និងថាមពល លោក ស៊ុយ សែម មកពីគណបក្សតែមួយដូចគ្នា ឲ្យមកបំភ្លឺចំពោះ​មុខសភាជុំវិញបញ្ហា នៃការសាងសង់ ទំនប់វារីអគ្គិសនីសេសានក្រោម២។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី១៩ មិថុនា ២០១៤
  • កែប្រែចុងក្រោយ: June 19, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ជាលើកដំបូងហើយ ដែលរដ្ឋសភាជាតិកម្ពុជាអាណត្តិទីប្រាំ ដែលមានតែតំណាងរាស្ត្រ ពីគណបក្សប្រជាជន​កម្ពុជា​នេះ បានកោះហៅរដ្ឋមន្រ្តីក្រសួងរ៉ែ និងថាមពល លោក ស៊ុយ សែម មកពីគណបក្សតែមួយដូចគ្នា ឲ្យមកបំភ្លឺចំពោះ​មុខសភាជុំវិញបញ្ហា នៃការសាងសង់ ទំនប់វារីអគ្គិសនីសេសានក្រោម២។


ផែនទីគម្រោងសាងសង់ វ៉ារីអគ្គីសនី សេសានក្រោម II

សេសានក្រោម២ - ការកោះហៅរដ្ឋមន្រ្តីក្រសួងរ៉ែ និងថាមពល មកបំភ្លឺនៅរដ្ឋសភានាព្រឹកនេះ គឺធ្វើឡើងក្នុងនាម​មន្រ្តីរាជរដ្ឋាភិបាល ជាមួយនឹងតំណាងរបស់រាស្រ្ត ក្នុងរដ្ឋសភាជាបញ្ហាផ្លូវច្បាប់ និងជារឿងធម្មតាប៉ុណ្ណោះ។ តាម​ការបញ្ជាក់របស់មន្រ្តីរដ្ឋសភា នាពេលកន្លងមក ទៅកាន់អ្នកសារព័ត៌មាននោះ បានបន្ថែមទៀតថា ការកោះហៅ​មកនេះ ក្នុងគោលបំណងសួរ និងឆ្លើយ ដើម្បីធ្វើយ៉ាងណាស្វែងរកដំណោះស្រាយ សម្រាប់ឲ្យការអនុវត្តសាងសង់ ទំនប់សេសានក្រោម២នេះ មានប្រសិទ្ធភាពខ្ពស់ បានជាប្រយោជន៏ដល់សង្គមជាតិ និងប្រជាពលរដ្ឋ។

ចំពោះមុខអ្នកសារព័ត៌មាន បន្ទាប់ពីរដ្ឋសភាបានបញ្ចប់ការសាកសួរ លោកស៊ុយ សែម បានលើកឡើងថា ការសាង​សង់ទំនប់វារីអគ្គិសនី នៅទន្លេសាសាននេះមិនមានអ្វីប៉ះពាល់ធ្ងន់ធ្ងរទេ។ លោកបន្តថា៖ «ធម្មតាការសាងសង់​ទំនប់​នេះ ពិតជាមានការផលប៉ះពាល់ហើយ ប៉ុន្តែ (វា) បានផ្តល់ផលប្រយោជន៍ច្រើន ជាងការប៉ះពាល់នោះ»។

កាលពីថ្ងៃទី១៩ ខែឧសភា ឆ្នាំ២០១៤ ថ្មីៗនេះ លោកនាយករដ្ឋមន្ត្រី ហ៊ុន សែន ក្នុងកិច្ចប្រជុំកំពូលលើកទី៤ នៃ​សន្និសីទអន្តរសកម្មភាព និងវិធានការ កសាងទំនុកចិត្តនៅអាស៊ី នាទីក្រុងសៀងហៃ បានជួបលោក កៅ ពៃស៊ី (Cao Peixi) ប្រធានក្រុមហ៊ុន China Huaneng Group ។ ប្រធានក្រុមហ៊ុននោះ បានរៀបរាប់ដំណាល ពីដំណើរការសាង​សង់ទំបន់វារីអគ្គិសនី សេសានក្រោម ២ ក្នុងខេត្តស្ទឹងត្រែង ដែលជាគំរោងវិនិយោគរួមគ្នា ជាមួយនឹងក្រុមហ៊ុន​រ៉ូយ៉ាល់គ្រុប របស់លោក គិត ម៉េង ដែលនឹងរួចរាល់ក្នុងឆ្នាំ២០១៧ខាងមុខ។

គម្រោងសាងសង់ ទំនប់វារីអគ្គីសនីសេសានក្រោម២នេះ បានបង្កឲ្យមានភាពចម្រូងចម្រាស់យ៉ាងខ្លាំង រវាងភាគីរដ្ឋ ក្រុមហ៊ុនចិន និងប្រជាពលរដ្ឋ ដែលជាបញ្ហាវិវាទដ៏រាំរ៉ៃ រវាងក្រុមហ៊ុនចិន ក៏ដូចជាការទទួល«ខុសត្រូវ»របស់រដ្ឋ ជា​មួយប្រជាពលរដ្ឋរងគ្រោះទាំងនោះ ហើយមកទល់នឹងពេលនេះ នៅមិនទាន់មានដំណោះស្រាយអ្វីនៅឡើយ។

សូមបញ្ជាក់ផងដែរថា សេចក្តីព្រាងច្បាប់ស្តីពីទំនប់វារីអគ្គិសនី សេសានក្រោម២ ត្រូវបានរដ្ឋសភាជាតិអនុម័ត កាល​ពីថ្ងៃទី១៥ ខែកុម្ភៈ ឆ្នាំ២០១៣ នៃសមាជិកសភា៨២លើ៩០រូប អនុញ្ញាតឲ្យក្រុមហ៊ុនហាយដ្រូ ផៅវ័រ សេសានក្រោម២ អនុវត្ត គម្រោង និងដំណើររបស់ខ្លួន។

រដ្ឋមន្ត្រីក្រសួងឧស្សាហកម្ម រ៉ែ និងថាមពល ធ្លាប់បានលើកឡើង ក្នុងរដ្ឋសភាកាលពីដាក់សេចក្តីព្រាងច្បាប់ ឲ្យ​អនុម័ត​នោះថា កាលពីឆ្នាំ២០០៩ ក្រុមអ្នកឯកទេសបានប៉ាន់ស្មានថា មានឃុំចំនួនបួននឹងលិច ប៉ុន្តែការសិក្សាលម្អិត នៅពេលក្រោយមកបង្ហាញថា ឃុំដែលនឹងលិចជាក់ស្តែង គឺមានតែបីឃុំប៉ុណ្ណោះ។

បើតាមរបាយការណ៍ ដែលចេញរួមគ្នាដោយអង្គការបរិស្ថាន៣ អង្គការ NGO Forum សមាគមអភិរក្សវប្បធម៌ និង​បរិស្ថាន និងអង្គការបណ្តាញការពារទន្លេបី បានបង្ហាញថា ប្រជាពលរដ្ឋរងផលប៉ះពាល់ មានចំនួន៦ភូមិ ស្មើនឹង​៧៩៧ គ្រួសារ។ តែប្រជាពលរដ្ឋរងផលប៉ះពាល់ពីគម្រោងនេះ មានចំនួនដល់១០២៥ គ្រួសារ។ របាយការណ៍​ស្រាវ​ជ្រាវដាច់ដោយឡែកមួយទៀត របស់អង្គការ NGO Forum បង្ហាញថា ប្រជាពលរដ្ឋរហូតដល់ទៅ​១៣៤៥គ្រួសារ​ឯ​ណោះ បានរងផលប៉ះពាល់ដោយផ្ទាល់។

កន្លងមក តំណាងប្រជាពលរដ្ឋមូលដ្ឋាន ធ្លាប់បានយកញ្ញត្តិដាក់ទៅស្ថានទូតចិនប្រចាំកម្ពុជា និងរដ្ឋសភាដែរ ដើម្បី​សម្តែងការជំទាស់ ទៅនឹងការសាងសង់ទំនប់នេះ។ តែមកទល់និងថ្ងៃនេះ ការដោះស្រាយបញ្ហាជូនប្រជាពលរដ្ឋ នៅ​មិនទាន់មាននៅឡើយ។

បញ្ជាក់ទំនប់វារីអគ្គិសនីសេសានក្រោម២ ស្ថិតនៅចម្ងាយ២០គីឡូម៉ែត្រពីទីរួម ខេត្តស្ទឹងត្រែង លើដៃទន្លេហូរ​ចាក់​ទៅទន្លេមេគង្គ។ ទំនប់វ៉ារីអគ្គិសនីនេះ មានសក្តានុពល ផលិតថាមពលអគ្គិសនី៤០០មេហ្គាវ៉ាត់ ហើយគ្រោងនឹង​បញ្ចប់​ក្នុងឆ្នាំ២០១៧៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...