អង់គ្លេស៖ ធ្លាក់ស្លាប់ពីជាន់ទី៦ ព្រោះចេញមករួមរ័ក្សនៅរានហាល
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី១៤ ខែមិថុនា ២០១៤
- កែប្រែចុងក្រោយ: June 15, 2014
- ប្រធានបទ:
- អត្ថបទ: មានបញ្ហា?
- មតិ-យោបល់
-
ដៃគូរយុវវ័យមួយគូរ បានស្លាប់កាលពីសប្ដាហ៍មុននេះ នៅក្នុងគ្រោះថ្នាក់ធ្លាក់ពីលើរានហាលខាងមុខផ្ទះ ទីកន្លែងដែលពួកគេបានរួមរ័ក្សភិសម័យ។ នេះបើតាមការផ្សាយឲ្យដឹង របស់បណ្ដាញវិទ្យុនិងទូរទស្សន៍ ប៊ីប៊ីស៊ី (BBC)។
យុវតីរងគ្រោះ និងអាគារដែលគូរស្នេហ៍ទាំងពីរធ្លាក់។ (រូបថតផ្ដិតពីវីដេអូ ប៊ីប៊ីស៊ី)
រួមរ័ក្សលុះក្ស័យ - សាក្សីដែលបានឃើញហេតុការណ៍ដ៏អាណោចអាធមនេះ បានឲ្យដឹងថា ដៃគូរស្នេហាទាំងពីរនាក់ ដែលបានទៅចូលរួមគ្នុងពិធីជប់លៀងមួយ បានចេញមកខាងក្រៅលើរានហាលរបស់អាផាតធើមេន (appartement) ដែលស្ថិតនៅជាន់ទី៦ ដើម្បីអោបថើបគ្នា។ សាក្សីដដែលបាននិយាយទៀតថា បន្ទាប់មកទៀត គូរស្នេហ៍ទាំងទ្វេ ដែលដុតរោលរាលទៅដោយភ្លើងតណ្ហាយុវវ័យ បានឡើងទៅលើបង្កាន់ដៃនៃរានហាលនេះ ដើម្បីសាកល្បងធ្វើដំណើរឡើងថានសួគ៌។ ប៉ុន្តែជាអកុសល ពួកគេបានរបូតក្បាច់ ធ្លាក់មកក្រោម។
បុរសអ្នកជិតខាងម្នាក់ អាយុ៣២ឆ្នាំ ដែលរស់នៅក្នុងអាគារជាមួយ ស្ថិតនៅកណ្ដាលសង្កាត់មួយនៃរាជធានីឡុងដ៍ បានរៀបរាប់ដែរថា៖ «ពួកគេសាកល្បងរួមរ័ក្សភិសម័យ។ ប្រុសក្មេងនោះ បានលើកនាងស្រីដាក់លើខ្លួន ហើយឡើងទៅអង្គុយលើបង្កាន់ដៃរានហាល។ ពួកគេគួតែដឹងហើយថា អ្វីដែលពួកគេធ្វើ មានគ្រោះថ្នាក់សម្បើមណាស់។ រឿងចុងក្រោយ ដែលខ្ញុំកំពុងតែនឹកភ្នក់នោះ គឺពួកគេបានធ្លាក់ ពីជាន់ទី៦ មកដី។»
បុរសនោះ បានស្រែកឡើង។ តែគ្រាន់តែបានស្រែកប៉ុណ្ណោះ ព្រោះអ្វីៗវាបានហួសពេលទៅហើយ។ គាត់បានប្រញាប់ចុះមកខាងក្រោមភ្លាម ហើយបានឃើញពួកគេទាំងពីរ ដេកស្ដូកស្ដឹង នៅលើកំរាលឈាម។
នគរបាលបានបើកការស៊ើបអង្កេត ទៅលើករណីនេះនៅពេលបន្ទាប់មក។ តែបើតាមនគរបាល បានបញ្ជាក់ថា នេះមិនអាចជាករណីណាផ្សេង ក្រៅពីការសង្ស័យ ដែលទាក់ទងនឹងគ្រោះថ្នាក់ដោយចៃដន្យនោះទេ។ អ្នកនាំពាក្យរបស់នគរបាល បានថ្លែងថា៖ «យើងសូមចូលរួមមរណទុក្ខទៅដល់ក្រុមគ្រួសារ និងមិត្តភ័ក្ររបស់គូរស្នេហ៍នេះ»៕
គូរស្នេហ៍ទាំងពីរនាក់៖
