វន់ ពៅ ត្រូវ​យក​ទៅ​ព្យាបាល​នៅ​ប្រទេស​ថៃ

បន្ទាប់ពីអង្គការលីកាដូពិនិត្យឃើញថា ស្ថានភាពសុខភាពរបស់ លោក វន់ ពៅ ប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ មានភាពធ្ងន់ធ្ងរមក អង្គការការពារសិទ្ធិមនុស្សនៅកម្ពុជាមួយនេះ បានសម្រេចថា នឹងជ្រោមជ្រែងបញ្ជូនលោក វន់ ពៅ ទៅព្យាបាលជម្ងឺនៅប្រទេសថៃ នៅថ្ងៃទី១៨ ខែមិថុនា ឆ្នាំ២០១៤នេះ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី១០ មិថុនា ២០១៤
  • កែប្រែចុងក្រោយ: June 10, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្ទាប់ពីអង្គការលីកាដូពិនិត្យឃើញថា ស្ថានភាពសុខភាពរបស់ លោក វន់ ពៅ ប្រធានសមាគមប្រជាធិបតេយ្យ​ឯករាជ្យ នៃសេដ្ឋកិច្ចក្រៅប្រព័ន្ធ មានភាពធ្ងន់ធ្ងរមក អង្គការការពារសិទ្ធិមនុស្សនៅកម្ពុជាមួយនេះ បានសម្រេចថា នឹងជ្រោមជ្រែងបញ្ជូនលោក វន់ ពៅ ទៅព្យាបាលជម្ងឺនៅប្រទេសថៃ នៅថ្ងៃទី១៨ ខែមិថុនា ឆ្នាំ២០១៤នេះ។


លោក វន ពៅ ច្រៀងពេលត្រឡប់មកដល់គេហដ្ឋានវិញ នៅថ្ងៃទី៣០ ខែឧសភា ឆ្នាំ២០១៤។ (រូបថត MONOROOM.info/ S. Tith)

សិទ្ធិ - លោកវន់ ពៅ ដែលត្រូវបានតុលាការទើបសម្រេចឲ្យនៅក្រៅឃុំ បានឲ្យដឹងថា លោកចាំបាច់​ត្រូវថតមើល​ក្បាល ព្រោះរបួសផុងលលាដ៏ក្បាល ដែលត្រូវកងទាហានឆ័ត្រយោង៩១១វាយឲ្យរបួស កំពុងងើបរើឡើងវិញ ដែល​ធ្វើឲ្យលោក តែងមានអាការៈឈឺក្បាល និងស្រវាំងផ្នែក។

ប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធដដែលបន្តថា ជម្ងឺក្រលៀន ជម្ងឺក្រពះ ជម្ងឺក្រំក្នុង និង​ស្មារតីមិនទាន់ប្រក្រតី ដែលខកខានមិនបានព្យាបាលអំឡុងពេលឃុំខ្លួននោះ គឺត្រូវជួបវេជ្ជបណ្ឌិត​ដើម្បីពិនិត្យឡើង​វិញ។ លោកវន់ ពៅ បញ្ជាក់ថា៖ «ខ្ញុំមានជម្ងឺគ្រាំក្នុង ដោយសារទាហានវាយដំច្រំធាក់ខ្លាំងពេក ចេះតែឈឺក្នុងខ្លួន និងថប់ដង្ហើមម្តងៗ។»

ថ្លែងប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី១០ ខែមិថុនា ឆ្នាំ២០១៤នេះលោក វន់ ពៅ ឲ្យដឹថា ក្រោមការជ្រោម​ជ្រែង ពីសំណាក់អង្គការលីកាដូ និងសប្បុរសជន មានមនុស្សបីនាក់ទៀត គឺលោក ចាន់ ពុទ្ធិស័ក្ត - ខេង សាវឿន និង យ៉ង សំអ៊ន ក៏នឹងត្រូវបញ្ជូនទៅព្យាបាលនៅប្រទេសថៃ ជាមួយលោកផងដែរ ខណៈកម្មករផ្សេងទៀត មិនមាន​ស្ថានភាព​សុខភាពធ្ងន់ធ្ងរនោះទេ។

លោក វន់ ពៅ ប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ និងកម្មករ២២នាក់ផ្សេងទៀត ត្រូវ​បានសាលាដំបូងរាជធានីភ្នំពេញ សម្រេចដោះលែងឲ្យមានសេរីភាពកាលពីចុងខែឧសភា ឆ្នាំ២០១៤។ ការដោះ​លែងដែលធ្វើឡើង បន្ទាប់ពីតុលាការជំនុំជម្រះ ក្រោយពីសមត្ថកិច្ចចម្រុះរដ្ឋាភិបាលឃាត់ខ្លួនពួកគេ អំឡុងពេល​តវ៉ា​ទាមទារប្រាក់ឈ្នួលគោល១៦០ដុល្លារអាមេរិក នៅមុខរោងចក្រ យ៉ាកជីង និងផ្លូវវ៉េងស្រេង កាលពីដើមខែមករា ឆ្នាំ២០១៤។

បើទោះជាសាលាដំបូងរាជធានីភ្នំពេញ សម្រេចឲ្យនៅក្រៅឃុំក៏ដោយ ក៏លោក វន់ ពៅ ជាសកម្មជនហ៊ានចេញមុខ​ទាមទារប្រាក់ឈ្នួលឲ្យកម្មករ បានត្អូញត្អែរថា៖ «មកដល់ពេលនេះ ខ្ញុំមិនទាន់ជ្រះស្រឡះ រឿងអយុត្តិធម៌នៅ​ឡើយ​ទេ គេនៅព្យួរទោសយើង មិនទាន់មានសិទ្ធិសេរីភាពពេញលេញនៅឡើយទេ។ យើងដឹងហើយប្រទេសកម្ពុជា កាល​ណាគេចង់ធ្វើអ្វី គេអាចធ្វើបានភ្លាម។ ដូច្នេះយើងគិតថា យើងធ្វើការដោយប្រុងប្រយ័ត្នជាទីបំផុត សព្វថ្ងៃនេះ៕»

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...