ទៅ​ថ្ងៃ​អនាគ តើ​«Galactic Cap»​ជា​ស្រោម​អនាម័យ​បែប​ថ្មី​ឬ? (vdo)

អស់លោកប្រុសៗ នឹងច្បាស់ជាសប្បាយចិត្តណាស់ ជាមួយនឹងសម្ភារៈការពារ ឆ្នៃប្រឌិតថ្មីមួយ ដែលនឹងដាក់ឲ្យ​ធ្វើ​ពាណិជ្ជកម្ម ក្នុងពេលខាងមុខ។ ប្រដាប់ការពារ មានឈ្មោះហៅថា «Galactic Cap» ដែលអ្នកផងហៅថា ជា​«ស្រោម​អនាម័យ»នោះ ទើបនឹងត្រូវបានបង្ហាញ កាលពីដើមខែមិថុនានេះ ដោយអ្នកបង្កើតរបស់វាមួយរូប នៅ​អាមេរិក ដែលសង្ឃឹមយ៉ាងខ្លាំងថា នេះជារូបរាងថ្មីនៃស្រោមអនាម័យ សម្រាប់ថ្ងៃមុខ។
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី៥ ខែមិថុនា ២០១៤
  • កែប្រែចុងក្រោយ: June 05, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អស់លោកប្រុសៗ នឹងច្បាស់ជាសប្បាយចិត្តណាស់ ជាមួយនឹងសម្ភារៈការពារ ឆ្នៃប្រឌិតថ្មីមួយ ដែលនឹងដាក់ឲ្យ​ធ្វើ​ពាណិជ្ជកម្ម ក្នុងពេលខាងមុខ។ ប្រដាប់ការពារ មានឈ្មោះហៅថា «Galactic Cap» ដែលអ្នកផងហៅថា ជា​«ស្រោម​អនាម័យ»នោះ ទើបនឹងត្រូវបានបង្ហាញ កាលពីដើមខែមិថុនានេះ ដោយអ្នកបង្កើតរបស់វាមួយរូបនៅ​អាមេរិក ដែល​សង្ឃឹមយ៉ាងខ្លាំងថា នេះជារូបរាងថ្មីនៃស្រោមអនាម័យ សម្រាប់ថ្ងៃមុខ។


រូបនារីម្នាក់ កាន់ស្រោមអានាម័យប្រភេទចាស់។ (រូបថត ឯកសារ)

ស្រោមអនាម័យ - អ្នកបង្កើតគំនិត មកពីរដ្ឋកាលីហ្វ័នី សហរដ្ឋអាមេរិក លោក ឆាលី ផាវ័រ (Charlie Powell) ទើប​នឹង​ដាក់បង្ហាញនូវស្រោមអនាម័យមួយប្រភេទ តូចជាងគេតែស្រួលប្រើផ្ដល់ផាលសុខភាព ដែលអ្នកបង្កើតឆ្នៃមូដ រូបនេះ ហៅថាជា«កំពូលគំនិតបង្កើតថ្មី» ប្រចាំសតវត្សទី២១។

ស្រោម ហ្គាឡាស៊ី ខាប (Galactic Cap) នេះ មានពីរផ្នែក៖ ផ្នែកទីមួយ មានរាងជាព្យញ្ជនៈ U សម្រាប់បិទជាប់នឹង​សាច់ និងផ្នែកមួយទៀត សម្រាប់បិទពីលើ ដើម្បីទទួលទឹកកាម។ លក្ខណៈពិសេសរបស់វា៖ នៅពេលដែលអ្នក​ប្រើប្រាស់បានផ្គុំវារួចរាល់ហើយនោះ វាមិនបានគ្របឲ្យជិតទាំងស្រុង ពីខាងក្រៅប្រដាប់ភេទនោះទេ ប៉ុន្តែគ្រាន់បិទ​នៅចុងខាងមុខ តែបន្តិចប៉ុណ្ណោះ។ លោកអ្នកអាចទស្សនាវីដេអូ នៅខាងក្រោម ស្ដីពីរបៀបដាក់ប្រើប្រាស់ ស្រោម​អនាម័យសម្រាប់អនាគតនេះ។

គំនិតដែលបង្កើតស្រោមអនាម័យប្រភេទថ្មី គ្មានអ្វីក្រៅពីចង់រក្សាទុកឲ្យបានច្រើនបំផុត នូវភាពស្រណុកសុខ​ស្រួល ដោយបានប្រដាប់ភេទទាំងមូល អាចប៉ះពាល់ដោយផ្ទាល់ ជាមួយនឹងប្រដាប់ភេទរបស់ដៃគូខ្លួននោះទេ។ ការប៉ះ​ពាល់​ដោយផ្ទាល់ អាចឲ្យអ្នកប្រើប្រាស់ស្រោម មានសេចក្ដីស្រណុកសុខស្រួល បានច្រើនជាងពាក់ស្រោម ដែលស្រោបលើប្រដាប់ភេទទាំងមូល។

តើស្រោមអនាម័យនេះ ពិតជាការពារការរួមភេទ មិនឲ្យឆ្លងជំងឺមែនឬ?

អ្នកបង្កើតស្រោមនេះ បានធានាថា បើទោះជាស្រោមបានធ្វើឡើង ក្នុងរូបរាងតូចយ៉ាងនេះក៏ដោយ តែមិនមាន​ន័យ​ថាវា​មិនសូវមានប្រសិទ្ធិភាព ខាងការការពារ«រោគសង្គម» នោះឡើយ។ លោក ឆាលី ផាវ័រ និយាយថា «ជាស្រោម​ដែល​ធានាបាន នូវការការពារនេះខ្លាំងជាងគេបំផុត។ ស្រោមអនាម័យជំនាន់មុនៗ មានហនិភ័យពី១៥ ទៅ១៨​ភាគ​រយ។ ចំណែក ហ្គាឡាទិក ខាប មិនមានហនិភ័យនោះទេ។»

ប៉ុន្តែស្រោមនេះ នៅមិនទាន់បានទទួល ការយល់ព្រមពីទីភ្នាក់ងារអាមេរិកាំង (FDA) ដែលត្រួតពីនិត្យលើចំណី​អាហារ និងគ្រឿងញៀននោះនៅឡើយ។ មូលហេតុដែលសំខាន់នោះ មកពីជំងឺសង្គមជាច្រើន អាចធ្វើការចម្លង​ដោយ​គ្រាន់​តែប៉ះសាច់គ្នាប៉ុណ្ណោះ៕

សូមទស្សនាវីដេអូ ដែលបង្ហាញពីស្រោមនេះដូចតទៅ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...