ព្រះវិហារ៖ កុយ គួង ថា​កម្ពុជា​មិន​នៅ​ស្ងៀម ចំពោះ​ការ​បង្ក​ហេតុ​របស់​ថៃ

មន្រ្តីអ្នកនាំពាក្យក្រសួងការបរទេសកម្ពុជា លោក កុយ គួង បានអះអាងនៅថ្ងៃទី០២ ខែមិថុនា ឆ្នាំ២០១៤ នេះថា​ប្រទេសកម្ពុជា បានជូនដំណឹង និងតវ៉ាឲ្យប្រទេសថៃ គម្បីដកលួសបន្លា ដែលបានពង្រាយនៅបរិវេណមុខ​ប្រាសាទ​ព្រះវិហាររួចហើយ តែភាគីទាហានថៃឆ្លើយថា រង់ចាំបញ្ជាថ្នាក់លើ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី០២ មិថុនា ២០១៤
  • កែប្រែចុងក្រោយ: June 02, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មន្រ្តីអ្នកនាំពាក្យក្រសួងការបរទេសកម្ពុជា លោក កុយ គួង បានអះអាងនៅថ្ងៃទី០២ ខែមិថុនា ឆ្នាំ២០១៤ នេះថា​ប្រទេសកម្ពុជា បានជូនដំណឹង និងតវ៉ាឲ្យប្រទេសថៃ គម្បីដកលួសបន្លា ដែលបានពង្រាយនៅបរិវេណមុខ​ប្រាសាទ​ព្រះវិហាររួចហើយ តែភាគីទាហានថៃឆ្លើយថា រង់ចាំបញ្ជាថ្នាក់លើ។


ប្រាសាទព្រះវិហារខ្មែរ។

អធិបតេយ្យ - ថ្លែងទៅកាន់ក្រុមអ្នកសារព័ត៌មាន ក្រោយបញ្ចប់កម្មវិធីផ្លូវការ នៅទីស្តីការក្រសួងការបរទេស​កម្ពុជា​ លោក កុយ គួង មន្រ្តីអ្នកនាំពាក្យក្រសួងការបរទេសកម្ពុជា បានសង្កត់ធ្ងន់ថា៖ «កម្ពុជាមិននៅស្ងៀមស្ងាត់ ចំពោះ​ទង្វើរបស់ភាគីថៃនោះទេ បើទោះជាកម្ពុជានឹងរង់ចាំការឆ្លើយតបពីភាគីថៃ ដែលមិនទាន់បានកំណត់​កាល​បរិច្ឆេទ​ច្បាស់លាស់ ចំពោះការដកលួសបន្លា។»

ទន្ទឹមនឹងអះអាងថា តំបន់ដែលភាគីថៃរាយលួសបន្លា មិនប៉ះពាល់ដល់អធិបតេយ្យភាពរបស់កម្ពុជា លោក កុយ គួង ក៏បានពន្យល់ដែរថា តំបន់ពង្រាយលួសបន្លានោះ មិនមានដាក់កងទ័ពប្រចាំការនោះទេ គ្រាន់តែតំបន់នោះ​ជាតំបន់​ហាមឃាត់ ដែលចុះអនុសារណៈយោគយល់គ្នាដោយកម្ពុជា-ថៃ កាលពីឆ្នាំ២០០០ កំណត់ថា មិនឲ្យមានការធ្វើ​សកម្មភាព​ណាមួយ បណ្តាលឲ្យមានការប្រែប្រួលនៅតំបន់នោះ។

ប្រទេសថៃកាលពីថ្ងៃទី២៩ ខែឧសភា ឆ្នាំ២០១៤ តាមរយៈទាហានឈុតខ្មៅរបស់ខ្លួន បានសម្រេចដាក់​ពង្រាយ​លួសបន្លាដោយឯកតោភាគី នៅតំបន់មុខប្រាសាទព្រះវិហារ។ ភ្លាមនោះភាគីប្រទេសកម្ពុជា ក៏បានចេញលិខិតតវ៉ា​ឲ្យភាគីប្រទេសថៃរុះរើចេញវិញផងដែរ តែរហូតមកដល់ពេលនេះ បើទោះភាគីកម្ពុជាតវ៉ាយ៉ាងណាក៏ដោយ ក៏លួស​បន្លានៅទីតាំងនោះ មិនត្រូវបានភាគីថៃដកចេញនៅឡើយ។

ចំពោះឥរិយាបថបង្កហេតុរបស់ប្រទេសថៃ ត្រូវបានលោក យ៉ង់ គិមអេង នាយកមជ្ឈមណ្ឌលប្រជាពលរដ្ឋ ដើម្បី​អភិវឌ្ឍន៍ និងសន្តិភាព ចាត់ទុកថា នោះជាទម្លាប់បណ្តុះស្មារតីជាតិនិយមក្នុងប្រទេសថៃ ហើយក៏ជាយុទ្ធសាស្រ្ត​របស់ពួកយោធាថៃ ដើម្បីបង្វៀងការខឹងសម្បារ​របស់មជ្ឈដ្ឋានពលរដ្ឋថៃ លើរដ្ឋប្រហារយោធាទម្លាក់​រដ្ឋាភិបាល​ចាំផ្ទះស្របច្បាប់ ឲ្យមកចាប់អារម្មណ៍លើបញ្ហាព្រំដែនវិញ។

លោក យ៉ង់ គិមអេង សន្និដ្ឋានប្រាប់ទស្សនាវដ្តីមនោរម្យ.អាំងហ្វូថា៖ «បើទោះជាថៃដឹងថារឿង​ប្រាសាទព្រះវិហារ​មិនអាចទៅរួចក៏ដោយ ក៏ថៃនៅយកប្រាសាទព្រះវិហារជាឈ្នាន់នយោបាយ ហើយបញ្ហាព្រំដែន វាប្រហែលជា​បណ្តាលមកពីល្បែងនយោបាយផ្ទៃក្នុង របស់ប្រទេសថៃច្រើនជាង។»

នាយកមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាពដដែល បានលើកឡើងថា ប្រទេសកម្ពុជា​ត្រូវមាន​ភាពម៉ឺងម៉ាត់ជាមួយភាគីប្រទេសថៃ ហើយប្រទេសថៃក៏មិនត្រូវព្យាបាទប្រទេសកម្ពុជា ដែលគម្រាមដល់​សន្តិភាព​តំបន់នោះដែរ។ លោក យ៉ង់ គិមអេង បញ្ជាក់ថា៖ «ថៃក៏ត្រូវតែប្រុងប្រយ័ត្ន កុំឲ្យបញ្ហានេះធ្វើឲ្យប្រទេសកម្ពុជា និ​ងថៃរអិលធ្លាក់ចូលទៅក្នុង ជ្រោះនៃការស្អប់ខ្ពើមគ្នាទៅវិញទៅមក៕»

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...