កំណត់​ពេល​បោះ​ឆ្នោត​ឡើង​វិញ នៅ​តែ​ជា​គន្លឹះ​របស់​បក្ស​ទាំង​ពីរ

រហូតមកដល់ពេលនេះ បើទោះជាការចរចានយោបាយ រវាងគណបក្សប្រជាជនកម្ពុជា និងគណបក្សសង្រ្គោះជាតិ កំពុងមានការរីកចម្រើន ស្ទើរឈានដល់ការឯកភាពគ្នាទាំងស្រុងក៏ពិតមែន តែចំណុចគន្លឹះ ឬជាចំណុចស្នូល នៃការ​ឯកភាពរវាងគណបក្សទាំងពីរ គឺការកំណត់ពេលបោះឆ្នោតឡើងវិញ នៅតែត្រូវបានគណបក្សទាំងពីរ​បង្ហាញ​ឥរិយាបថ​រឹងត្អឹងដាក់គ្នានៅឡើយ។
Loading...
  • ដោយ: អ៊ុំ បូរី ដោយ អ៊ំ បូរី (ទាក់ទង៖ [email protected]) - ភ្នំពេញ ថ្ងៃទី២៩ ឧសភា ២០១៤
  • កែប្រែចុងក្រោយ: May 29, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រហូតមកដល់ពេលនេះ បើទោះជាការចរចានយោបាយ រវាងគណបក្សប្រជាជនកម្ពុជា និងគណបក្សសង្រ្គោះជាតិ កំពុងមានការរីកចម្រើន ស្ទើរឈានដល់ការឯកភាពគ្នាទាំងស្រុងក៏ពិតមែន តែចំណុចគន្លឹះ ឬជាចំណុចស្នូល នៃការ​ឯកភាពរវាងគណបក្សទាំងពីរ គឺការកំណត់ពេលបោះឆ្នោតឡើងវិញ នៅតែត្រូវបានគណបក្សទាំងពីរ​បង្ហាញ​ឥរិយាបថ​រឹងត្អឹងដាក់គ្នានៅឡើយ។


លោក សម រង្ស៊ី និងលោក កុយ ប៊ុនរឿន នៅក្នុងសន្នីសីទការសែត ថ្ងៃទី២៩ ខែឧសភា ឆ្នាំ២០១៤។ (រូបថត MONOROOM.info/ U. Bory)

នយោបាយ - មន្រ្តីជាន់ខ្ពស់របស់គណបក្សសង្រ្គោះជាតិ លោក កុយ ប៊ុនរឿន ក្នុងសន្និសីទសារព័ត៌មាន នា​ទីស្នាក់ការ​​កណ្តាល របស់គណបក្សនៅថ្ងៃទី២៩ ខែឧសភា ឆ្នាំ២០១៤ នេះ បានបង្ហាញសុទិដ្ឋិនិយមថា គណបក្ស​ប្រជាជនកម្ពុជា និងគណបក្សសង្រ្គោះជាតិអាចនឹងឈានទៅឯកភាពគ្នា ដើម្បីទម្លាយភាពជាប់គាំងនយោបាយ ក្នុងពេលឆាប់ៗខាងមុខនេះ តាមរយៈការចរចាថ្នាក់បច្ចេកទេស និងកំពូល។

ទន្ទឹមនឹងនេះ ក្នុងសន្និសីទសារព័ត៌មានដដែល លោក សម រង្ស៊ី ប្រធានគណបក្សសង្រ្គោះជាតិ ក៏បានសម្តែង​ការ​ជឿជាក់ដែរថា ភាពជាក់គាំងនយោបាយ នឹងបានដោះស្រាយរួចដោយសន្តិវិធី តាមរយៈការជជែកគ្នារវាង​គណបក្ស​ប្រជាជនកម្ពុជា និងគណបក្សសង្រ្គោះជាតិ តែចំណុចសំខាន់ត្រូវផ្តើមពីការកែទម្រង់ការបោះឆ្នោត ដើម្បីធានា​ការ​បោះឆ្នោតលើកក្រោយមានភាពត្រឹមត្រូវ។

បើទោះជាគណបក្សសង្រ្គោះជាតិ បានបង្ហាញសញ្ញាវិជ្ជមានអំពីការចរចានយោបាយ ជាមួយគណបក្ស​ប្រជាជន​កម្ពុជាក៏ដោយ ក៏ចំណុចស្នូល គឺការកំណត់ពេលវេលាបោះឆ្នោតឡើងវិញ នៅតែត្រូវបានគេសង្កេតឃើញថា ជា​ឧបសគ្គចម្បង រវាងគណបក្សប្រជាជនកម្ពុជា និងគណបក្សសង្រ្គោះជាតិ ព្រោះគណបក្សទាំងពីរ​បានព្រលយឲ្យដឹង​ពីពេលវេលាបោះឆ្នោតឡើងវិញនេះ ឃើញថាមានភាពខុសគ្នាឆ្ងាយ។

ធ្វើពហិការមិនចូលប្រជុំរដ្ឋសភា រហូតដល់ឆ្នាំ២០១៨តែម្ដងទៅ !

មន្រ្តីជាន់ខ្ពស់របស់គណបក្សប្រជាជនកម្ពុជាលោក ជាម យៀប បានថ្លែងប្រាប់ទស្សនាវដ្តីមនោរម្យ.អាំងហ្វូ កាល​ពី​ពេលថ្មីៗនេះថា គ្មានការបោះឆ្នោតឡើងវិញនៅអាណត្តិទី៥នេះទេ។ លោក ជាម យៀប បានចំអកឲ្យគណបក្ស​សង្រ្គោះ​ជាតិថា៖ «បើគណបក្សសង្រ្គោះជាតិ ធ្វើពហិការមិនចូលប្រជុំរដ្ឋសភា មិនចូលទៀតទៅ ដល់ឆ្នាំ២០១៨ តែ​ម្តងទៅ។ ហើយកុំនឹកស្រម័យ នឹកយល់សប្តិថា មានការបោះឆ្នោតកណ្តាលអាណត្តិ។»

រីឯលោកកុយ ប៊ុនរឿន មន្រ្តីជាន់ខ្ពស់របស់គណបក្សសង្រ្គោះជាតិ នៅពេលអ្នកសារព័ត៌មានសួរថា បើ​គណបក្ស​ប្រជាជនកម្ពុជា ព្រមកែទម្រង់ការបោះឆ្នោតរួចរាល់ តើគណបក្សសង្រ្គោះជាតិ នឹងធ្វើអ្វីជាបន្ត មុននឹងសម្រេច​ចូល​ប្រជុំសភា? លោកកុយ ប៊ុនរឿន ឆ្លើយថា វានៅតែជាចំណុចពិនិត្សលទ្ធភាពនៅឡើយ ព្រោះគណបក្សសង្រ្គោះជាតិ ទាមទារបោះឆ្នោតឡើងវិញត្រឹមឆ្នាំ២០១៦ រីឯគណបក្សប្រជាជនកម្ពុជា ទទូចពន្យាការបោះឆ្នោត​រហូតដល់​ឆ្នាំ​២០១៨៕

Loading...

មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...