ការជួយសង្គ្រោះកូនរបស់សត្វដំរី តែងត្រូវបានធ្វើឡើងយ៉ាងពិសេស ទៅតាមធម្មជាតិរបស់វា និងគួរឲ្យរំជួលចិត្ត រហូតដល់ក្រុម អ្នកទេសចរណ៍ ឬអ្នកថតភាពយន្ដឯកសារជាច្រើន ទ្រាំមិនបាននឹងមិនផ្តិតយករូបភាពទាំងនោះ មកផ្សព្វផ្សាយបន្ត។ នៅក្នុង​វីដេអូខាងក្រោម លោកអ្នកនឹងឃើញពីមេត្តាធម៌របស់ម្ដាយ មកលើកូន បើសូម្បីតែជា​សត្វដំរី។ ប៉ុន្តែការជួយសង្គ្រោះខ្លះ មិនត្រឹម​តែម្ដាយប៉ុណ្ណោះទេ ត្រូវបានដំរីផ្សេងទៀតមកជួយទៀតផង។

ដំរីរួមគ្នាជួយសង្គ្រោះកូនដំរី ពីចរន្ដទឹក។ (រូបថតផ្តិតពីវីដេអូ)

នាទីសត្វ - វីដេអូទីមួយ ដែលលោកអ្នកនឹងទស្សនាខាងក្រោមនេះ ថតដោយអ្នកទេសចរណ៍មួយរូប នៅ​ប្រទេស​កេនយ៉ា ភាគកណ្ដាលនៃទ្វីបអាហ្វ្រិក នៅក្រោយពេលដែលមានភ្លៀងធ្លាក់យ៉ាងជោគជាំមួយ។ ទឹកស្ទឹង អ៊ីវ៉ាសូ នៀរ៉ូ (Ewaso Nyiro) បានជន់ឡើង ហើយមានចរន្ដទឹកហូរខ្លាំងជាងធម្មតា តែវាមិនបង្កការលំបាកអ្វីសម្រាប់ដំរីធំៗ ក្នុង​ការឆ្លងកាត់ស្ទឺងនេះឡើយ។ ផ្ទុយទៅអ្វី សម្រាប់កូនដំរីតូចៗ ជារឿងមួយផ្សេង។

នេះជាករណីរបស់ ដំរីតូចដែលទើបនឹងកើតបាន៦ខែ ហើយត្រូវបានចរន្ដទឹកនាំទៅជាមួយ។ ប៉ុន្តែម្ដាយរបស់វា បាន​ខំជួយទប់កូនខ្លួន និងស្វែងរកគ្រប់វិធី ដើម្បីជួយឲ្យកូនតូចមួយនេះ អាចឡើងទៅដល់ទីទួលគោកបាន។ ដោយមើល​មកឃើញថា ម្ដាយមិនអាចជួយកូនតូចនេះ តែម្នាក់ឯងបាន បើទោះជាខំទាញប្រមោយ និងចាប់ទាញកន្ទុយ​នោះ​យ៉ាងណាក៏ដោយ ដំរីមួយទៀតដែលបានឡើងទៅលើគោកផុតទៅហើយ បានត្រឡប់ក្រោយវិញ ដើម្បីជួយ​ម្ដាយ​កូននេះ រហូតបានជោគជ័យ។

វីដេអូទីមួយ៖ ម្ដាយជួយសង្គ្រោះកូនពីចរន្តទឹកស្ទឹង

បើនិយាយទៅ សត្វដំរី មានខួរក្បាល និងសតិសម្បជញ្ញៈប្រសើរជាង សត្វដទៃទៀត។ ខាងក្រោមនេះ ជាវីដេអូ​ដទៃ​ទៀត ដែលបង្ហាញពីការជួយយកអាសាររបស់សត្វមាឌធំនេះ ទៅលើកូនតូចៗរបស់វា។

វីដេអូទីពីរ៖ ម្ដាយជួយសង្គ្រោះកូនពីភក់

វីដេអូទីបី៖ ដំរីជួយសង្គ្រោះកូនដំរីពីទឹក ព្រោះច្រាំងខ្ពស់

វីដេអូទីបួន៖ កូនដំរីធ្លាក់ក្នុងទឹកស្ទឹង

វីដេអូទីប្រាំ៖ ម្ដាយជួយសង្គ្រោះកូនភ្លោះ

វីដេអូទីប្រាំមួយនេះ បង្ហាញពីការរួមគ្នារបស់សត្វដំរីជាច្រើន ដើម្បីការពារកូនតូចរបស់វា ពីគ្រោះថ្នាក់ផ្សេងៗ៖

វីដេអូទីប្រាំពីរ៖ ក្រុមដំរី ជួយការពារកូនតូចពីការប៉ុនប៉ងយាយី របស់សត្វក្រពើ

យ៉ាងណាក៏ដោយ មើលទៅពួកវា ហាក់ដូចជាមានសេចក្ដីសុខណាស់។ ជាពិសេសនៅពេលមានដំរីណាមួយដួល បើសូម្បីតែកូនដំរី ឲ្យវាចូលមកឲ្យទឹកចិត្តដែរ។ វីដេអូទីប្រាំបី៖