កូន​ប្រុស​របស់ ឈុត វុទ្ធី កំពុង​ត្រៀម​ពាក្យ​បណ្តឹង​ទៅ ICC

លោក ឆឺយ ឧត្តមរស្មី កូនប្រុសរបស់លោក ឈុត វុទ្ធី បានថ្លែងអះអាងថា យ៉ាងហោចណាស់ ក្នុងអំឡុងពេល​ខែ​ឧសភាខាងមុខ បណ្តឹងនៃករណីបាញ់សម្លាប់លោកឪពុករបស់​លោក នឹងត្រូវដាក់ប្តឹងឡើងទៅតុលាការ​ព្រហ្មទណ្ឌ​អន្តរជាតិ ហៅកាត់តាមភាសាអង់គ្លេសថា ICC។
កូន​ប្រុស​របស់ ឈុត វុទ្ធី កំពុង​ត្រៀម​ពាក្យ​បណ្តឹង​ទៅ ICC
លោក ឆឺយ ឧត្តមរស្មី (អាវពណ៌ខ្មៅ) ក្នុងពិធីរម្លឹកខួបពីរឆ្នាំ នៃមរណភាពរបស់លោក ឈុត វុទ្ធី ថ្ងៃទី២៦ ខែមេសា ឆ្នាំ២០១៤។ (រូបថត MONOROOM.info/ C. Nita)
Loading...
  • ដោយ: ប្រាថ្នា ([email protected]) - ភ្នំពេញ ថ្ងៃទី២៨ មេសា ២០១៤
  • កែប្រែចុងក្រោយ: April 28, 2014
  • ប្រធានបទ: ឃាតកម្ម ឈុត វុទ្ធី
  • អត្ថបទ: មានបញ្ហា?
  • មតិ-យោបល់

ប្រព័ន្ធយុត្តិធម៌ - លោក ឆឺយ ឧត្តមរស្មី ជាកូនប្រុសច្បងរបស់លោក ឈុត វុទ្ធី បានបង្ហើបប្រាប់ឱ្យដឹងថា លោក​កំពុងត្រៀមពាក្យបណ្តឹង ប្តឹងទៅតុលាការព្រហ្មទណ្ធអន្តរជាតិ (ICC) ដើម្បីរកយុត្តិធម៌ឱ្យពុករបស់ខ្លួន ខណៈ​តុលាការ​ក្នុងប្រទេសកម្ពុជា បានសម្រេចបិទសំនុំរឿងមិនចាត់ការ ដោយសំអាងថាលោក ឈុត វុទ្ធី និងឃាតករ អ៊ិន រតនា បានស្លាប់ទាំងពីរនាក់ ដែលជានីតិវិធីច្បាប់ធ្វើឱ្យបណ្តឹងអាជ្ញាត្រូវរលត់។

ការថ្លែងរបស់យុវជនវ័យ២១ឆ្នាំរូបនេះធ្វើឡើង នៅក្នុងកម្មវិធីរំលឹកវិញ្ញាណក្ខន្ធ របស់លោកឈុត វុទ្ធី សកម្មជន​កាពារព្រៃឈើដ៏ល្បីឈ្មោះ កាលពីថ្ងៃទី២៦ ខែមេសា ឆ្នាំ២០១៤ នៅចំនុចវាលបី ស្រុកមណ្ឌលសីមា ខេត្តកោះកុង ជាកន្លែងដែលលោកឈិត វុទ្ធី ត្រូវខ្មាន់កាំភ្លើងបាញ់។  លោក ឆឺយ ឧត្តមរស្មី បានបញ្ជាក់បន្ថែមថា៖ «យើងនឹង​ព្យាយាមដាក់ យើងប្រហែលដាក់តាម UN ឬតាមណាមួយ ដែលគេអាចជួយយើងបាន។ ហើយខ្ញុំនឹងជួបគាត់ (UN) ជាផ្លូវការមួយ ពេលទៅដល់ក្រុងភ្នំពេញវិញ។»

ប្រធានផ្នែកបច្ចេកទេសស៊ើបអង្កេត របស់អង្គការសិទ្ធិមនុស្សលីកាដូ លោក អំ សំអាត បានលើកឡើងថា ចំពោះ​ការ​ដាក់ពាក្យបណ្តឹងនេះ វាជាសិទ្ធិរបស់គ្រួសារលោក ឈុត វិទ្ធី ប៉ុន្តែខាងតុលាការព្រហ្មទណ្ឌអន្តរជាតិ គេនិងពិនិត្យ​ពិចារណាមើល ថាតើវាគ្រប់លក្ខខណ្ឌ អាចទទួលក្នុងការវិនិច្ឆ័យបានដែរឬទេ? ប្រសិនបើគេពិនិត្យទៅគ្រប់លក្ខខណ្ឌ គេនឹងទទួលនូវបណ្តឹងនេះ។

លោក អំ សំអាត បានប្រាប់ប្រាប់ឱ្យដឹងទៀតថា សម្រាប់ពាក្យបណ្តឹងដែលចង់ប្តឹងទៅ ICC មានលក្ខខណ្ឌច្រើន វា​អាចពាក់ព័ន្ធនឹងឧក្រិដកម្មប្រឆាំមនុស្សជាតិ ឧក្រិដ្ឋប្រឆាំងជាតិសាសន៍ អំពើឧក្រិដ្ឋផ្សេង និងពាក់ព័ន្ធជាមួយ​ការ​បាញ់​សម្លាប់មួយចំនួនទៀត។ ចំពោះករណីបាញ់សម្លាប់លោក ឈុត វុទ្ធី ត្រូវបានលោក អំ សំអាត ​ពន្យល់​ថា៖ «បើ​និយាយាពីយន្តការនៅក្នុងស្រុក គឺគេបានបញ្ចប់រួចរាល់ហើយ ប៉ុន្តែយុត្តិធម៌សម្រាប់គាត់ និងកូនគាត់មិនទាន់​មាន​ទេ។ (..) អាហ្នឹងបើយន្តការនៅក្នុងស្រុក មិនអាចធ្វើបាន គាត់អាចពិនិត្យពិចារណាទៅយន្តការអន្តរជាតិបាន។»

ទស្សនាវដ្ដីមនោរម្យ.អាំងហ្វូ មិនអាចទាក់ទងមន្ត្រីអ្នកទទួលខុសត្រូវ ក្នុងក្រសួងយុត្តិធម៌របស់ប្រទេសកម្ពុជា ដើម្បី​សុំការស្រាយបំភ្លឺក្នុង​ពេលនេះ បាននៅឡើយ។

ពាក់ព័ន្ធនិងការបញ្ចប់សំនុំរឿង មិនបន្តស៊ើបអង្កេតករណីឪពុករបស់ខ្លួន កូនប្រុសអតីតប្រធានអង្គការ កាពារ​ធន​ធានធម្មជាតិ លោក ឆឺយ ឧត្ដមរស្មី បានថ្លែងទៀតថា តុលាការក្នុងស្រុកជាតុលាការមិនឯករាជ្យ ស្ថិតនៅ​ក្រោម​អ្នក​មានអំណាច ហេតុដូចនេះក្ដីសង្ឃឹមមានទាបជាទីបំផុត ក្នុងការរកយុត្តិធម៌ជូនឪពុករបស់លោក៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...