មេ​ទូត​ខ្មែរ​នៅ​កូរ៉េ​ខាង​ត្បូង សង្ស័យ​មាន​អ្នក​ប៉ែង​ជើង​ខ្លួន

ឯកអគ្គរាជទូតខ្មែរប្រចាំប្រទេសកូរ៉េខាងត្បួង ដែលមិនទាន់បានកាន់តំណែង​ពេញ​បរិបូរណ៍ លោក ស៊ុត ឌីណា បាន​​បង្ហើប​ឲ្យ​ដឹងថា​ អាចនឹងមានអ្នក មានបំណងមិនល្អមកលើលោក ហើយ​អ្នក​ទាំង​នោះ ទំនង​ជាចង់​ឲ្យ​លោក​​របូត​​ចេញ​​ពីតំណែងមួយនេះ ខណៈលោកបានប្ដេជ្ញាដឹកនាំ​ស្ថានទូតខ្មែរ​ប្រចាំ​ប្រទេស​កូរ៉េ​ខាង​ត្បួង ដែលធ្លាប់​បក់​​បោក​នូវ​រឿង​អាស្រូវ​ពុករលួយ ឲ្យមាន​ភាព​ប្រសើរ​ឡើង។
Loading...
  • ដោយ: អ៊ុំ បូរី ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី២៤ មេសា ២០១៤
  • កែប្រែចុងក្រោយ: April 24, 2014
  • ប្រធានបទ: ពុករលួយ
  • អត្ថបទ: មានបញ្ហា?
  • មតិ-យោបល់

ការទូត - «ខ្មុំបានប្រកាសជាសាធារណៈ សុំឲ្យបញ្ឈប់ការបង់ប្រាក់ ឬផ្តល់កម្រៃ ដល់ការស្នើសុំ​បញ្ជាក់​លើ​ឯកសារ លិខិតផ្សេងៗ និងសុំពន្យារលិខិតឆ្លងដែន។ល។និង។ល។ ចំណាត់ការនេះវាអាចធ្វើអោយ​ប៉ះពាល់​ដល់មន្ត្រី​មួយ​ចំនួន»។ នេះជាការបង្ហើបឲ្យដឹង ក្នុងពេលចុងក្រោយនេះ លើទំព័រហ្វេសប៊ុកផ្ទាល់ខ្លួន របស់​លោក​ស៊ុត ឌីណា ឯកអគ្គរាជទូតទើបតែងតាំងថ្មីរបស់កម្ពុជា ប្រចាំប្រទេសកូរ៉េខាងត្បូង។

ការរំលេចឲ្យឃើញនូវបញ្ហាដោយលោក ស៊ុត ឌីណា គឺបានកើតឡើងក្រោយពីប្រមុខការទូតកម្ពុជា លោក​ឧបនាយក​រដ្ឋមន្រ្តី រដ្ឋមន្រ្តីក្រសួងការបរទេស ហោ ណាំហុង បានសរសេរលិខិតណែនាំចុះថ្ងៃទី២១ ខែមេសា​នេះ ដល់លោក ស៊ុត ឌីណា ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង ដោយសង្កត់ធ្ងន់ថា៖ «ហាម​ដាច់​ខាត មិនឲ្យបងប្អូន ឬនរណាផ្សេង ដែលមិនមែនជាមន្ត្រីការទូតជ្រៀតជ្រែកក្នុងការងាររបស់ស្ថានទូត និង​គ្រប់​គ្រង​ត្រារបស់ស្ថានទូត​ឡើយ»។

តែសម្រាប់លោក ស៊ុត ឌីណា បានអត្ថាធិប្បាយនៅលើ ទំព័រហ្វេសប៊ុកផ្លូវការរបស់ខ្លួនថា៖ «ខ្មុំបាន​ចូល​បម្រើ​ការ​ជា​មន្ត្រី​ក្របខ័ណ្ឌការបរទេស ជាន់ខ្ពស់តាំងឆ្នាំ២០០០បន្ទាប់ពីការសិក្សាពី សាលាភូមិន្ទរដ្ឋបាល​ទាំង​កម្រិត​មធ្យម និង​ឧត្តមផ្នែកការទូត។ មកទល់នឹងការទទួលបានការតែងតាំង ជាទីប្រឹក្សាផ្ទាល់សម្តេចតេជោ ហ៊ុន សែន (ឋានៈស្មើ​រដ្ឋលេខាធិការ) និងជាអនុរដ្ឋលេខាធិការក្រសួងការបរទេសនិង សហប្រតិបត្តិការអន្តរជាតិ ពេញ​មួយអណត្តិទី៤ កុំថាឡើយសាច់ញាតិ បងប្អូន សូម្បីតែប្រពន្ឋ កូន ក៏ខ្មុំមិនដែលយកអោយ ទៅ​ស្គាល់​កន្លែង​​និង​ការិយាល័យ​ធ្វើការ​ផង។»

លើទំព័រហ្វេសប៊ុកដដែលនោះ បានឲ្យដឹងទៀតថា រូបលោកដែលជាឯកអគ្គរាជទូតតែងតាំងថ្មី និងដែល​កំពុង​រង់ចាំ​ការជូនសារតាំង ទៅប្រធានាធិបតីកូរ៉េងខាងត្បូវ នាពេលខាងមុខ នឹងធ្វើការ«ការពារនូវឧត្តមគតិ និង​មនសិការ​​ស្នេហាយុត្តិធម៌ ស្នេហាជាតិ ស្រឡាញ់សេចក្តីថ្លៃថ្នូរ និងជាពិសេសស្នេហា​ពលករ​និង​ជនជាតិ​ទូទៅ»។

មុនការតែងតាំងលោកស៊ុត ឌីណា ជាឯកអគ្គរាជទូតថ្មីរបស់កម្ពុជាប្រចាំប្រទេសកូរ៉េខាងត្បូង ស្ថានទូត​កម្ពុជា​ប្រចាំ​ប្រទេសកូរ៉េខាងត្បូង បានរងនូវការបក់បោកព្យុះភ្លៀង នៃរឿងអាស្រូវអំពើពុករលួយ ទាក់ទង​នឹង​ការ​ធ្វើ​លិខិត​ស្នាម និងសេវាកម្មផ្សេងៗរបស់ស្ថានទូត។ អំពើពុករលួយ ឬការយកកម្រៃខុសប្រក្រតី ដែលតែង​មាន​ការ​រអ៊ូរទាំពីសំណាក់​ពលករកម្ពុជា និងពលរដ្ឋកម្ពុជា ដែលបានទៅសិក្សា ស្នាក់នៅ ឬរស់នៅ​ប្រទេស​កូរ៉េ​ខាង​ត្បូង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...