ធម្ម​យាត្រា​ប្រឆាំង​នឹង​ទំនប់​វារី​អគ្គីសនី​ដន​សាហុង ត្រូវ​បាន​ហាមឃាត់

ធម្មយាត្រាដែលមានបំណងអប់រំ ដល់ប្រជាពលរដ្ឋឲ្យយល់ដឹង ពីផលប៉ះពាល់ពីការសាងសង់ទំនប់វារីអាគ្គីសនី ដនសាហុង ប្រទេសឡាវ និងទទូចឲ្យបញ្ឈប់ការសាងសង់ ត្រូវបានអាជ្ញាធរខេត្តកំពង់ចាម ធ្វើការហាមឃាត់ ដោយ​អះអាងថា មិនមានគោលការណ៍ពីថ្នាក់លើ។
Loading...
  • ដោយ: អ៊ុំ បូរី
  • កែប្រែចុងក្រោយ: April 01, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ធម្មយាត្រាដែលមានបំណងអប់រំ ដល់ប្រជាពលរដ្ឋឲ្យយល់ដឹង ពីផលប៉ះពាល់ពីការសាងសង់ទំនប់វារីអាគ្គីសនី ដនសាហុង ប្រទេសឡាវ និងទទូចឲ្យបញ្ឈប់ការសាងសង់ ត្រូវបានអាជ្ញាធរខេត្តកំពង់ចាម ធ្វើការហាមឃាត់ ដោយ​អះអាងថា មិនមានគោលការណ៍ពីថ្នាក់លើ។


ផែនទីបង្ហាញពីទីកន្លែង ដែលត្រូវសង់ទំនប់វារីអគ្គិសនី ដនសាហុង។ (រូបថតផ្ដិតពីផែនទីហ្គូហ្គ័ល)

សិទ្ធិ - លោកយុក សេងឡុង ប្រធានគ្រប់គ្រងកម្មវិធី របស់អង្គការសម្ព័ន្ធភាព ដើម្បីអភិរក្សធនធានជលផល បាន​ថ្លែងប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី៣១ ខែមីនា នេះ សមត្ថកិច្ចខេត្តកំពង់ចាម បានហាមឃាត់មិនឲ្យ​អង្គភាព​របស់លោក និងអង្គការសង្គមស៊ីពាក់ព័ន្ធ ប្រារព្ធកម្មវិធីធម្មយាត្រា ដើម្បីបជ្រាបការយល់ដឹងដល់​ប្រជា​ពលរដ្ឋ​នោះទេ ដោយអាជ្ញាធរខេត្តកំពង់ចាម អះអាងថាគ្នានគោលការណ៍ពីថ្នាក់លើ។

ប្រធានគ្រប់គ្រងកម្មវិធី របស់អង្គការសម្ព័ន្ធភាព ដើម្បីអភិរក្សធនធានជលផល ដដែលនេះ បន្តថា ធម្មយាត្រានេះ ចង់ឲ្យប្រជាពលរដ្ឋ និងភាគីពាក់ព័ន្ធដឹងថា ដំណើរការសាងសង់ ទំនប់វារីអាគ្គីសនីដនសាហុងសាងសង់​ដល់​កម្រិត​ណា និងឈានទៅឯកភាពគ្នាថា អ្នកចូលរួមធម្មយាត្រា និងសហគមន៍ ដែលទទួលរងផលប៉ះពាល់ដោយផ្ទាល់ មិន​ត្រូវការទំនប់វារីអាគ្គីសនីដនសាហុង។

ជុំវិញករណីនេះ ទស្សនាវដ្តីមនោរម្យ.អាំងហ្វូ មិនអាចទាក់ទង មន្រ្តីខេត្តកំពង់ចាម ដើម្បីធ្វើការអត្ថាធិប្បាយ​បាន​នៅ​ឡើយទេ។ តែលោកយុក សេងឡុង បានបញ្ជាក់ថា៖ «យើងសុំច្បាប់ តែគេឆ្លើយថា មិនមានការណែនាំពី​រដ្ឋាភិបាល និងក្រសួងមហាផ្ទៃ។ យើងធ្វើនេះ មិនពាក់ព័ន្ធនយោបាយទេ តែជាការគាំទ្រជំហរដ្ឋាភិបាល។ តាមមើល​គាត់​មិន​ខ្វល់ ថានេះជាសិទ្ធិសេរីភាពរបស់ប្រជាពលរដ្ឋ និងសហគមន៍ គឺគាត់ផ្តោតសំខាន់គោលការណ៍ថ្នាក់លើ។»

រហូតមកដល់ពេលនេះ បើទោះជារដ្ឋាភិបាលឡាវបានចុះកិច្ចព្រមព្រៀង ជាមួយក្រុមហ៊ុនសាងសង់ ហើយក៏ដោយ ក៏ទំនប់វារីអាគ្គីសនីដនសាហុងស្ថិត នៅប្រទេសឡាវ ត្រូវបានគេមើលឃើញថា មិនទាន់ដំណើរការសាងសង់​នៅ​ឡើយទេ ដោយរង់ចាំដល់ខែធ្នូ ឆ្នាំ២០១៤ ។ ទន្ទឹមនឹងនេះរដ្ឋាភិបាលកម្ពុជា រដ្ឋាភិបាលវៀតណាម និងអង្គការ​សង្គម​ស៊ីវិល​ផ្នែកបរិស្ថាន កន្លងមក ក៏បានស្នើទៅប្រទេសឡាវ ឲ្យពន្យាពេលសាងសង់គម្រោង​ទំនប់វារីអាគ្គីសនី​ដនសាហុង មួយរយៈសិន ដើម្បីរង់ចាំការសិក្សា ពីផលប៉ះពាល់។

គួរកត់សម្គាល់ថា ធម្មយាត្រាស្រដៀងគ្នានេះ បានធ្វើឡើងដោយជោគជ័យរួចហើយនៅខេត្តស្ទឹងត្រែង និងខេត្ត​ក្រចេះ កាលពីថ្ងៃទី២៩ និង៣០ ខែមីនា ឆ្នាំ២០១៤ ហើយក៏មានមន្ត្រីរដ្ឋាភិបាលមួយចំនួនចូលរួម និងជំរុញឲ្យ​ប្រទេស​ឡាវបញ្ឈប់ជាបន្ទាន់ នូវគម្រោងសាងសង់ទំនប់វារីអគ្គីសនីដនសាហុង លើដងទន្លេមេគង្គ ដ៏ប្រទាំង​ប្រទើស​នេះ៕

-------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី៣១ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...