សម្ពាធ​ដាក់​លើ​ក្រសួង​យុត្តិធម៌ ឲ្យ​ផ្ដល់​យុត្តិធម៌​ដល់​ជន​ទាំង​២១​នាក់

បន្តពីថ្ងៃម្សិលមិញដែលបានស្នើដល់ប្រតិភូសហគមន៍អ៊ឺរ៉ុប ឲ្យជួយដោះស្រាយវិបត្តិដីធ្លី និងជំរុញការដោះលែង​ជន​២១នាក់ នៅថ្ងៃទី២៨ មីនា នេះ អ្នកភូមិបឹងកក់ បូរីកីឡា និងថ្មគោល ជិតមួយរយនាក់ បានមកដល់មុខក្រសួង​យុត្តិធម៌ ដើម្បីទទូចឲ្យស្ថាប័នមួយនេះ លូកដៃពន្លឿនការដោះស្រាយ ចំពោះទុកកង្វល់របស់ពួកគេ។
Loading...
  • ដោយ: អ៊ុំ បូរី
  • កែប្រែចុងក្រោយ: March 28, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្តពីថ្ងៃម្សិលមិញដែលបានស្នើដល់ប្រតិភូសហគមន៍អ៊ឺរ៉ុប ឲ្យជួយដោះស្រាយវិបត្តិដីធ្លី និងជំរុញការដោះលែង​ជន​២១នាក់ នៅថ្ងៃទី២៨ មីនា នេះ អ្នកភូមិបឹងកក់ បូរីកីឡា និងថ្មគោល ជិតមួយរយនាក់ បានមកដល់មុខក្រសួង​យុត្តិធម៌ ដើម្បីទទូចឲ្យស្ថាប័នមួយនេះ លូកដៃពន្លឿនការដោះស្រាយ ចំពោះទុកកង្វល់របស់ពួកគេ។


អ្នកភូមបឹងកក់ នៅមុខក្រសួងយុត្តិធម៌ ថ្ងៃទី២៨ ខែមីនា ឆ្នាំ២០១៤។ (រូបថត MONOROOM.info/ O. Vary)

សិទ្ធិមនុស្ស - អ្នកតំណាងអ្នកភូមបឹងកក់ អ្នកស្រី ទេព វន្នី បានថ្លែងទៅកាន់អ្នកសារព័ត៌មាន នៅមុខក្រសួង​យុត្តិធម៌ថា៖ «ពួកខ្ញុំមិនដែលមានសង្ឃឹមលើថ្នាក់ដឹកនាំ ថាដោះស្រាយបញ្ហានោះទេ។ តែមកក្រសួងយុត្តិធម៌​ពេលនេះ គឺដើម្បីសួរនាំពីបញ្ហាដាក់ញតិ្ត នៅក្រសួងយុត្តិធម៌ កាលពីថ្ងៃទី២៥ ខែកុម្ភៈ ឆ្នាំ២០១៤ ដែលនិយាយ​ពីរឿងអន្តរាគមន៍ ផ្តល់យុត្តិធម៌ឲ្យបានឆាប់ៗ ដល់អ្នកកំពុងជាប់ឃុំ នៅគុកត្រពាំងខ្លុង។ តែត្រូវបានគេស្ទាក់​គ្រប់​ទីកន្លែង ចាប់ប្រតាយប្រតប់ជាមួយពួកខ្ញុំទៀត។»

ជន២០នាក់ រួមទាំងលោក វន់ ពៅ ប្រធានសមាគមប្រជាធិបតេយ្យ នៃសេដ្ឋកិច្ចក្រៅប្រព័ន្ធ ត្រូវបាន​សាលាឧទ្ធណ៍​បដិសេធ ការស្នើសុំនៅក្រៅឃុំលើកទីពីរ នៅថ្ងៃទី២៤ ខែមីនា ឆ្នាំ២០១៤។ ជនទាំង២១នាក់នោះ ត្រូវសមត្ថកិច្ច​ឃាត់ខ្លួន ក្នុងព្រឹត្តិការណ៍ទាមទារប្រាក់ឈ្នួលដ៏ហិង្សាមួយ កាលពីដើមឆ្នាំ២០១៤ ហើយត្រូវបានតុលាការ​ចោទ​ប្រកាន់ ពីបទបង្កឲ្យខូចខាតសណ្តាប់ធ្នាប់សាធារណៈ ដែលមានស្ថានទម្ងន់ទោស។

គណបក្សជំទាស់ សហគមន៍អន្តរជាតិ ក្រុមអង្គការសង្គមស៊ីវិល បានចាត់ទុកការកាត់ទោសជន២១នាក់ ថាជា​រឿងអយុត្តិធម៌ និងបានទទូចជាបន្តបន្ទាប់ឲ្យដោះលែងជនទាំងនោះ ដោយគ្នានលក្ខខណ្ឌ។ តែការអំពាវនាវ​នោះ​ត្រូវបាន រដ្ឋាភិបាលកម្ពុជាអះអាងថា ការសម្រេចយ៉ាងណានោះ គឺអាស្រ័យលើសមត្ថកិច្ច របស់ស្ថាប័នតុលាការ។

មន្រ្តីស៊ើបអង្កេតផ្នែកសិទ្ធិមនុស្សអង្គការអាដហុក លោក ណៃ វ៉ង់ដា ពន្យល់ថា៖ «ខ្ញុំផ្ទាល់គិតថាគួរឲ្យពួកគាត់ នៅ​ក្រៅឃុំបណ្ណោះអាសន្ន និងសំណូមពរឲ្យកាត់ក្តីជនទាំងនោះឲ្យបានឆាប់។ ហើយរដ្ឋាភិបាលបង្ហាញ ភស្តុតាងមក ថាពួគគាត់មានទោសអ្វីខ្លះ ប៉ុន្តែបើតាមការស្រាវជ្រាងរបស់យើង គឺថាគាត់គ្នានទោសធ្ងន់ធ្ងរនោះទេ ក្នុងការធ្វើ​បាតុកម្មដោយសន្តិវិធីនោះ។ តែបើមានក៏តិចតួច ក្នុងន័យការពារខ្លួនប៉ុណ្ណោះ។»

មន្រ្តីស៊ើបអង្កេតផ្នែកសិទ្ធិមនុស្សអង្គការអាដហុក រូបនេះ បន្ថែមថា គេត្រូវបានបែងចែក ឲ្យបានច្បាស់អំពី​សមត្ថកិច្ចរដ្ឋាភិបាល និងសមត្ថកិច្ចស្ថាប័នតុលាការ ហើយករណីជន២១នេះ ក៏អាចជាប់ពាក់ព័ន្ធនឹងបញ្ហា​នយោបាយផងដែរ ព្រោះនីវិធីរបស់តុលាការ ហាក់ដូចជាមិនមានភាពច្បាស់លាស់៕

-------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី២៨ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...