សេង សូណា ចង់​​ថត​​ដោះ​​អាវនិង​​ថតរឿង​កូន​ជ្រូក ផ្គើន​អ្នក​រិះគន់?

ជាថ្មីម្តងទៀតតារាសាច់សខ្ចី និងមានដើមទ្រូងមូលក្លំ គួរជាទីចាប់អារម្មណ៏របស់យុវវ័យមួយចំនួន គ្រោងចង់បង្ហាញ​ក្បាច់ថ្មីរបស់ខ្លួន ដោយមានបំណងចង់ថតដោះអាវ និងជាពិសេសមិនសូវមានតារាណាហ៊ានលើកឡើងនោះ គឺ​បំណងចង់ថតរឿងសិច (ឬភាពយន្ដកូនជ្រូក) សំរាប់បង្អួតជាតិសាសន៍ដទៃ។
Loading...
  • ដោយ: ប្រាថ្នា
  • កែប្រែចុងក្រោយ: March 14, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ជាថ្មីម្តងទៀតតារាសាច់សខ្ចី និងមានដើមទ្រូងមូលក្លំ គួរជាទីចាប់អារម្មណ៏របស់យុវវ័យមួយចំនួន គ្រោងចង់បង្ហាញ​ក្បាច់ថ្មីរបស់ខ្លួន ដោយមានបំណងចង់ថតដោះអាវ និងជាពិសេសមិនសូវមានតារាណាហ៊ានលើកឡើងនោះ គឺ​បំណងចង់ថតរឿងសិច (ឬភាពយន្ដកូនជ្រូក) សំរាប់បង្អួតជាតិសាសន៍ដទៃ។


នាងសេង សូណា ក្នុងឈុតខ្លីបង្ហាញសាច់ នៅមាត់សមុទ្រ។ (រូបថត ហ្វេសប៊ុក)

តារា - បន្ទាប់ពីមានការរិះគន់យ៉ាងចាស់ដៃពីសំណាក់ប្រិយមិត្តប្រជាពលរដ្ឋខ្មែរ ជាពិសេសអ្នកប្រើប្រាស់បណ្តាញ​សង្គមហ្វេសប៊ុក ចំពោះការបង្ហាញដើមទ្រូងដ៏ស៊ិចស៊ីរបស់តារាសេង សូណា ឥលូវនេះតារាដែលមានដើមទ្រូង​មូល​ក្លំរូបនេះ បានបង្កភាពភ្ញាក់ផ្អើលម្តងទៀត តាមរយៈការសរសេរសារនៅលើទំទ័ររបស់ខ្លួន បង្កឲ្យក្រុមអ្នកដែល​ធ្លាប់​រិះគន់រូបនាងកន្លងមក ប្រតិកម្មជាថ្មីម្ដងទៀត ថាជាការសរសេរបែបបញ្ចើចបញ្ចើដែលគ្មានន័យ។

អមទៅដោយរូបភាពដែលបង្ហាញពីភាពស៊ិចស៊ី នៃដើមទ្រូងដ៏មូលក្លំរបស់ខ្លួន ក្នុងគណនីហ្វេសប៊ុកមួយ ដែលមាន​ដាក់ឈ្មោះថា Seng Sona នោះ ម្ចាស់គណនីនេះបានសរសេរជា ភាសាខ្មែរក្នុងន័យបង្ហាញ ពីមោទនភាព​ចំពោះ​ខ្លួន​ឯងថា៖ «ឆ្នាំនេះថតពាក់អាវ គេថាខ្ញុំសិចស៊ី ឆ្នាំក្រោយថតដោះអាវហើយ ថតរឿងសិចឲ្យទូទាំងពិភពលោក បាន​ដឹង​ថាខ្មែរក៏មិនចាញ់បរទេសដែរ..ហាស ហាស ហាស..»។

កន្លងមកតារាសម្តែង សេង សូណា មិនដែលត្រូវបានមហាជន ក៏ដូចជាអ្នកតាមដាន ពិភពសិល្បៈស្គាល់នោះទេ ហើយក៏បានចាកចេញចោលពិភពនេះម្ដងហើយ ជាមួយនឹងបញ្ហាបេះដូងកាត់មិនចេញ។ ប៉ុន្តែ ការវិលត្រឡប់ចូល​មកក្នុងពិភពសិល្បៈលើកនេះ បន្ទាប់ពីនាង បានបញ្ចេញ ភាពសិចស៊ីដោយបង្ហោះរូបភាព​នៅលើទំព័រហ្វេសប៊ុកជា​ច្រើនលើកមក កញ្ញា សេង សូណា ត្រូវបានអ្នកតាមដាន សង្គមសិល្បៈនិង អ្នកប្រើប្រាស់ បណ្តាញសង្គមហ្វេសប៊ុក ស្គាល់យ៉ាងច្បាស់ ថាជាតារាដែលចូលចិត្តបង្អូតដើមទ្រូងប្រចាំឆ្នាំ ២០១៤ រហូតដល់អ្នកប្រើប្រាស់បណ្ដាញ​សង្គម​ហ្វេសប៊ុកមួយចំនួន ដាក់ឈ្មោះឲ្យនាងថា ជានិម្មិតសញ្ញាតារាសិចនោះថែមទៀត។

លោក ថៃ នរៈសត្យា រដ្ឋលេខាធិការ​ក្រសួង​វប្បធម៌ និងវិចិត្រសិល្បៈ ធ្លាប់បានប្រតិកម្មចំពោះ​ការ​ចំហរ​ឡេវ បង្ហាញ​កូនភ្នំរបស់តារាមួយចំនួន ជាពិសេសតារាដែលមានចិត្តល្អចំហរសុដន្ដ ដូចនាង សេង សូណា នេះយ៉ាងដូច្នេះថា៖ «ប្រសិន​ជា​ការតុបតែងខ្លួន របស់តារានោះហួសហេតុពេក វាមិនមែន​ជា​ការលើកតំលៃខ្លូនឯងទេ បែរជាបង្កើន​កេរិ៍្ត​ខ្មាស និងអ្ន​ក​រិះគន់ជាបន្តបន្ទាប់ទៅវិញ»។ លោកបានបន្ថែមថា ក្រសួងអាចនឹងហៅតារាទាំងនោះ មកធ្វើការណែនាំ ដើម្បីអោយពួកគេស្គាល់ថាខ្លួនគេជានរណា?

ដូច្នេះ តើពីពេលនេះតទៅ តារាបញ្ចេញសាច់ដើម្បីល្បីឈ្មោះ នាង សេង សូណា អាចនឹងធ្វើមែនទែន ក្នុងការឈាន​ទៅ​ដោះអាវស្រាតសារ៉ុង និងថត​ភាពយន្ដកូនជ្រូក ឬយ៉ាងណា? មានតែអនាគតនាពេលខាងមុខទេ ទើបគេអាចដឹង​បាន៕

-----------------------------------------------
ដោយ ក. ចាន់នីតា (ទំនាក់ទំនង៖ [email protected]) -ភ្នំពេញ ថ្ងៃទី ១៣ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...