ស្បែកមុខ ជាក្តីស្រមៃរបស់មនុស្សស្រីគ្រប់គ្នា។ នៅពេលឃើញស្បែកមុខរបស់ខ្លួនមិនស្រស់ស្រាយ ដោយខ្វះ​នូវ​សារជាតិចិញ្ចឹមនោះ ទោះបីជាខិតខំប្រើប្រាស់ផលិតផលសំអាងថ្លៃៗយ៉ាងណា ក៏មិនប្រាកដថា អាចធ្វើឲ្យ​ស្បែក​នោះមើលទៅ ស្រស់ដូចសម្រស់ពីធម្មជាតិដែរ។ មិនត្រឹមតែប៉ុណ្ណោះ គ្រឿងសំអាងទាំងនោះ​ ថែមទាំងបានផ្សំទៅ​ដោយសារធាតុធម្មជាតិដូចគ្នានោះទៀត។

មុខពោរពេញដោយមុនស្នេហ៍ របស់តារាល្បីនៅប្រទេសកូរ៉េខាងត្បូង។ (រូបថត ឯកសារ)

ក្នុងបំណងជួយកាត់បន្ថយ ការព្រួយបារម្ភរបស់នាងៗ ទស្សនាវដ្តីមនោរម្យ.អាំងហ្វូ សូមលើកពីអាហារបួនប្រភេទ​ដែលមានមុខងារជួយ បំប៉នដល់ស្បែកមុខឲ្យមានភាពស្រស់ស្អាត និងបំបាត់ភាពជ្រីវជ្រួញដូចតទៅ៖

១. ត្រីសមុទ្រ
ត្រីសមុទ្រជួយដល់ស្បែកមានភាពភ្លឺរលោង ស្រស់ថ្លា និងជំនួយដល់ការលូតលាស់ស្បែក។ ជាពិសេសត្រីដែល​សម្បួរទៅដោយជាតិខ្លាញ់ និង ប្រភេទខ្យងស្អិត។ ការកើនឡើងនៃជាតិអូមេកា៣ និងអាចជួយឲ្យស្បែកកាត់​បន្ថយការរលាក និងស្ងួត។ សារជាតិនេះ ក៏ជួយសម្រួលដល់សសៃឈាមក្នុងបេះដួង ជំងឺស្បែក។ សារធាតុស័ង្កសី​ក្នុងត្រីក៏ជួយដល់ការប្រយុទ្ធប្រឆាំងនឹងជាតិអ័រម៉ូនបណ្តាលឲ្យកើតមុន ជួយសម្រួលការរំលាយអាហារ ការផលិត​កោសិកាថ្មី និងជំរះនៅ កោសិកាចាស់ៗចេញដែលធ្វើឲ្យស្បែកមើលទៅស្រស់ស្អាត ភ្លឺរលោង និងមានជីវិតវែង។

២. កាហ្វេ
ការទទួលទានកាហ្វេមួយពែងក្នុងមួយថ្ងៃ អាចជួយកាត់បន្ថយការវិវត្តន៏នៃមហារីស្បែក។ នាពេលថ្មីៗនេះ ការសិក្សា​លើស្ត្រីលើសពី៩៣០០នាក់ បានឲ្យដឹងថា ស្រ្តីដែលផឹកកាហ្វេរាល់ថ្ងៃជួយកាត់បន្ថយការ កើតឬការវិវត្តន៏ នៃជំងឺ​មហារីកស្បែកប្រមាណ១៥ភាគរយ។ ផ្ទុយទៅវិញការផឹកកាហ្វេលើសពី៥ពែងក្នុងមួយថ្ងៃ នឹងប្រែផ្តល់ផលអាក្រក់​ទៅវិញ។ វាថែមទាំងជួយសម្លាប់កោសិកាស្បែកខូច និងស្បែកមានបញ្ហាដោយសារកាំរស្មីយូវី (UV)។
៣. ក្រួច
ក្រូចមានសារជាតិជួយដល់ស្បែកភ្លឺរលោង និងតឹងស្អាត។ នៅក្នុងក្រូចមានជាតិវីតាមីនសេ ដែលជាសារធាតុសំខាន់ ក្នុងការជួយសម្រួលដល់ស្បែកមិនឲ្យជ្រាយជ្រួញ និងមិនឲ្យកើតមុន។ ដោយសារភាពសម្បួរ​ដោយ​ជាតិវីតាមីនសេ​នេះហើយ បានជាត្រូវបានគេប្រើប្រាស់ច្រើនសម្រាប់ ក្រែម និងថ្នាំថែរក្សាសម្រស់។

៤.​ ទឹកសណ្តែក
ទឹកសណ្តែកជួយថែរក្សាស្បែកមុខ ឲ្យមានភាពស្រស់ស្អាត បំបាត់ភាពជ្រួយបានច្រើន ជួយទប់ទល់ជាតិវិទ្យុសកម្ម រស្មីស្វាយអ៊ុយត្រា ធ្វើឲ្យស្បែកមានសុខភាពល្អ ភ្លឺរលោងនិងក្មេងជាងវ័យ៕

--------------------------------------
ដោយ ក. សេងហុង (ទំនាក់ទំនង៖ [email protected]) - ភ្នំពេញ ថ្ងៃ១៧ ខែកុម្ភៈ ឆ្នាំ ២០១៤