ព្រាប កុល៖ បំរាម​របស់​រដ្ឋាភិបាល គឺ​ជា​ឧបករណ៍​រឹតត្បិត​សិទ្ធិ​ពលរដ្ឋ

រហូតមកដល់ពេលនេះ រដ្ឋាភិបាលគណបក្សប្រជាជនកម្ពុជា នៅតែមិនទាន់អនុញ្ញាត ឲ្យប្រជាពលរដ្ឋ អង្គការសង្គម​ស៊ីវិល និងគណបក្សសង្រ្គោះជាតិ មានការប្រមូលផ្តុំនៅឡើយ។ ហើយការបន្តហាមឃាត់មិនឲ្យមានការជួបជុំនេះ រដ្ឋាភិបាលគ្នានអ្វីក្រៅពីការអះអាងថា រង់ចាំដល់ស្ថានការណ៍សន្តិសុខ និងសណ្តាប់សាធារណៈ សង្គមវិលទៅរក​ភាពប្រក្រតីវិញ។
Loading...
  • ដោយ: អ៊ុំ បូរី
  • កែប្រែចុងក្រោយ: February 13, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រហូតមកដល់ពេលនេះ រដ្ឋាភិបាលគណបក្សប្រជាជនកម្ពុជា នៅតែមិនទាន់អនុញ្ញាត ឲ្យប្រជាពលរដ្ឋ អង្គការសង្គម​ស៊ីវិល និងគណបក្សសង្រ្គោះជាតិ មានការប្រមូលផ្តុំនៅឡើយ។ ហើយការបន្តហាមឃាត់មិនឲ្យមានការជួបជុំនេះ រដ្ឋាភិបាលគ្នានអ្វីក្រៅពីការអះអាងថា រង់ចាំដល់ស្ថានការណ៍សន្តិសុខ និងសណ្តាប់សាធារណៈ សង្គមវិលទៅរក​ភាពប្រក្រតីវិញ។


លោក ព្រាប កុល ប្រធានអង្គការតម្លាភាពកម្ពុជា។ (រូបថត ហ្វេសប៊ុក)

សណ្ដាប់ធ្នាប់ - សំរាប់អង្គការតម្លាភាពកម្ពុជា បានលើកឡើងថា ស្ថានភាពសង្គមកម្ពុជាបច្ចុប្បន្ន មិនមានអស្ថិរភាព ដែលរដ្ឋាភិបាលចាំបាច់ត្រូវហាមឃាត់ មិនឲ្យមានការជួបជុំនោះទេ ហើយកាលដែលរដ្ឋាភិបាល​បន្តដាក់កំហិត​មិន​ឲ្យមានការប្រមូលផ្តុំ គឺគ្រាន់តែមធ្យោបាយ ការពារមិនឲ្យមានការរិះគន់មកលើរដ្ឋាភិបាល តាមរយៈការរឹតត្បិត​សេរីភាព​បញ្ចេញមតិរបស់ប្រជាពលរដ្ឋ។

លោក ព្រាប កុល ប្រធានអង្គការតម្លាភាពកម្ពុជា បានបញ្ជាក់ប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី១២ ខែកុម្ភៈ នេះថា៖ «ការដាក់បំរាមមិនឲ្យមានការជួបជុំ នៅពេលនេះ គឺជាការរំលោភសិទ្ធិសេរីភាពប្រជាពលរដ្ឋ ដែលធានា​ដោយរដ្ឋធម្មនុញ្ញ និងជាការដើរផ្ទុយលិទ្ធិប្រជាធិបតេយ្យផងដែរ។ ប្រទេសណាក៏គេចេះរក្សាសន្តិសុខសង្គមដែរ មិនមែនមានតែប្រទេសកម្ពុជាមួយនោះទេ ហើយប្រទេសគេក៏គោរពលិទ្ធិប្រជាធិបតេយ្យដូចកម្ពុជាដែរ តែគេ​អនុញ្ញាតឲ្យមានការប្រមូលផ្តុំបញ្ចេញមតិ ចុះហេតុអ្វីកម្ពុជាត្រូវហាមឃាត់ ឬមួយកម្ពុជាទាល់តែរឹតត្បិត​សេរីភាព​ប្រជាពលរដ្ឋ ទើបសង្គមមានសន្តិសុខល្អ? ញ្ចឹងមានន័យដូចម្តេច ប្រទេសយើងដូចគេ ឬខុសគេ?»។

ជុំវិញករណីនេះទស្សនាវដ្តីមនោរម្យ.អ៊ីនហ្វូ បានព្យាយាមទាក់ទង មន្រ្តីអ្នកនាំពាក្យរដ្ឋាភិបាលកម្ពុជាលោក ផៃ ស៊ីផាន ដើម្បីធ្វើការបកស្រាយ តែមិនមានការឆ្លើយតបនៅឡើយ។ តែបើយោងលើ មជ្ឈមណ្ឌសិទ្ធិមនុស្សកម្ពុជា(CCHR) និង អង្គការសម្ព័ន្ធខ្មែរជំរឿន និងការពារសិទ្ធិមនុស្ស (Licadho) ក្នុងពេលចុងក្រោយនេះ បានលើកឡើងថា កម្ពុជានៅតែ​មានការរឹតត្បិតសេរីភាពបញ្ចេញមតិ។

គួររម្លឹកថា សមត្ថកិច្ចគ្រប់គ្រងដោយរដ្ឋាភិបាលគណបក្សប្រជាជនកម្ពុជា កាលពីដើមខែមករា ឆ្នាំ២០១៤ ក្រោម​ហេតុផលរក្សាសន្តិសុខ និងសណ្តាប់ធ្នាប់សាធារណៈ បានបង្រ្កាបយ៉ាងចាស់ដៃ លើកម្មករដែលជាបាតុករ​ទាមទារ​ប្រាក់​ឈ្នួលគោល១៦០ដុល្លារ និងការប្រមូលផ្តុំតវ៉ាទាក់ទងនឹងលទ្ធផលបោះឆ្នោត របស់គណបក្សសង្រ្គោះជាតិ។ ក្រោយការបោសសំអាតបាតុកម្មទាំងនោះ សាលារាជធានីភ្នំពេញ និងក្រសួងមហាផ្ទៃ បានដាក់កំហិតមិនឲ្យ​មាន​ការប្រមូលផ្តុំជាថ្មីនោះទេ រហូតមកដល់ពេលនេះ៕

--------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី១២ ខែកុម្ភៈ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...