ជា មុន្នី៖ ចាប់​ឃាតករ​លើ ជា វិជ្ជា មិន​បាន​ផង ហេតុអ្វី​ហែ​ក្បួន​មិន​បាន?

បើទោះជាសាលារាជធានីភ្នំពេញ ដោយសំអាងលើហេតុផលសន្តិសុខ និងសណ្តាប់ធ្នាប់សាធារណៈ បានកំណត់​ឲ្យ​សហជីពសេរីកម្មកររបស់លោក ជា មុន្នី ត្រឹមការជួបជុំមុខរូបសំណាកលោក ជា វិជ្ជា ហើយមិនអនុញ្ញាតឲ្យ​មាន​ការ​ហែក្បួនក៏ដោយ ក៏សហជីពសេរីកម្មកររបស់លោក ជា មុន្នី នៅតែប្រកាន់ជំហរថានឹងដឹកនាំឲ្យមានការហែរក្បួន នៅ​ថ្ងៃទី២២ ខែមករា ឆ្នាំ២០១៤ ដើម្បីទាមទាររកយុត្តិធម៌ ព្រោះរហូតមកដល់ពេលនេះ ឃាតករដែលបាញ់សម្លាប់​លោក ជា វិជ្ជា នៅតែមិនទាន់ត្រូវបានវែកមុខ។
Loading...
  • ដោយ: អ៊ុំ បូរី
  • កែប្រែចុងក្រោយ: January 22, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បើទោះជាសាលារាជធានីភ្នំពេញ ដោយសំអាងលើហេតុផលសន្តិសុខ និងសណ្តាប់ធ្នាប់សាធារណៈ បានកំណត់​ឲ្យ​សហជីពសេរីកម្មកររបស់លោក ជា មុន្នី ត្រឹមការជួបជុំមុខរូបសំណាកលោក ជា វិជ្ជា ហើយមិនអនុញ្ញាតឲ្យ​មាន​ការ​ហែក្បួនក៏ដោយ ក៏សហជីពសេរីកម្មកររបស់លោក ជា មុន្នី នៅតែប្រកាន់ជំហរថានឹងដឹកនាំឲ្យមានការហែរក្បួន នៅ​ថ្ងៃទី២២ ខែមករា ឆ្នាំ២០១៤ ដើម្បីទាមទាររកយុត្តិធម៌ ព្រោះរហូតមកដល់ពេលនេះ ឃាតករដែលបាញ់សម្លាប់​លោក ជា វិជ្ជា នៅតែមិនទាន់ត្រូវបានវែកមុខ។


លោក ជា មុន្នី ប្រធានសហជីពសេរីកម្មករ។ (រូបថត សហការី)

បាតុកម្មបញ្ចេញមតិ -​ ក្នុងកិច្ចសម្ភាសជាមួយទស្សនាវដ្តីមនោរម្យព័ងអាំងហ្វូនៅថ្ងៃទី២១ ខែមករា ឆ្នាំ២០១៤ នេះ លោក ជា មុន្នី ប្រធានសហជីពសេរីកម្មករ បានលើកឡើងថា គ្នានអ្វីប្រែប្រួលនោះទេ បើទោះជាសាលារាជធានី​ភ្នំពេញ បាន​ហាម​ឃាត់ក៏ដោយ គឺថាសហជីពសេរីកម្មករនឹងធ្វើការហែក្បួននៅថ្ងៃទី២២ ខែមករា ឆ្នាំ២០១៤ ដើម្បី​ជាការរម្លឹកខួប​លើក​ទី១០ដល់វិញណខណ្ឌលោក ជា វិជ្ជា។ ប្រធានសហជីពសេរីកម្មករដដែលនេះ លើកជាចម្ងល់ថា ការហែក្បួននេះ​បានធ្វើជាបន្តបន្ទាប់ អស់រយៈពេល៩ឆ្នាំជាប់គ្នាជាបន្តបន្ទាប់ ហើយក៏មិនដែលមានបញ្ហាអ្វីដែរ ចុះ​ហេតុអ្វីសាលា​រាជធានីភ្នំពេញ ត្រូវហាមឃាត់ក្នុងឆ្នាំនេះ?

នៅពេលសូរថា តើលោកមានការព្រួយបារម្ភពីការប៉ះទង្គិចគ្នា រវាងអ្នកហែក្បួន និងកម្លាំងសមត្ថកិច្ចឬទេ ក្នុងពេល​ដែលសាលារាជធានីភ្នពេញមិនអនុញាតឲ្យមានការហែក្បួន ? លោក ជា មុន្នី ឆ្លើយបញ្ជាក់ថា៖ «កុំឲ្យតែពួកគាត់ (កម្លាំងសមត្ថកិច្ច) យកអាដែកអីនោះមកបានហើយ យើងហែរ ៩ឆ្នាំហើយ អត់ដែលអីទេ (...)។ ខ្ញុំអត់ខុសអី ខ្ញុំអត់​ខ្លាច ហើយខ្ញុំក៏អត់បានក្បត់ជាតិដែរ ចុះអ្នកបាញ់ ជា វិជ្ជា មិនទាន់រកឃើញផង ហេតុអីមករករឿងខ្ញុំ ?»

ចំពោះការលើកឡើងរបស់លោក ជា មុន្នី ត្រូវបានលោក ឡុង ឌីម៉ង់ មន្រ្តីអ្នកនាំពាក្សសាលារាជធានីភ្នំពេញ នៅថ្ងៃ​ទី២១ ខែមករា ឆ្នាំ២០១៤ នេះ តាមរយៈកិច្ចសម្ភាសជាមួយ ទស្សនាវដ្តីមនោរម្យព័ងអាំងហ្វូ បានលើកឡើងថា វា​ជាទង្វើដែលបំពានបទបញ្ជាសាលាក្រុងភ្នំពេញ កាលដែលសហជីពសេរីកម្មកររបស់លោក ជា មុន្នី ជម្នះដឹកនាំ​ឲ្យ​មាន​ការហែក្បួន ព្រោះសាលារាជធានីភ្នំពេញបានជូនដំណឹង និងពិភាក្សាជាមួយគ្នារួចហើយ ថាមិនអនុញាតឲ្យ​មានការ​ហែក្បួនទេ។

«យើងនឹងចាំមើលទាំងអស់គ្នា!»

ជាមួយគ្នានេះ នៅពេលទស្សនាវដ្តីមនោរម្យព័ងអាំងហ្វូសួរថា តើសាលារាជធានីភ្នំពេញនឹងចាត់វិធានការដូចម្តេច ប្រសិនបើសហជីពរបស់លោក ជា មុន្នី ពិតជាដឹកនាំការហែក្បួន? លោក ឡុង ឌីម៉ង់ ឆ្លើយបញ្ជាក់ថា៖ «យើងអត់​ឲ្យហែ យើងបានចេញលិខិត យើងបានអញ្ជើញគាត់មកប្រាប់រួចហើយ(...)។ បើគាត់ហែល្មើសនឹងបញ្ញត្តិសាលា​ក្រុង យើងនឹងចាំមើលទាំងអស់គ្នា៕»

--------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី២១ ខែមករា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...