អ៊ូ វីរះ៖ ភាគី​កម្មករ​និង​ថៅកែ គួរ​ជួប​ចចារ​គ្នា វាល្អជាង

ការបរាជ័យនៃជំនួប រវាងភាគីពាក់ព័ន្ធដើម្បីឈានទៅរកតម្លើតប្រាក់ខែ កាលពីថ្ងៃទី៣០ ខែធ្នូ ឆ្នាំ២០១៣ ត្រូវបាន​គេលើកមកនិយាយថា ដោយសារតែក្រុមតំណាងភាគីថៅកែរោងចក្រ នៅកម្ពុជា ដែលហៅកាត់ថា GMAC បាន​បដិសេធមិនចូលរួមប្រជុំ ក្នុងមូលហេតុដាក់ការទទួលខុសត្រូវ ទៅលើបាតុកម្ម-កូដកម្ម ដឹកនាំដោយ​សហជីពកម្មករ​ទាំង៦។ សម្រាប់អ្នកតាមដានស្ថានការណ៍សង្គមដ៏រំជើបរំជួលនេះ បានលើកឡើងថា គ្រប់ភាគីគួរតែជួបគ្នាវិញ ប្រសើរជាងការចោទប្រកាន់គ្នា ហើយទុកឲ្យបញ្ហានៅបន្តយ៉ាងដូច្នេះ។
Loading...
  • ដោយ: ប្រាថ្នា
  • កែប្រែចុងក្រោយ: December 31, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ការបរាជ័យនៃជំនួប រវាងភាគីពាក់ព័ន្ធដើម្បីឈានទៅរកតម្លើតប្រាក់ខែ កាលពីថ្ងៃទី៣០ ខែធ្នូ ឆ្នាំ២០១៣ ត្រូវបាន​គេលើកមកនិយាយថា ដោយសារតែក្រុមតំណាងភាគីថៅកែរោងចក្រ នៅកម្ពុជា ដែលហៅកាត់ថា GMAC បាន​បដិសេធមិនចូលរួមប្រជុំ ក្នុងមូលហេតុដាក់ការទទួលខុសត្រូវ ទៅលើបាតុកម្ម-កូដកម្ម ដឹកនាំដោយ​សហជីពកម្មករ​ទាំង៦។ សម្រាប់អ្នកតាមដានស្ថានការណ៍សង្គមដ៏រំជើបរំជួលនេះ បានលើកឡើងថា  គ្រប់ភាគីគួរតែជួបគ្នាវិញ ប្រសើរជាងការចោទប្រកាន់គ្នា ហើយទុកឲ្យបញ្ហានៅបន្តយ៉ាងដូច្នេះ។


ក្រុមបាតុកររបស់កម្មករ នៅមុខក្រសួងការងារ ផ្លូវសហព័ន្ធរូស្ស៊ី ថ្ងៃទី៣០ខែធ្នូឆ្នាំ២០១៣។ (រូបថត MONOROOM.infO/ O.Vary)

ប្រាក់ខែកម្មករ - បើទោះបីមានការសម្របសម្រួលពីក្រសួងក៏ដោយក្តី ក៏ភាគីខាងសមាគមរោងចក្រកាត់ដេរ​នៅ​កម្ពុជា ដែលតំណាងឲ្យក្រុមវិនិយោគិន បានបដិសេធក្នុងការ មិនចូលក្នុងការពិភាក្សាជាមួយ​តំណាងសហជីប​ទាំង​ប្រាំមួយឡើយ ដូចដែលសមាគមនេះបានចេញលិខិតបើកចំហមួយកាលពីថ្ងៃទី២៩ ខែធ្នូ ឆ្នាំ១០១៣ ។ ក្នុង​លិខិត​នេះដែរមានបំណងអោយ សហជីពកម្មករទាំងប្រាំមួយទទួលខុសត្រូវទាំងស្រុង លើការខាតបង់របស់រោងចក្រ​ដូច​ជា ទទួលរងការដាក់ទោសទណ្ឌ និងការផាកពិន័យពីអ្នកបញ្ជាទិញ ខូចខាតទ្រព្យសម្បត្តិរោងចក្រ និងទទួល​ខុស​ត្រូវ​លើការបាត់ការងារ និងការបាត់បង់អ្នកវិនិយោគនៅកម្ពុជា។

ចំពោះការមិនចូលមិនចូលរួម ជូបពិភាក្សារបស់តំណាងវិនិយោជកនេះ លោក អ៊ូ វីរៈ ប្រធានមជ្ឈមណ្ឌលសិទ្ធិ​មនុស្សកម្ពុជា បានបកស្រាយថា «វាជាសិទ្ធិរបស់គាត់ គាត់មិនចង់ចូលរួមចចារក៏បាន វាគ្មានអីមកតម្រូវនោះទេ។ ក្នុងប្រទេសកម្ពុជា ជាប្រទេសប្រកាន់របបទីផ្សារសេរី និយោជក ក៏មានសិទ្ធ សហជីបក៏មានសិទ្ធិ ចង់ចូលរួម ឬ​មិន​ចូលរួមជាសិទ្ធិរបស់គេ»។ លោកបន្ថែមថា «ការអវត្តមានរបស់វិនិយោគិន វាក៏មិនផ្តល់ផលប៉ះពាល់អ្វីធ្ងន់ធ្ងរដែរ ព្រោះខាងរដ្ឋាភិបាល ជាអ្នកសម្រេចលើរឿងប្រាក់ខែ»។

ក្នុងការចរចារមួយដែលទទួលបាននូវជោគជ័យ អាស្រ័យទៅលើការជួបពិភាក្សាគ្នា រវាងភាគីដែលពាក់ព័ន្ធ ក្នុង​បញ្ហានេះលោក អ៊ូ វីរៈទទួលស្គាល់ថា «ប្រសិនបើភាគីទាំងនោះ បានជួបចចារគ្នាវាល្អជាង ដែលជាទូទៅ​បើមាន​ការជួបជជែកគ្នា វាអាចឈានទៅរកការយល់ស្របណាមួយ ដែលអាចទទួលបានផលប្រយោជន៍»។

អវត្តមាន របស់សមាគមរោងចក្រកាត់ដេរនៅកម្ពុជា ដែលជាតំណាងឲ្យភាគីថៅកែរោងចក្រ  បានបង្កឲ្យជំនួប​ចាចារក្នុងថ្ងៃទី ៣០ ធ្នូ ដើម្បីស្វែងរកលទ្ធភាព តម្លើងប្រាក់ខែឲ្យកម្មករដល់១៦០ដុល្លានោះ ជួបបរាជ័យ។ អ្វីដែល​ធ្វើឲ្យសភាពការណ៍នៅតែតានតឹងដដែលនោះ គឺសហជីបកម្មករទាំងនេះ បានប្រកាសដឹកនាំបាតុកម្ម-កូដកម្ម​ជា​បន្តទៀត។

ពាក់ព័ន្ធនឹងធ្វើបាតុកម្មនេះ លោក ស្រី ចន្ធី ប្រធានសមាគមសេដ្ឋកិច្ចកម្ពុជា ធ្លាប់បានអោយដឹងថា «ប្រសិន​បើ​កម្មករគ្រប់រោងចក្រ មិនចូលធ្វើការរយៈពេលវែងនោះ ប្រាកដជាមានបញ្ហាដល់សេដ្ឋកិច្ចកម្ពុជា ព្រោះសេដ្ឋកិច្ច​កម្ពុជាមួយភាគធំ គឺពឹងផ្អែកឧស្សាកម្មកាត់ដេរ ម្យ៉ងទៀត ទាំងកម្មករ និងរោងចក្រក៏ជួបនូវបញ្ហា​សេដ្ឋកិច្ចដូចគ្នា​ដែរ»។ ចំនុចនេះ លោកអ៊ូ វីរៈក៏ទទួលស្គាល់ដែរថា «បើមិនដោះស្រាយបញ្ហានេះទេ វានឹងប៉ះពាល់ សេដ្ឋកិច្ច និង​ជីវិតកម្មកររាប់សែននាក់»៕

----------------------------------------
ដោយ ៖ ក. ចាន់នីតា - ភ្នំពេញ ថ្ងៃទី៣០ ខែធ្នូ ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...