ព្រីមែលីក៖ មើល​អ្នក​ជំនាញ​ព្យាករណ៏​ក្រុម​ខ្លាំងៗ នៅ​រដូវ​កាល​ថ្មី

ចង់ដឹងថាអ្នកជំនាញខាងកីឡាបាល់ទាត់ឆ្នើមៗ ប្រចាំនៅស្ថានីយទូរទស្សន៏ ឬកាសែតធំៗ នៅប្រទេសអង់គ្លេស ធ្វើការព្យាករណ៏ពីក្រុមខ្លាំងៗ នៅក្នុងក្របខ័ណ្ឌព្រីមែលីករដូវកាលថ្មីនេះយ៉ាងណាខ្លះនោះ សូមមើលនូវទស្សនៈ របស់គាត់ទាំងអស់។
Loading...
  • ដោយ: វិន ជីវ័ន្ត
  • កែប្រែចុងក្រោយ: August 17, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ចង់ដឹងថាអ្នកជំនាញ ខាងកីឡាបាល់ទាត់ឆ្នើមៗ ប្រចាំនៅស្ថានីយទូរទស្សន៏ ឬកាសែតធំៗ នៅប្រទេសអង់គ្លេស ធ្វើការ​ព្យាករណ៏ពីក្រុមខ្លាំងៗ នៅក្នុងក្របខ័ណ្ឌព្រីមែលីក រដូវកាលថ្មីនេះយ៉ាងណាខ្លះនោះ សូមមើលនូវទស្សនៈរបស់​គាត់​ទាំងអស់ ខាងក្រោមដូចតទៅ៖


លោក សឺ អាឡិច ហ្វឺគើសិន អតីតគ្រូបង្វឹករបស់ក្រុមមែនឆេស្ទើ យូណាយធីត នៅពេលលើកពានព្រីមែលីក ឆ្នាំ២០១២។

១. ជេមី ខារ៉ាហ្គឺ (Jamie Carragher)
អតីតកីឡាករខ្សែការពារឆ្នើមរបស់ក្រុម លីវើភូល (Liverpool) ដែលទើបតែប្រកាសចូលនិវត្តន៏កាលពីរដូវកាលមុន និង​ក្លាយខ្លួនជាអ្នកវិភាគកីឡាបាល់ទាត់នោះ បានព្យាករណ៏ថា៖ ក្រុមតោខៀវឆែលស៊ី (Chelsea) នឹងក្លាយជា​ម្ចាស់​ជើង​ឯក ខណៈដែលក្រុមកំពូលៗទាំង៤ នឹងមានក្រុម៖ ១. ឆែលស៊ី, ២. ម៉ែនស៊ីធី (Manchester City), ៣. ម៉ែនញូ (Manchester United), ៤. អាសឺណល (Arsenal)។

ចំពោះអតីតក្រុមរបស់គាត់ លីវើភូលវិញ គាត់បាននិយាយថា ដំណែងកំពូលទាំង៤អាចនឹង ពិបាកប្រជែងជាមួយ​ក្រុម​គេណាស់ លុះត្រាតែក្លិបអាចទិញចូលខ្សែបម្រើឆ្នើម១ ឬ២រូបទៀត ទើបអាចប្រជែងជាមួយគេបាន។

២. ម៉ាទីន ឃេអូន (Martin Keown)
អតីតខ្សែការពារក្រុមកាំភ្លើងធំ អាសឺណល វ័យ៤៧ឆ្នាំរូបនេះ ក៏បានព្យាករណ៏ថា ក្រុមឆែលស៊ី នឹងក្លាយជា​ម្ចាស់ជើង​ឯក​ដែរ បន្ទាប់ពីការវិលត្រឡប់របស់លោកគ្រូបង្វឹក ជូសេ ម៉ូរីញ៉ូ (Jose Mourinho)។ រីឯចំណាត់ថ្នាក់កំពូលទាំង៤ គាត់ក៏​ព្យាករណ៏ដូចនឹងលោកជេមី ខារ៉ាហ្គឺដែរ ដែលបានទៅលើក្រុម៖ ១. ឆែលស៊ី, ២. ម៉ែនស៊ីធី, ៣. ម៉ែនញូ, ៤. អាសឺណល។

៣. ដូមីណិក ឃីង (Dominic King)
អ្នកវិភាគបាល់ទាត់ជើងចាស់ ប្រចាំនៅកាសែត ដៀលីម៉ែល (Daily Mail) បានធ្វើការព្យាករណ៏មួយបែបផ្សេងទៀតថា ក្រុមមេឃខៀវ ម៉ែនស៊ីធី នឹងក្លាយជាក្រុមម្ចាស់ជើងឯកនៅរដូវកាលថ្មីនេះ ដោយសារតែការទិញចូលកីឡាករបានល្អៗ នៅរដូវក្តៅនេះ ហើយមានគ្រូបង្វឹកថ្មី ដែលពោរពេញទៅដោយបទពិសោធន៏ថែមទៀត។ រីឯក្រុមដែលបញ្ចប់ចំណាត់​ថ្នាក់​កំពូលទាំង៤ លោកបានព្យាករណ៏ថា៖ ១. ម៉ែនស៊ីធី, ២. ឆែលស៊ី, ៣. ម៉ែនញូ, ៤. ទតិនហេម (Tottenham)។

៤. អាឡិច ឃេ (Alex Kay)
អ្នកនិពន្ធ និងជាអ្នកវិភាគកីឡាបាល់ទាត់នៅកាសែត ដៀលីម៉ែលម្នាក់ដែរ ក៏បានព្យាករណ៏ថា ក្រុមមែនស៊ីធី នឹងក្លាយ​ជា​ម្ចាស់ជើងឯកព្រីមែលីកដែរ ដោយសារតែក្រុមមានកីឡាករល្អៗ ស្រាប់កាលពីរដូវកាលមុន ហើយបានបន្ថែម​កីឡាករ​កំពូលៗបន្ថែមទៀត នៅរដូវកាលថ្មីនេះ។ រីឯក្រុមដែលទទួលបានដំណែងកំពូលទាំង៤ លោកព្យាករណ៏ថា៖ ១. ម៉ែនស៊ីធី, ២. ឆែលស៊ី, ៣. ម៉ែនញូ, ៤. អាសឺណល។

៥. ស៊ីម៉ុន ខាស (Simon Cass)
អ្នកជំនាញខាងនិពន្ធអត្ថបទ និងវិភាគបាល់ទាត់នៅកាសែត ដៀលីម៉ែលរូបនេះ បានព្យាករណ៏ខុសពីគេស្រឡះ ដោយ​គាត់មានជំនឿថា ក្រុមបីសាចក្រហម ម៉ែនញូ នឹងនៅតែជាម្ចាស់ជើងឯកដដែល ព្រោះតែពួកគេនៅរក្សាទម្រង់​ល្អទាំង​អស់​ដដែល ដូចកាលពីរដូវកាលមុន ខណៈដែលគ្រូបង្វឹកថ្មី លោកដេវីដ ម៉យ (David Moyes) ក៏ជាគ្រូបង្វឹកដ៏អស្ចារ្យម្នាក់ដែរ។ រីឯចំណាត់ថ្នាក់កំពូលទាំង៤ លោកបានព្យាករណ៏ថា៖ ១. ម៉ែនញូ, ២. ឆែលស៊ី, ៣. ម៉ែនស៊ីធី, ៤. ទតិនហេម។

គួររំឮកថា បាល់ទាត់កំពូលរបស់អង់គ្លេស ព្រីមែលីកនឹងបើកឆាកការប្រកួតរដូវកាលថ្មី នៅរាត្រីថ្ងៃសៅរ៏នេះហើយ ដោយ​ក្រុមហង្សក្រហម លីវើភូល នឹងបើកទ្វារកីឡាដ្ឋានមុនគេ ដើម្បីស្វាគមន៏ក្រុមភ្ញៀវ ស្តូកស៊ីធី (Stoke City) នៅវេលាម៉ោង ០៦៖៤៥នាទីយប់ (កម្ពុជា)។ ចុះចំណែកប្រិយមិត្តវិញគិតថា តើក្រុមណានឹងលើកពាននៅរដូវកាលថ្មីនេះ?

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៧ ខែសីហា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...