ប៉ូឡូញ៖ រក​ឃើញ​«ផ្នូរ»​របស់​ខ្មោច​ជញ្ជក់​ឈាម

អ្នកបូរាណវិទូ បានរកឃើញកាលពីពេលថ្មីៗនេះ នៅក្នុងប្រទេសប៉ូឡូញ គ្រោងឆ្អឺងដាក់ក្បាលជាច្រើន ដែលមានឆ្អឹងក្បាលដាក់នៅពីលើជើង។ ការរៀបបញ្ចុះសាកសពរបៀបនេះ អាចជាសាកសពរបស់មនុស្ស ដែលត្រូវបានគេចោទប្រកាន់ថាជា«ខ្មោចជញ្ជក់ឈាម»។
Loading...
  • ដោយ: កេសរ កូល
  • កែប្រែចុងក្រោយ: July 19, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អ្នកបូរាណវិទូ បានរកឃើញកាលពីពេលថ្មីៗនេះ នៅក្នុងប្រទេសប៉ូឡូញ គ្រោងឆ្អឺងដាក់ក្បាលជាច្រើន ដែលមានឆ្អឹងក្បាល​ដាក់នៅពីលើជើង។ ការរៀបបញ្ចុះសាកសពរបៀបនេះ អាចជាសាកសពរបស់មនុស្ស ដែលត្រូវបានគេចោទប្រកាន់ថា​ជា​«ខ្មោចជញ្ជក់ឈាម»។


រូបលាលាដ៍ក្បាលដែលមានដុំឥដ្ឋញ៉ាត់ក្នុងមាត់ ដើម្បីបង្ក្រាបខ្មោចជញ្ជក់ឈាម ត្រូវបានរកឃើញ នៅជិតទិក្រុងវើនីស​ប្រទេសអ៊ីតាលី។

កាសែតរបស់អង់គ្លេស ឌឺតេលេហ្គ្រាហ្វ (The Telegraph) បានរាយការណ៍ថា គ្រោងឆ្អឺងទាំងនោះ ត្រូវបានក្រុមអ្នក​វិទ្យាសាស្ត្ររកឃើញ នៅក្នុងតំបន់កំណាយបូរាណវត្ថុមួយ ដែលជាផ្លូវធ្វើដំណើរនៅក្បែរទីក្រុងតូចមួយ ឈ្មោះគ្លីវីស (Gliwice) ផ្នែកខាងត្បូងនៃប្រទេសប៉ូឡូញ។ ការរៀបបញ្ចុះរបៀបនេះ បានបង្ហាញថាជនដែលស្លាប់ក្នុងសម័យនោះ ត្រូវបានគេចោទប្រកាន់ថា ជា«ខ្មោចជញ្ជក់ឈាម» ហើយត្រូវបានគេសម្លាប់តាមបែបជំនឿពិសេសមួយ ដើម្បីធានាថា​ជនទាំងនោះពិតជាស្លាប់មែន។

បែបផែនពីរយ៉ាង ត្រូវបានគេរកឃើញទាក់ទងនឹងការប្រហារជីវិតនេះ។ អាចថា ជនទាំងនេះត្រូវបានគេកាត់កភ្លាមៗ ឬ​ម្យ៉ាងទៀត ត្រូវបានគេព្យួរករ ហើយគេត្រូវចាំរហូតដល់សាកសពរលួយអស់ ហើយក្បាលជ្រុះពីស្មា។ តែទោះជាយ៉ាង​ណាក៏ដោយ ក៏ក្បាលត្រូវបានគេយកមកដាក់ពីលើជើង នៃសាកសពទាំងមូលវិញ ដោយសង្ឃឺមថាជនដែលស្លាប់ទៅនេះ មិនអាចរកក្បាលខ្លួនឯងឃើញ និងមិនអាចងើបមកវិញបាន។

ប៉ុន្តែបញ្ហាដែលគេចង់ដឹងថា ផ្នូរខ្មោចទាំងនេះ មានរយៈកាលតាំងពីសម័យកាលណាមកនោះ នៅមិនទាន់អាចរក​ឃើញ​នៅឡើយ។ បូរាណវិទូមួយរូប បាននិយាយថាគ្រោងឆ្អឺងទាំងនោះ ត្រូវ​បានរកឃើញដោយគ្មានវត្ថុមានតម្លៃ គ្មានក្បាល​ខ្សែក្រវាត់ គ្មានឡេវ និងគ្មានអ្វីផ្សេងទៀតទាំងអស់ ដែលអាចឲ្យគេកំណត់បាន ពីពេលវេលានៃថ្ងៃបញ្ចុះរបស់​អ្នកដែល​ស្លាប់។

កាលពីឆ្នាំ២០១០ ក្រុមអ្នកបូរាណវិទូអ៊ីតាលី ក៏បានរកឃើញប្រហាក់ប្រហែលគ្នានេះដែរ នៅលើកោះមួយកណ្ដាលសមុទ្រ​ក្បែរទីក្រុងវើនីស នូវគ្រោងឆ្អឹងរបស់ស្ត្រីម្នាក់អាយុប្រមាណជា៦០ឆ្នាំ ដែលធ្លាប់មានជីវិតរស់នៅក្នុងអំឡុងសតវត្សទី១៦។ អ្វីដែលពិសេសនោះ ដុំឥដ្ឋមួយដុំត្រូវបានគេញាត់ចូល ទៅក្នុងមាត់នៃគ្រោងឆ្អឺងរបស់ស្ត្រីនោះ ដែលអ្នកបូរាណវិទូ​និយាយ​ថា វាជាធ្វើយុទ្ធសិល្ប៍បង្ក្រាប«ខ្មោចជញ្ជក់ឈាម»៕

--------------------------------------------------
ដោយ ៖ កេសរកូល - ភ្នំពេញ ថ្ងៃទី១៨ ខែកក្កដា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...