ទូរស័ព្ទ​ដៃ​អេចធីស៊ីវ័ន ប្រកាស​ចេញ​ពណ៌​«ក្រហម​ស្រស់» ១​ពណ៌​ទៀត

ក្រុមហ៊ុនអេចធីស៊ី (HTC) បានប្រកាសចេញនូវទូរស័ព្ទដៃអេចធីស៊ីវ័ន (HTC One) ពណ៌ក្រហមស្រស់ (Glamour Red) មួយពណ៌ទៀត ដើម្បីផ្តល់ជូនដល់អតិថិជន នូវជម្រើសច្រើនយ៉ាង ខណៈដែលការប្រកាសចេញ អេចធីស៊ីវ័នជាផ្លូវការ​លើកដំបូង មានចំនួន៣ពណ៌ ពោលគឺមានពណ៌ស, ទឹកប្រាក់ និងពណ៌ខ្មៅ។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 28, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រុមហ៊ុនអេចធីស៊ី (HTC) បានប្រកាសចេញនូវទូរស័ព្ទដៃអេចធីស៊ីវ័ន (HTC One) ពណ៌ក្រហមស្រស់ (Glamour Red) មួយពណ៌ទៀត ដើម្បីផ្តល់ជូនដល់អតិថិជន នូវជម្រើសច្រើនយ៉ាង ខណៈដែលការប្រកាសចេញ អេចធីស៊ីវ័នជាផ្លូវការ​លើកដំបូង មានចំនួន៣ពណ៌ ពោលគឺមានពណ៌ស, ទឹកប្រាក់ និងពណ៌ខ្មៅ។


អេចធីស៊ីវ័ន (HTC One) ពណ៌ក្រហមស្រស់ (Glamour Red)។ (រូបថត ក្រុមហ៊ុន)

ក្រៅពីមានភាពខុសប្លែកគ្នាត្រង់ពណ៌ អ្វីផ្សេងៗមានលក្ខណៈដូចគ្នាទាំងអស់ ដែលលក្ខណៈសម្បត្តិទាំងនោះ មាន​ដូច​ជា៖

• អេក្រង់៖ ៤.៧អ៊ីញ ចុចលើអេក្រង់ ទំហំ១០៨០ភិចស្យ៊ែល
• ម៉ាស៊ីន៖ ១.៧ជីហ្គាអែក ប្រភេទ Qualcomm Snapdragon 600 quad-core
• អង់ចងចាំ៖ ២ជីហ្គាបៃ
• អាចផ្ទុកបាន៖ ៣២ជីហ្គាបៃ
• ទម្ងន់៖ ១៤៣ក្រាម
• វិមាត្រ៖ ១៣៧.៤ X ៦៨.២ X ៩.៣មីលីម៉ែត្រ
• កាមេរ៉ាទំហំ៖ ៤ម៉េហ្គាភិចស្យ៊ែល អាចចាប់រូបភាពបានទំហំធំបំផុត ២៦៨៨ X ១៥២០ភិចស្យ៊ែល
• កាមេរ៉ាមុខ៖ ២.១ម៉េហ្គាភិចស្យ៊ែល ចាប់រូបភាពបានទំហំ ១០៨០ភិចស្យ៊ែល
• ប្រព័ន្ធដំណើរការ៖ អេនដ្រយ ជេលីប៊ីន ៤.១.២ (Android OS, v4.1.2 Jelly Bean)

ប្រធានក្រុមហ៊ុនអេចធីស៊ី ប្រចាំនៅតំបន់អ៊ឺរ៉ុប និងតំបន់អាស៊ី លោកហ្វីលីប ប្លៀរ (Philip Blair) បាននិយាយថា៖ «យើង​តែងតែខិតខំប្រឹងប្រែងបំផុត ធ្វើយ៉ាងណាដើម្បីផ្តល់ជូនដល់អតិថិជន នូវជម្រើសកាន់តែសម្បូរបែប ហើយយើងផ្តោត​សំខាន់បំផុតទៅលើទូរស័ព្ទដៃ។»

លោកបន្តថា៖ «ទូរស័ព្ទដៃស៊េរីទំនើប អេចធីស៊ីវ័ន ពណ៌ក្រហមថ្មីនេះ នឹងកាន់តែមានឥទ្ធពលបន្ថែមទៀត ហើយនឹង​ទទួលបានភាពទាក់ទាញខ្ពស់ ដោយសារតែពណ៌របស់វាស្រស់ឆើតឆាយ។ ជាពិសេសវានាំមកជាមួយ នូវការរចនាម៉ូដ​ដ៏ទាន់សម័យ និងមានគុណភាពល្អ។»

ទូរស័ព្ទដៃអេចធីស៊ីវ័ន ពណ៌ក្រហមស្រស់នេះ នឹងចរាចរណ៏លើទីផ្សារប្រទេសអង់គ្លេសដំបូងគេ នៅពាក់កណ្តាលខែ​កក្កដាខាងមុខនេះ។ ប៉ុន្តែចំពោះតម្លៃរបស់វា ក្រុមហ៊ុនពុំទាន់បង្ហាញនៅឡើយទេ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២៨ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...