ត្រូវ​មួយ​ស្ន​តាម​មាត់​ធ្លាយ​ទៅ​កញ្ចឹង​ក តែ​មិន​ស្លាប់

ស្ត្រីជនជាតិប្រេស៊ីលម្នាក់អាយុ២៨ឆ្នាំ បានរងគ្រោះដោយចៃដន្យ នូវស្នចាក់ត្រីក្នុងទឹក ដែលបាញ់ចូលតាមមាត់ ហើយ​ធ្លាយទៅកញ្ចឹងក។ ស្នបាននៅបៀមជាប់ រហូតដល់ក្រុមគ្រូពេទ្រដកចេញ តែអ្វីដែលចម្លែក ស្ត្រីរងគ្រោះបានចាប់ផ្ដើម​ជា​សះធម្មតា​ឡើងវិញ ហាក់ដូចជាគ្មានរឿងអ្វីកើតឡើងចំពោះរូបនាងសោះ។
Loading...
  • ដោយ: ឈូករ័ត្ន
  • កែប្រែចុងក្រោយ: May 12, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ស្ត្រីជនជាតិប្រេស៊ីលម្នាក់អាយុ២៨ឆ្នាំ បានរងគ្រោះដោយចៃដន្យ នូវស្នចាក់ត្រីក្នុងទឹក ដែលបាញ់ចូលតាមមាត់ ហើយ​ធ្លាយទៅកញ្ចឹងក។ ស្នបាននៅបៀមជាប់ រហូតដល់ក្រុមគ្រូពេទ្យដកចេញ តែអ្វីដែលចម្លែក ស្ត្រីរងគ្រោះបានចាប់ផ្ដើម​ជា​សះធម្មតា​ឡើងវិញ ហាក់ដូចជាគ្មានរឿងអ្វីកើតឡើងចំពោះរូបនាងសោះ។


រូបថតឆ្លុះកាំរស្មី នៅមុនការវះកាត់ទាញស្នចេញ។

នាង អេលីហ្សានជឺឡា ប៊ប៉ូរ៉េមា រ៉ូហ្សា (Elisangela Borborema Rosa) បានទទួលរងគ្រោះនឹងស្ននេះ កាលពីថ្ងៃអង្គារ នៅ​ផ្ទះរបស់នាងក្នុងទីក្រុងទេសចរណ៍នៅតាមមាត់សមុទ្រ អារ៉ាអ៊ីអាល ដូ កាបូ (Arraial do Cabo)។ ស្ននេះត្រូវបាន​បាញ់​ចេញទៅដោយចៃដន្យ នៅពេលដែលស្វាមីរបស់នាងកំពុងលាងសម្អាតសម្ភារះរបស់គាត់ សម្រាប់ចាប់ត្រីនៅក្នុងទឹក។

គ្រូពេទ្រទទួលបន្ទុកវះកាត់ យកស្ននេះចេញពីអេលីហ្សានជឺឡា បានថ្លែងប្រាប់អ្នកសារព័ត៌មានថា «យើងអាចនិយាយថា នាងបានរស់ឡើងវិញម្ដងទៀត។ នាងមានសំណាងខ្លាំងសម្បើមណាស់ ព្រោះមានបន្ដុំសសៃជាច្រើន នៅលើនឹង​កញ្ចឹង​កនោះ។ គេត្រូវមានគម្រោងច្បាស់លាស់ ដើម្បីដកស្ននេះចេញ ពីមាត់និងនិងពីឆ្អឹងកន្លើត។»


នាង អេលីហ្សានជឺឡា ពេលនាងមិនទាន់មានគ្រោះថ្នាក់។

ខុសតែប៉ុន្មានមីលីម៉ែត្រប៉ុណ្ណោះ

«អាវុធស្នបានឆ្លងកាត់ គល់អណ្ដាត និងបានបំបាក់ធ្មេញថ្គាមរបស់នាងចំនួនពីរ ហើយបានរត់ទៅសម្ងំ ក្នុងឆ្អឹងសន្លាក់ក​​ ទីមួយ ដោយជៀសតែប៉ុន្មានមីលីម៉ែត្រប៉ុណ្ណោះ ពីកន្លែងដែលអាចឲ្យនាងពិការមួយជីវិត ឬអាចឲ្យនាងស្លាប់» គ្រូពេទ្យ​ជំនាញ ក៏បាននិយាយដែរថា ការសម្រេចយកស្ននេះ ចេញពីករបស់ជនរងគ្រោះ គឺដោយសារមានជំនួយពីក្រុមគ្រូពេទ្យ ផ្សេងៗជាច្រើននាក់។

នៅថ្ងៃព្រហស្បត្តិ៍ នាងអេលីហ្សាជឺឡា ដូចជាបានធូរស្រាល ហើយចាប់ផ្ដើមទទួលទានអាហារតាមមាត់។ នាងដក​ដង្ហើម​ដោយមិនចាំបាច់មានជំនួយពីម៉ាស៊ីន និងអាចកម្រើកបានផ្នែកខាងលើ និងខាងក្រោមនៃដងខ្លួន។ នាយកមន្ទីរពេទ្យ​បាន​អះអាងថា «នាងនៅនិយាយមិនទាន់កើតទេ តែនាងបានសរសេរពីអ្វីដែលនាងចង់បាន»៕

------------------------------------------------
ដោយ ឈូករ័ត្ន - ប៉ារីស​ ថ្ងៃទី១១ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...