កម្មវិធី​«ផ្ញើរ​សារ​ដោយ​ផ្ទាល់» របស់​ហ្វេស​ប៊ុក កាន់​តែ​មាន​រូបភាព​សម្បូរ​បែប

បណ្តាញទំនាក់ទំនងសង្គមដ៏ធំ ហ្វេសប៊ុក (Facebook) បានធ្វើការកែប្រែប្រភេទកម្មវិធីទំនាក់ទំនងសង្គមដ៏ល្បីរបស់ខ្លួន ដែលមានឈ្មោះថា ហ្វេសប៊ុក ម៉េស៊ីងចឺ (Facebook Messenger) ឬប្រព័ន្ធ «ផ្ញើរសារដោយផ្ទាល់» ឡើងដល់ស៊េរី ២.៤ ហើយ សម្រាប់ប្រភេទទូរស័ព្ទ អាយហ្វូន (iPhone) និងអាយផដ (iPod) របស់ក្រុមហ៊ុន អ័បផល (Apple)។
Loading...
  • ដោយ: វិន ជីវ័ន្ត
  • កែប្រែចុងក្រោយ: May 07, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បណ្តាញទំនាក់ទំនងសង្គមដ៏ធំ ហ្វេសប៊ុក (Facebook) បានធ្វើការកែប្រែប្រភេទកម្មវិធីទំនាក់ទំនងសង្គមដ៏ល្បីរបស់ខ្លួន ដែលមានឈ្មោះថា ហ្វេសប៊ុក ម៉េស៊ីងចឺ (Facebook Messenger) ឬប្រព័ន្ធ «ផ្ញើរសារដោយផ្ទាល់» ឡើងដល់ស៊េរី ២.៤ ហើយ សម្រាប់ប្រភេទទូរស័ព្ទ អាយហ្វូន (iPhone) និងអាយផដ (iPod) របស់ក្រុមហ៊ុន អ័បផល (Apple)។


កម្មវិធី«ផ្ញើរសារដោយផ្ទាល់» នៅលើអាយហ្វូន។

ក្រុមហ៊ុនបានដាក់ឲ្យប្រើប្រាស់ជាផ្លូវការ នូវជំនាន់ថ្មីនេះ កាលពីថ្ងៃច័ន្ទ ទី០៧ ខែឧសភា។ ម៉េស៊ិងចឺ ២.៤ នេះ អាចដំណើរ​ការកាន់តែរលូនជាងមុន បន្ទាប់ពីមានការកែប្រែនូវកំហុសឆ្គងមួយចំនួន នៅលើជំនាន់ចាស់។

ជាមួយនឹងកំណែប្រែមួយចំនួនថ្មីនេះ វារឹតតែផ្តល់ភាពទាក់ទាញ ជាមួយនឹងរូបភាពស្អាតៗ ដែលបង្ហាញពីអារម្មណ៏ និង​ពាក្យពេចន៏របស់អ្នក ដោយពុំចាំបាច់សរសេរអ្វីច្រើនឡើយ ក្នុងការផ្ញើទៅកាន់មិត្តភក្តិ។ ហើយរូបភាពជាច្រើនទាំងនោះ អ្នកអាចទាញយកបានដោយឥតគិតថ្លៃ។

លក្ខណៈសំខាន់ៗ នៃជំនាន់ថ្មី របស់ «ហ្វេសប៊ុក ម៉េស៊ិងចឺ» នេះរួមមាន៖

ការប្រើប្រាស់រូបភាព
• ដោយគ្រាន់តែយកម្រាមដៃរបស់អ្នក ចុចលើនិមិត្តសញ្ញា ដែលមានក្នុងប្រអប់ជជែកកំសាន្ត (chat) នៅផ្នែកខាងស្តាំ នោះវានឹងបង្ហាញនូវផ្ទាំងរូបភាពជាច្រើនឲ្យអ្នកជ្រើសរើស។
• សំរាប់ការផ្ញើ អ្នកគ្រាន់តែជ្រើសរើសរូបភាពណាមួយ ហើយចុចលើរូបនោះជាការស្រេច។

ការបន្ថែមមុខងារថ្មី
• អ្នកអាចលុបចោលការសន្ទនា នៅក្នុងប្រអប់សាររបស់អ្នកបាន ដោយគ្រាន់តែចុចលើរូបមិត្តភក្តិណាម្នាក់ដែលចង់លុប ហើយអូសលើអេក្រង់ទៅខាងឆ្វេងជាការស្រេច។
• វាអាចកែប្រែនូវកំហុសឆ្គងបាន។

អ្នកអាចទាញយកនូវកម្មវិធី ហ្វេសប៊ុក ម៉េស៊ិងចឺ ២.៤ នេះដោយស៊េរី នៅក្នុង អាភ្លិខេសិន ស្តរ (Application Store) ដែល​មានទំហំត្រឹមតែ ១៨.២ ម៉េហ្គាបៃ ប៉ុណ្ណោះ សម្រាប់ដំណើរនៅលើ អាយហ្វូន, អាយផដ និងអាយផេដ (iPad)៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៧ ខែឧសភា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...