ក្រុមអ្នកវិទ្យាសាស្ត្របាននិយាយថា សមាជិកមួយចំនួន នៃក្រុមដំបូងគេមួយនៅទីក្រុងជេមថោន (Jamestown) ក្នុងរដ្ឋ​វៀជីនី (Virginie) បានរួចរស់មានជីវិតពីស្ថានភាពដ៏សែនលំបាកវេទនា ដែលត្រូវរងគ្រោះ រហូតដល់ការនិយមស៊ីសាច់​មនុស្ស។

ការដាក់តាំងឡើងវិញ នូវរបៀបរបប នៃការរស់នៅរបសជនម្ចាស់ស្រុក នៅទីក្រុងជេមថោន។

ក្រុមអ្នកស្រាវជ្រាវទាំងនោះ បានអះអាងនៅថ្ងៃពុធទី០១ខែឧសភា ថាបានកាយរកឃើញភស្តុតាងដំបូងៗ ដែលទាក់ទង​នឹងបញ្ហានេះ។

សារមន្ទីជាតិប្រវត្តិសាស្ត្រធម្មជាតិ ស្មីតសូនៀន (Smithsonian) និងក្រុមអ្នកស្រាវជ្រាវបូរាណវិទ្យា នៅទីក្រុងជេមថោន បានប្រកាសពីការរកឃើញ គ្រោងឆ្អឺងរបស់ជនជំទង់ម្នាក់ អាយុប្រមាណជា១៤ឆ្នាំ ដែលទំនងជាបានរងគ្រោះ នឹងការ​ចាប់​ស៊ីសាច់មនុស្ស។

សំណល់ឆ្អឹងឆ្អែង របស់យុវតីក្មេងរូបនេះ មានអាយុកាល ប្រហែលជានៅចន្លោះពេលរដូវធ្លាក់ទឹកកក នាឆ្នាំ១៦០៩ និងឆ្នាំ​១៦១០។ នាពេលនោះដែលជាពេលដែលខ្វះស្បៀងអាហារយ៉ាងខ្លាំង បានធ្វើអោយមនុស្សជាច្រើនពាន់នាក់ បានក្លាយ​ជាជនរងគ្រោះ ជាពិសេសអ្នកម្ចាស់ស្រុក នៅទីក្រុងជេមថោន ។

គេបាននិយាយតាំងពីច្រើនឆ្នាំមកហើយ  ទាំងមិនមានភស្ដុតាងអ្វីច្បាស់លាស់ ថាជនម្ចាស់ស្រុកទាំងនោះ បានស្វែងរក​ដំណោះស្រាយចិញ្ចឹមក្រពះ ដោយការចាប់បរិភោគ នូវសត្វឆ្កែ កណ្ដុរ ពស់វែក ... និងរហូតដល់មនុស្សថែមទៀតផង៕

សូមអញ្ជើញទស្សនាវីដេអូ ខាងក្រោម ដែលនិយាយពីរបកគំហើញនេះ ៖

-----------------------------------------------------------------
ដោយ សេក មនោរកុមារ - ប៉ារីស​ ថ្ងៃទី២ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ