Posts in ‘សម្រាំងកីឡា’ Category

តើក្រុម ប៉ារីសស៊ាំងហ្សែរម៉ាំង (Paris Saint-Germain) មិនមាន​លទ្ធភាព ដើម្បី​ក្លាយ​ជា​«ជើងឯក​អ៊ឺរ៉ុប»​ទេ​ឬ? មាន​ឬគ្មាន​ក៏ដោយ តែមកដល់ថ្ងៃនេះ ក្រុមបាល់ទាត់ នៃរដ្ឋធានីប៉ារីស (ប្រទេសបារាំង) មួយនេះ តែងតែជួបនូវ​បរាជ័យជានិច្ច នៅពេលឡើង​មកដល់ វគ្គ១ភាគ៤ផ្ដាច់ព្រ័ត្រ (ភាគច្រើន​​នៅត្រឹមតែ ១ភាគ៨ផ្ដាច់ព្រ័ត្រ)  នៃការប្រកួតក្របខណ្ឌជើងឯកអ៊ឺរ៉ុប «Champions League»។

ដូចក្នុងយប់នេះ ក្រុមប៉ារីស ដែលគ្មានកំពូលតារា​បាល់ទាត់​របស់ខ្លួន គឺកីឡាករ ណីម៉ា (Neymar) នោះ បានប្រកួតចាញ់ក្រុម រៀលម៉ាឌ្រីត (Real Madrid) ជាថ្មី​ទៀត នៅក្នុងផ្ទះខ្លួនឯង (កីឡាដ្ឋាន «Parc des Princes» រដ្ឋធានីប៉ារីស - បារាំង) ក្នុងការប្រកួត«ត្រឡប់» ដោយពិន្ទុ១-២ បន្ទាប់ពីបានប្រកួតចាញ់ក្រុម រៀល ក្នុងការប្រកួត​«ទៅ» កាលពី៣សប្ដាហ៍មុន នារាជធានី ម៉ាឌ្រីត (អេស្ប៉ាញ) ដោយពិន្ទុ ១-៣។

ខាងក្រោមនេះ ជាកីឡាកររបស់ក្រុម រៀលម៉ាឌ្រីត (Real Madrid) ដែលត្រូវទំព័រទ្វីសធើរ របស់ក្រុម រៀល បង្ហាញនៅមុននេះបន្តិច៖

#APorLa13
¡Nuestro once inicial para el partido contra el @PSG_espanol!#HalaMadrid pic.twitter.com/q479tEqq6j

— Real Madrid C.F. (@realmadrid) 6 mars 2018

ខាងក្រោមនេះ [...]

យកឱកាស នៃការប្រកួតបាល់ទាត់ ដែលពិភពលោកកំពុងតាមដាន ដើម្បីបង្ហាញស្បែកជើង ក្រាំប៉ុង (Crampon) ដ៏ពិសេសថ្មីមួយគូ ដែលឆ្នៃម៉ូដោយលោក គីម ចន (Kim Jones) អ្នកបង្កើតម៉ូតជាតិអង់គ្លេសដ៏ល្បី។ គឺនៅក្នុងការប្រកួត«ត្រឡប់» នៃវគ្គ១ភាគ៨ផ្ដាច់ព្រ័ត្រ ក្នុងក្របខណ្ឌដណ្ដើមជើងឯក​អ៊ឺរ៉ុប «Champions League» រវាងក្រុមប៉ារីសស៊ាំងហ្សែរម៉ាំង (Paris Saint-Germain) និងក្រុម រៀលម៉ាឌ្រីត (Real Madrid) ថ្ងៃទី៦ ខែមីនានេះ ដែលកីឡាករ គ្រីស្ទៀណូ រ៉ូណាល់ដូ (Cristiano Ronaldo) គ្រោងនឹងពាក់ស្បែកជើងនេះ ដើម្បីចូលប្រកួត។

ស្បែកជើង ដែលមានឈ្មោះ «Mercurial Superfly 360» ត្រូវបានបង្ហាញជាសាធារណៈ កាលពីប៉ុន្មានថ្ងៃមុន និងត្រូវបានឆ្នៃម៉ូដ ដោយលោក គីម ចន ដែលធ្លាប់ជានាយក ខាងរចនាម៉ូដ របស់សហគ្រាស «Louis Vuitton» យីហោដ៏ល្បីមួយ [...]

បើទោះជាក្រុម ប៉ារីសស៊ាំងហ្សែរម៉ាំង (Paris Saint-Germain) បានចាញ់ក្រុម រៀលម៉ាឌ្រីត (Real Madrid) ក្នុងការប្រកួត«ទៅ» នៃវគ្គ១/៨ផ្ដាច់ព្រ័ត្រ ក្នុងក្របខណ្ឌដណ្ដើមជើងឯកអ៊ឺរ៉ុប «Champions League» ក្នុងពិន្ទុដល់ទៅ ១-៣ ហើយក្រុមប៉ារីស បានបាត់បង់ ណីម៉ា (Neymar) កំពូលកីឡកររបស់ខ្លួន (រងរបួសកែងជើង កាលពីសប្ដាហ៍កន្លងទៅ) នោះក៏ដោយ តែសម្រាប់បណ្ដាជនអ្នកចូលចិត្តភ្នាល់បាល់ នៅក្នុងប្រទេសបារាំង មិនបានគិតថា ក្រុមប៉ារីស នឹងប្រកួតចាញ់ក្រុម រៀល ក្នុងការប្រកួត«ត្រឡប់» នៅថ្ងៃទី៦ ខែមីនា នោះទេ។

នៅលើគេហទំព័រ «PMU.fr» ដែលជំនាញខាងការភ្នាល់កីឡា នៅលើបណ្ដាញអ៊ិនធើណែតនោះ បានបញ្ចេញរបាយការណ៍មួយ នៅយប់ថ្ងៃទី៥ ខែមីនានេះថា ក្រុមអ្នកភ្នាល់បាល់ប្រមាណជា ៥៨% បានចាក់យកក្រុមប៉ារីស ថានឹងប្រកួតឈ្នះក្រុម រៀល។ ពីក្នុងចំណោមនោះ បណ្ដាអ្នកឈ្លក់នឹងការភ្នាល់ប្រមាណជា ៩៦% នៅតែជឿជាក់ថា ក្រុមប៉ារីសនឹងបំបាក់ក្រុមរៀល [...]

មរណភាពរបស់កីឡាករ ដាវីដ អាស្តូរី (Davide Astori) អាយុ៣១ឆ្នាំ «ទំនងជាបណ្ដាល មកពីអាការៈគាំងបេះដូង ជាធម្មតាមួយ»។ នេះ ជាការអះអាងរបស់រដ្ឋអាជ្ញា ប្រចាំតំបន់ នៃប្រទេសអ៊ីតាលី លោក «Antonio de Nicolo» ដែលត្រូវបានសារព័ត៌មាន «Corriere della Sera» យកមកចុះផ្សាយបន្ត នៅរសៀលថ្ងៃអាទិត្យនេះ។

លោក «Antonio de Nicolo» បានបន្តថា វាជារឿងចម្លែកណាស់ ដែល«ហេតុការណ៍បែបនេះ បានកើតឡើង ដោយគ្មានស្លាកស្នាមអ្វីសោះ នៅក្នុងក្របខណ្ឌនៃអាជីពមួយ ដែលតែងត្រួតពិនិត្យ យ៉ាងជាប់លាប់ ដោយគ្រូពេទ្យប្រចាំក្រុមនោះ»។ 

កីឡាករត្រូវបានប្រទះឃើញស្លាប់ នៅក្នុងបន្ទប់សណ្ឋាគារមួយ នាក្រុង «Udine - ភាគខាងកើតអ៊ីតាលី» ខណៈក្រុមបាល់ទាត់ ហ្វីយ៉ូរ៉ង់ទីណា (Fiorentina) ត្រូវជួបប្រកួត ក្នុងថ្ងៃអាទិត្យនេះ ជាមួយក្រុមបាល់ទាត់ នៅទីនោះ ក្នុងក្របខណ្ឌដណ្ដើមជើងឯកបូកពិន្ទុ «Serie A» របស់ប្រទេសអ៊ីតាលី។ សាកសពរបស់កីឡាករ [...]