Posts in ‘ពិភពលោក’ Category

សម្ដេចសង្ឃកាតូលីកថ្មី ដែលយកព្រះនាមថ្មី ហ្វ្រង់ស៊័រទីមួយ (François Ier) ជាជនជាតិអាហ្សង់ទីន។ ព្រះអង្គមាន​ព្រះ-​នាមដើមថា ហ្សច ម៉ារីយ៉ូ ប៊ែរហ្សូចលីយ៉ូ (Jorge Mario Bergoglio) ជានាយកបុព្វជិកនៅក្នុងប្រទេសព្រះអង្គ និងត្រូវ​បាន​ព្រះវិហារកាតូលីកកណ្ដាល នៅទីក្រុងវ៉ាទីកង់ ជ្រើសតាំងជាសម្ដេចសង្ឃនៅយប់ម៉ោង០៨ នៃថ្ងៃទី១៣ខែមិនា។

សម្ដេចសង្ឃកាតូលីក ហ្វ្រង់ស៊័រទីមួយ ថ្លែងពាក្យដំបូងទៅកាន់បណ្ដាជន។

សម្ដេចសង្ឃថ្មី បានចេញបង្ហាញខ្លួន នៅលើរាលហាននៃព្រះវិហា ស៊ាំង ពីជែរ (Saint-Pierre) ហើយបានបន្លឺវាចាជា​លើកដំបូង ទៅកាន់អ្នករងចាំព្រះអង្គរាប់សិបពាន់នាក់ នៅលើទីលាននៅខាងមុខ។

«វាទំនងជាសមាជិកគណសង្ឃទាំងអស់ បានធ្វើដំណើរទៅកាន់ ទីចុងបំផុតមួយនៃផែនដី ដើម្បីស្វែងរកខ្ញុំ» [...]

អតីតប្រធានក្រុមប្រឹក្សារដ្ឋអ៊ីតាលីរូបនេះ (ឬអាចនិយាយថា ជានាយករដ្ឋមន្ត្រី) បានច្រានចោលការដាក់ទោសនេះ ហើយ​អាចនឹងធ្វើឧទ្ទរណ៍...

លោកស៊ីវីយ៉ូ ប៊ែលូស្កូនី។

តុលាការនៅទីក្រុងមីឡង់ បានចេញសាលក្រម នៅថ្ងៃព្រហស្បត្តិ៍ទី០៧ខែមិនានេះ កំណត់ដាក់ទោស អតីតបុរសមាន​អំណាច លោកស៊ីវីយ៉ូ ប៊ែលូស្កូនី (Silvio Berlusconi) អោយជាប់ពន្ធនាគារ១ឆ្នាំ នៅក្នុងបទចោទពីការរំលោភ ការសម្ងាត់​នៃស្ថាប័ន ដែលទាក់ទងនឹងរឿងអាស្រូវក្នុងធនាគារ កាលពីឆ្នាំ២០០៥។

លោកស៊ីវីយ៉ូ ប៊ែលូស្កូនី ដែលបដិសេធនៅគ្រប់ការចោទប្រកាន់ អាចនឹងធ្វើឧទ្ទរណ៍។ នៅចំពោះមុខច្បាប់របស់​ប្រទេស​អ៊ីតាលី ប្រធានគណបក្សកណ្ដាលនិយមស្ដាំមួយនេះ មិនអាចទទួល«ទោសរំលោះ»ណាមួយបានឡើយ បើការប្ដឹង​ឧទ្ទរណ៍​នៅមិនទាន់ បានបញ្ចប់ផ្លូវរបស់វានោះ។ បានន័យថា [...]

បន្ទាប់ពីប្រយុទ្ធតទល់នឹងជម្ងឺមហារីក តាំងពី២ឆ្នាំកន្លងមក ប្រមុខរដ្ឋដ៏មានប្រជាប្រិយ នៃប្រទេសវ៉េនេស៊ុយអេឡា បាន​ធ្វើមរណភាព ក្នុងអាយុ៥៨ឆ្នាំ នៅថ្ងៃ៥ខែមិនា វេលាម៉ោងប្រមាណជា៤ម៉២៥នាទី ម៉ោងនៅក្នុងស្រុក។

លោកឆាវ៉េស និងកូនស្រីរបស់លោក នៅពេលធ្វើការវះកាត់រួច នៅប្រទេសគុយបា។

ប្រធានាធិបតីហ៊ុយហ្គោ ឆាវ៉េស (Hugo Chavez) បានលាចាកលោក នៅទីក្រុងការ៉ាកាស ក្នុងអាយុ៥៨ឆ្នាំ បណ្ដាលមកពី​ជម្ងឺមហារីក ដែលចាប់ផ្ដើមរោគសញ្ញាដំបូង នៅខែមិថុនាឆ្នាំ២០១១។ មរណភាពរបស់លោក បានបិទបញ្ចប់ការកាន់​អំណាចជាង១៤ឆ្នាំ ដែលជាសម័យកាលមួយ មានពណ៌ក្រហមតាមបែបផ្ដាច់ការ នៅប្រទេសស្ថិតនៅក្នុងទ្វីប​អាមេរិក​ខាងត្បូងមួយនេះ។

«យើងទើបនឹងបានទទួលដំណឹង មិនអាចទទួលយកបាន និងរន្ធត់ ដែលយើងអាចផ្សាយ ទៅជូនប្រជាជនរបស់យើង។ [...]